1 Korin 1:10 - Zanniat Bible

¹⁰ U le naute, ning lakai khekdunhnak um tuh loin ning thinlung rual dun niu in um tu hram ih tiin kin Bawipa Jesuh Khrih hming in ning ngen ing. Rualrem ngai in, thinlung khat le tumtekhnak hmunkhat nai in um tu ih.

Dân Thar NT (BSI)

¹⁰ Sokpui ngyi, nyng châknin kyryngka chawng nyng ril a, nyng sunga rethennâ reng a awm mak rang kânin, mulung munka le ryvak munka dik taknin nyng ry rawzawm rang tânin, yi Pumâ Jisu Krista rimingnin nyng na ki u â chang.

Khualsim Bible

¹⁰ Ulenau hngai, nan zate thucaangtiain, cun nan lakah ṭhenṭhehnak omloin, ruahnak sakhat leh tumtahnak sakhat ah nan lungrual nakding tu kan Bawi Jesuh Khrih min in kan tan ngen hngai.

Falam Common Language Bible

¹⁰ Ka u le ka nau tla, nan lakih ṭhenṭheknak a um lonak dingah nan thinlung rual awtein um hram uh tiah kan Bawipa Jesuh Khrih hmin in ka lo dil a si. Rualrem zetin, thinlung khat le tumtahnak bangrep in um uh.

1 Korin 1:10 ပူးပေါင်းရင်းမြစ်များ

SAAM LABU 133:1

Pathian ai minungte unau bangin hmunkhat ah um tlang heh pha ai a nuam ngai i!

Jeremiah 32:39

Anite nunhnak ah tumtekhnak thil pakhat ian pe tuh ing: anite phathnak le a tesinfate phathnak hrangah catloin in kai tu upathnak i pe tuh i.

Matthai 9:16

Aisu inkhai angki hlun her vumah pon thar in dat awng kel lo i, zaimantifangin a dathnak thil thar khiah ton tuhai angki a herhnak kau tuh amam i.

Marka 2:21

“Angki hlun dathnak tuhin aisu inkhai pon thar hmang awng kel lo i; zaimantifangin a dathnak pon thar heh ton tuhai a hnikpon hlun sawn zikruai tuhai a her cia heh kau tuh amam i.

Marka 3:24

Ram pakhatkhat heh ram khan tampui in khan ai amahte le amahte tawng dun lekhaw cia ram heh piak tuh sek i.

Johan 10:19

Ciatihin a pong manin mizapui tu amahte ruathnak khek dun lala i.

Johan 17:23

Anite tu pakhat taktak i ai ciatihin laivum in nangmah ai hlathnak mi ing ti ling thil tuhin le kaimah i it bangin anite khai it isi ti ling tuhin kai tu amahte songah um ai nang tu i songah um isi.

Johan 7:43

Ciatihin Jesuh manin mizapui lakah khekdunhnak um i.

Johan 9:16

Farasi mi hrekkhat in, “Hebang thil a bawntu pa tu Pathian hnenin a kawitu i tuh lo i, zaimantifangin Sabbath dan hlun lo i,” tiin ti tlang i. Midangte in, “Misual iselai hebang hnikhnaihhnak heh akontih in bawn thil tuh i?” tiin ti tlang ve i. Ciatihin amahte lakah khekdunhnak um i.

Tirhthalahle 4:32

Sangtute tu ruathnak khat le thinlung khat in um tlang i. Aisu inkhai a naihnak thilri heh, ‘Kaimah bul ai i,’ ti lo i; amahte naihnak hmuahhmuah khiah pakhat le pakhat hlawm dun i.

Rom Pawlpi Hemih Paul Laikuat 1:13

U le naute, hemi heh hih tu ngio ih: vel tampui ning tlawng tuhin tum zo ing, ikhalselai tlawnsuak thil tuh loin i dawntu zaimaw um ngiode i. A dang Gentile mi lakah lungthlengtu i nairuai ben bangin, ningmah lakah khai lungthlengtu um tuh heh i hiam ze i.

Rom Pawlpi Hemih Paul Laikuat 12:1

Ciatih ilekhaw u le naute Pathian ai ninghiohnak manin ning ruang pumpui tu a thiangmi le a cotlak hibawlhnak hnahpha bangin Pathian hnenah pe tu ih, tiin ning ngen ing. Ciami tu Pathian hnenah na pe tuhhnak biahnak taktak ihang.

Rom Pawlpi Hemih Paul Laikuat 12:16

Ningmah ca ning ruat bangin midang ca ahkhai ruat tu ve ih. Kaimah ber panpan ing, tiin ruat dun mah ih; naper ṭukṭak niuniu per zuamhnak thinlung nai tu ih. I fim i tiin ruat dun mah ih.

Rom Pawlpi Hemih Paul Laikuat 15:30

U le naute, kaimah caah Pathian hnenah saw i nget tuh ve ṭio in kin Bawipa Jesuh khrih le Rauhla ai i pehnak ithnak thawn ning forh ing.

