1 Samuel 11:13 - Zanniat Bible

¹³ Ikhalselai Saul in, “Tunnia ah aisu khai rek tuh lo i si, zaimantifangin tunnia tu Bawipa in Israel a osuak nia i,” tiin ti i.

Khualsim Bible

¹³ Ihmansela Saul ni, “Nihinni ahhin ahuhman thah an i thok lo, icatile nihinni ahhin Bawipa ni Israel parah runsuahnak a phatsak rom,” tiah a ti.

Falam Common Language Bible

¹³ Asinain Saul in, “Tuihsun ah zohman nan that lo pei, ziangahtile tuihsun cu Bawipa in Israel a runsuak ni a si,” tiah a ti.

1 Samuel 11:13 ပူးပေါင်းရင်းမြစ်များ

2 Samuel 19:22

Ikhalselai David in Abishai le a u Joab hnenah, “Aisu in ning ruathnak ning zawt i? Kaimah caah hnaihnokhnak petu ah cang ning nuam im? Tun tu kaimah heh Israel kumpibawi ing ai tunnia ah Israel mite pakhat khai rekhnak tuar tuh lo i,” tiin ti i.

2 Samuel 19:23

Cen Shimei hnenah, “Aisu inkhai na rek tuh hrimhrim lo i,” tiin cukcam in thukham i.

2 Samuel 23:10

Ikhalselai Eleazar tu a umhnak an ṭang ai Filistin mite heh a ralvang in sat diamdo ai a kut hik sio ai a ralvang huamhnak rin a pharh leh thil lo tianin rek i. Cia nia ah Bawipa in a hatmi ral neh i. Ciaben fangin Israel mite tu a thi mite ai ralthuam lang tuh lekin Eleazar hnenah let tlang leh i.

Suahhlannak 14:13

Ciafangin Moses in Israel mite hnenah, “Lau mah ih; kho ngai in ding tu ilai, tunnia ah ning o tuhin Bawipa ai bawn tuhhnak sik tu ih. Tunnia ning hmuhnak Egypt mite heh hmu tuh nawn lo ihang i si.

Suahhlannak 14:30

Cia nia ah Egypt mite kut songin Israel mite tu Bawipa in osuak ai Egypt mite ai mithi luang heh Israel mite in tipui hiangah hmu tlang i.

Isaiah 59:16

Nauneh mite bawmtu tuhin aisu khai um lo khiah a hmu fangin a multing ngai i. Ciamanin amah hathnak huham tu hmang tuhai nehtu i tuh i.

1 Korin 15:10

Ikhalselai Pathian ai ninghiohnak thawmin tunai bangin i cang ve ai i vumai ninghio a naihnak heh a lovang ilo i. A nalang dangte tahin roh sawn in naper ing; ikhalselai ciami heh kaimah ai perhnak ti tuhhnak ilo i; i hnenai a umtu Pathian ninghiohnak ai perhnak sawn i.

1 Samuel 10:27

Ikhalselai milovang hrekkhatte in, “Hemi pa in akontih in kin ca thilpha bawn ben ni im,” tiin ti tlang i. Saul tu nautat ai lehsawng khai pe nuam tlang lo i.

1 Samuel 14:45

Ikhalselai Israel mite in Saul hnenah, “Israel caah ral a nehtu Jonathan thi tuh im? Thi hrimhrim hlah! A lu vumai samfang pakhat khai laipua vumah tlok maseh, tiin a nungmi Bawipa hmingin thukham i ing. Tun nia ai a bawnhnak tu Bawipa bawmhnak in a bawnhnak i,” tiin ti tlang i. Ciatihin Israel mite in Jonathan heh thi loin hup ngah tlang i.

1 Samuel 19:5

Goliath a rek laiah a nunhnak rin ruat loin a bawnhnak i ai Bawipa in Israel caah ral lianpui neh i. Ciami na hmu fangin na ang ngai i. Zaimanin a thiangmi David tu ziang thu khai um loin rek tum isi?” tiin ti i.