ثبرات غار تيتوس 3:2 - ثريفيث 2020

² سْفكَّر-اَثن حمَا وَار تْعيِّبن حَدّ، وَار تْمنْغِين شَا س وَاوَاڒن، أَذ يڒِين تْرَانْكِيڒ، أَذ سْخذْمن يجّن ن تَّوَاضُع اَك مَارَّا يوْذَان.

ثبرات غار تيتوس 3:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:29

اَرْبُوْث خَاوم ثْزَايْڒُوْت ينُو، ڒمْذث زَّايِي ڒَاحقَّاش نش ذ اَصبَّار، وَار ذَايِي بُو تَّكبُّر. ڒخْدّنِّي اَذ تَافم أَرَّاحث إِ يِيخف نْوم.

ڒخذايم 23:5

ينَّا-ٱسن بُوْلُس: "آي اَيثْمَا، قَا نش وَار ث سِّينغ شَا تُوْغَاث ذ اَرَّايس ن ڒْفُقَهَا مِنْزِي لْكِتَاب يقَّار: <أَرَّايس ن شَّعْب، وَار ذَايس قَّار بُو ڒْعِيب.>"

1 أيث-كورينث 6:10

ذ يشفَّارن، ذ يضمَّاعن، ذ يِنِّي يسسّن اَطَّاس ن شّْرب، ذ يِنِّي يقَّارن ڒْبَاطڒ، ذ يغشَّاشن وَار تْوَارَاثن شَا ڒْمُلْك ن أَربِّـي.

1 أيث-كورينث 9:19

وَاخَّا نش وَار غَارِي بُو بَاب ينُو، وَلَكِن أَرِّيغ يخف ينُو ذ يسْمغ زَعْمَا إِ مَارَّا بَاش اَذ ربْحغ اَطَّاس ن زِّيَادَا ن يِوْذَان.

22 أيث-كورينث 10:1

فَا نش ذ بُوْلُس، س يِيخف ينُو تْطَالَابغ-كنِّيو س تَّوَاضُع ذ لْحَنَانَا ن لْمَسِيح. وَاه، ثقَّارم نش زَعْمَا ترْجِيجِيغ خْمِي تِيڒِيغ اَكِذْوم، خْمِي تْغَابغ خَاوم تْقسِيحغ.

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ݣلاطيا 6:1

آي أَيثْمَا، مڒَا ثُوْفِيم شَان يِجّن زَّايْوم ثْسحْصر-يث ڒْمُعْصِيّث، لَابُد مڒَا ثْجهْذم كنِّيو س أَرُّوْح يقدّْسن اَثِيذ تَارّم غَار وبْرِيذ س يِجّن ن وُوْڒ يسبَّارن. أُو حْضَا يخف نّش ؤُڒَا ذ شك بَاش وَار ثتْوَاغَرِّيذ شَا.

أيث-ݣلاطيا 6:10

إِذن مڒْمِي مَا نُوْفَا لْفُرْصَا، لَابُد أَ نݣّ ڒْخِير ذِي مَارَّا يوْذَان خَصَّاتَن اَك أَيثْمَاثْنغ ذِي لْإِيمَان.

أيث-ؤفسوس 4:2

إِڒِيم بْڒَا تَّكبُّوْر قَاع. إِڒِيم س يِجّن ن تَّوَاضُع. صْبَرم اَك وَايَاوْيَا س تَّاسِع ن ڒْخَاضَر ذ ڒمْحِبّث.

أيث-ؤفسوس 4:31

مَارَّا لْعُقْدَا ذ وغْضَاب ذ وعصّب ذ سْذَاع ذ ڒْبَاطڒ سْبعّْذم-ثن خَاوم مَارَّا، أُو كّْسث عَاوذ كُڒ نُّوْع ن ڒقْبَاحث.

أيث-فيليـپـي 4:5

ئِتْخصَّا اَذ د يمظْهَار صّْبَر نْوم إِ مَارَّا يوْذَان، أَقَا سِيذِيثْنغ يُوْذس-د.

1 أيث-سلونيك 2:7

وَلَكِن لَّا، نشِّين نْخدّم اَكِذْوم س تَّوَاضُع اَم ثمْغَارْث اَك ثَارْوَا نّس.