Rom Pawlpi Hemih Paul Laikuat 16:17

U le naute, khekdunhnak a suahpuitu le sanghnak a buaitiartu le ning pom cia zirhhnak a dotute khiah ralring tu ih tiin ning forh ing. Anite tu kom mah ih.

1 Korin 1:11

U le naute, ning lakah haudunhnak um ṭiode i ti khiah Chloes ai songkhatte in fiangniu in i rel i.

1 Korin 11:18

A hmasaber ah pum ning khawm fangin bur khat le bur khat rem dun loin um i tiin mi in i rel i. Hemi heh a dikhnak zawn um tuh i tiin sang ing.

1 Korin 12:25

Ciatihin ruangpum vumah khekdunhnak zaikhai um lo i; taksakhan pakhat le pakhat vumah zawmruathnak nai sawn i.

1 Korin 3:3

zaimantifangin tunah khai tisa nun in nung lai i si. Pakhat le pakhat iksik dun ai ning hua dun fangin lai tisa ai ning imanin tisa dan in nung i si, ti khiah lar ilo im?

1 Korin 4:16

Ciamanin i nundan heh i hlun tu ih, tiin ning forh ing.

2 Korin 10:1

Hmunkhat ah kin um tlang fangin tu a nun pha i, ponkam nem i, i ti tlang ai kin khek hnuaah tu a mithmai thim ze i, ning tihnak kaimah Paul in Khrih ai ninghiohnak le nunnemhnak thinlung thawn,

2 Korin 13:11

Tun tu u le naute, cak niu in um tu ih. Semkhim tuhin zuam tu ih. I ngenhnak khiah ngai tu ih; pakhat le pakhat thinlung rual niu in um tu ih; rem niu le dap niu in um tu ih. Cen ithnak Pathian le daphnak Pathian tu ningmah thawn um tuh i.

2 Korin 13:9

Kin tu kin ṭawnṭai napui ning tu ning hat manin lung kin awi i. Ciamanin mi semkhim ning cang tuhin kin inkhai sawngen tlang i ing.

2 Korin 5:20

Ciamanin kin tu Khrih ai nalangte i ing. Pathian Amah rori kinmah songah thu a rel bangin thu rel i ing. Khrih ai hming in ning sawm i ing: Pathian thawn rem dun tu ilai a ral ihnak in a rualpui ah cang tu ih.

2 Korin 6:1

Pathian thawn naper tlang kin imanin Amah ai ninghiohnak ning cohnak heh a lovang cangruai tuh hram loin ning ngen ing.

Galati 4:12

U le naute, ningmah bangin i um awng zo i; ning khai dan ai thu ah kaimah bangin um tu ve ih, tiin ning ngen ing. Tun tian i vumah hnawmhnak bawn lai lo i si.

Filipi 1:27

Tun laiah a thupuihnak tu Khrih ai Thuthangpha ai daihdan bangin ning nuncan heh cang thil selai, ciatihin ning tawk thil inkhai ituseh, tawk thil lo inkhai ituseh, tumtekhnak pakhat nai in kho ngai in ding ai Thuthangpha hrangah hmunkhat ah thinlung rual niu in raltawng tlang i si ti khiah ling tuh ing.

Filipi 3:16

Ciahlan song tu, tunnia tian kin hlunhnak dan hlun in hmai lam feh tlang ngasing.

1 Thesalon 5:13

Ning caah naper tlang manin hmaizahhnak a sang ber le ithnak pe tu ih. Ningmah lakah dap niu le rem dun niu in um tu ih.

2 Thesalon 2:1

U le naute, kin Bawipa Jesuh khrih a hleng leh tuhhnak le amah thawn hmunkhat ah kin taikhawm tuhhnak thu ah,

1 Timote 5:21

Pathian le Khrih Jesuh le a thianghlim vancungmi hmaiah na ruai ing: zai na bawn inkhai aisu khai hlaihdanhnak um loniu in he zirhhnakte heh hlun tu.

2 Timote 4:1

Mithi le minungte thula a khantu Khrih Jesuh hmai le Pathian hmaiah a hnia lamai bangin heh bawn tuhin roh ngai in na forh ing; zaimantifangin Khrih tu kumpibawi bangin uktu cang tuhin hleng leh tuh i.

Joshua 22:15

Gilead ram hleng ai Reuben mi, Gad mi le nisuah lam Manasseh mite hnenah,

1 Piter 2:11

I ithnak i rualte, he laipua vumah mikhual le raltlan mi bangtluk i si ai ning hnenah ninghiohnak ning ngen ing. Rauhla thawn a ral dun ngiode tisa hiamhnak in ning neh hram maseh.

1 Piter 5:10

Cen can comniu song ning tuar hnuaah ninghiohnak in a dimmi Khrih thawn ning pawlkomhnak manin amah thawn songlawihnak kawm dun tuhin ning kotu Pathian amah rori in ning semkhimruai tuhai khohnak le thazang hathnak ning pe tuh i.