1 تيموتاوس 3:11

أَمنِّي عَاوذ ثِمْغَارِين يتْخصَّا اَذ يڒِينْت مْوقّرِينْت وَار ذَايْسنْت تِيڒِي شَا نَّمِيمَا اَذ حكّْمنْت خ يِيخف نْسنْت اَذَايْسنْت ثِيڒِي تِّقث ذِي مَارَّا ثِمسْڒَايِين.

1 تيموتاوس 3:3

ئِتْخصَّا وَار يتݣّ شَا لْمَدلَّا ن سّكْرَا، وَار يشِّيث شَا اَذ يِيڒِي تْرَانْكِيڒ. ئِتْخصَّا وَار يتْمنْغِي شَا س وَاوَاڒ، وَار يظمّع شَا ذِي تْمنْيَاث.

ثبرات غار يعقوب 3:17

ڒفْهَامث إِي د يهوَّان زݣ وجنَّا، مِين ذَايس مُهِم قَاع اَذ تِيڒِي ثصْفَا. نتَّاث عَاوذ ذَايس ڒهْنَا ذ صّْبَار، وَار ذَايس تِيڒِي بُو ثْغنَّانْت. ثشُّوْر س أَرَّحْمث ذ لْحَسَنَاث، وَار ذَايس بُو وُوْذمَاون نِغ ذ نِّفَاق.

ثبرات غار يعقوب 4:11

آي أَيثْمَا، وَار قَّارث بُو ڒْبَاطڒ خ وَايَاوْيَا. مِينْزِي ونِّي يقَّارن ڒْبَاطڒ خ وُوْمَاس نِغ يتْعيَّاب-يث، أَتَاف يقَّار ڒْبَاطڒ خ شَّرِيعَا يتْعيَّاب-يت. خْمِي تْعيَّابذ شَّرِيعَا اَتَاف شك وَار زَّايس ثخدّْمذ شَا؛ لَّا، أَتَاف شك ذ ڒْقَاضِي نّس وَاهَا.

1 بطرس 2:1

إِذن فَا كّْسث زݣ وُوْرَاون نْوم مَارَّا شَّرّْ ذ مَارَّا لْغذْرَان ذ نِّفَاق ذ ڒحْسذ ذ مَارَّا ڒْبَاطڒ.

1 بطرس 3:10

لِأَنَّا يقَّار: <ونِّي يرزُّوْن اَذ يحِبّ ثُوْذَارْث نّس، نِغ يخس عَاوذ اَذ يࢲر ؤُسَّان ذ يصبْحَانن، أَو لَابُد اَذ يحْضَا يڒس نّس زِي شَّرّْ، ذ ؤُقمُّوْم نّس زݣ وَاوَاڒ ن ثحْڒَايْمِيث.

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.

1 بطرس 4:4

تْعجِّيبن نِثْنِي يعْنِي مڒَا كنِّيو وَار كِذْسن تِيْذْفم شَا ذِي لْفَيَضَان ن ؤُفلّس-أَ اَذ قِّيمن عَاوذ تْزَوَّارن-كنِّيو.

2 بطرس 2:10

خَاصَّتَان يِنِّي يݣُّوْرن ذݣ وبْرِيذ ن شّهْوث إِݣ يسخْنِيزن بْنَاذم ذ يِنِّي يتْسحْقَارن سُّلْطَا. ئِثَرَّاسن-أَ ذَايْسن زْعَامث ن تَّكبُّر، وَار تݣّْوْذن شَا اَذ ينِين اَوَاڒن وَار يحْڒِين خ لْمخْلُوْقَاث ن وجنَّا.

ثبرات زي يهوذا 1:10

وَلَكِن يثَرَّاسن-أَ يِيْنَا سَّاوَاڒن س وَاوَاڒ وَار يحْڒِين خ مَارَّا مِين وَار فهّْمن شَا. ثِمسْڒَايِين-أَ ؤُمِي فهّْمن إِيوَا فهّْمن-ثنْت س طَّبِيعَا نْسن وَاهَا، نِثْنِي ݣِّين اَم ڒُوْحُوْش يقفْڒن. ثِمسْڒَايِين-أَ ذ نِثنْتِي إِي ثن غَا يمْحَان!

ثبرات زي يهوذا 1:8

أَمُّو عَاوذ يثَرَّاسن-أَ. عْلَاحْسَاب ثِيْرْجَا نْسن سخْنَازن دَّات نْسن، نكَّرن سُّلْطَا، قَّارن اَوَاڒن وَار يحْڒِين خ لْمخْلُوْقَاث ن ؤُجنَّا.