ثبرات غار تيتوس 3:14 - ثريفيث 2020

¹⁴ ئِوْذَان نّغ يتْخصَّا وَار تْعِيشن شَا بْڒَا نّْفَع، ئِتْخصَّا اَذ طوّْعن يخف نْسن س لْحَسَانَاث حمَا اَذ دبَّرن إِ يِيْنَا يتحْذَاجَان.

ثبرات غار تيتوس 3:14 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:19

ئِࢲْرَا يجّن ن ثْشجَّارْث ن ثَازَارْث خ وبْرِيذ يرُوْح غَارس يُوْفِي-ت ذَايس ثِيفْرَاي وَاهَا. ينَّا-ٱس: "شم زِي سَّا اَڒ ثْسَاونْت عمَّارْص اَذ تَارْوذ." ڒخْدّنِّي ثُوْزغ ثْشجَّارْث نِّي ن ثَازَارْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:19

مَارَّا ثَشجَّارْث إِي وَار يتِيْرْون شَا مِين يدْجَان ذ اَصبْحَان اَذ تْوَاقسّ اَذ تْمنْضَار ذِي ثْمسِّي.

يوحنا 15:16

مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.

يوحنا 15:8

أَذ تَارْوم يزكُّوْنن اَطَّاس، أَذ تِيڒِيم ذ يمحْضَارن ينُو. س مَانَايَا يتْوَاسمْغَار بَابَا.

ڒخذايم 20:35

س مَارَّا مَانَايَا سْمظْهَارغ-اَوم-د مَامّش يتْخصَّا-يَانغ أَ نخْذم مْلِيح بَاش أَ نْعَاون يِنِّي يحْذَاجن. أَ نْفكَّر ذݣ وَاوَاڒ ن سِيذِيثْنغ عِيْسَى إِي ينَّا: سَّعْذ ن ونِّي يتِيشّن كْتَار زݣ ونِّي يقبّْڒن."

أيث-روما 12:13

عَاوْنث ڒْمُوْمِنِين صَّالِحِين يِنِّي يتحْذَاجن. رحّْبث خ يِنِّي يتْسَفَارن.

أيث-روما 15:28

إِذن خْمِي غَا كمّْڒغ شّْغڒ-أَ اَذَاسن سِّيوْضغ مَارَّا لْمُعَوَانَا-يَا، أَخَاوم د كّغ خْمِي غَا رَاحغ غَار سْپَـانْيَا.

أيث-ؤفسوس 4:28

ونِّي إِݣ يتَاشَارن لَابُد اَذ يبعّذ زِي ثُوْكَّارْذَا نِّي، أَذ يخْذم يجّن ن ڒْخذْمث ذ ثَصبْحَانْت س يفَاسّن نّس بَاش اَذ يعَاون زَّايس ونِّي يتحْذَاجن.

أيث-فيليـپـي 1:11

زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.

أيث-فيليـپـي 4:16

وَاخَّا وَامِي تُوْغَايِي ذِي ثنْدِنْت ن سَلُوْنِيك مِين حْذَاجغ ذِنِّي ثسّكّم-اَيِي-ث-يد اَطَّاس ن ثْوَاڒَاثِين.

أيث-فيليـپـي 4:17

وَلَكِن نش وَار رزُّوْغ شَا اَذَايِي ثُوْشم شَا ن ڒْحَاجث، نش رزُّوْغ مِين غَا يَرْنِين ذِي لْأَجَار نْوم اَك أَربِّـي.

أيث-كولوس 1:10

حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.

1 أيث-سلونيك 2:9

آي أَيثْمَا، أَقَا ثْعقْڒم خ ڒْخذْمث نّغ قَا نشِّين نُوْوْثَا خَاس تَمَارَا. وَامِي كنِّيو نتْبشَّار س لْإِنْجِيل ن أَربِّـي، قَا نْخدّم دْجِيڒث ذ نْهَار بَاش وَار نتْبسِّيڒ شَا خ شَان حَدّ زَّايْوم.

2 أيث-سلونيك 3:8

وَار نشِّي بُو وغْرُوْم اَك حَدّ بَاطڒ. لَّا، نْخدّم دْجِيڒث ذ نْهَار، نشَّاث تَمَارَا نْربّڒ بَاش وَار نتْبسِّيڒ خ حَدّ زَّايْوم.

ثبرات غار تيتوس 2:8

ذ يِجّن ن وَاوَاڒ ذ صَّح وَار ذَايس بُو ڒْعِيب. أَمُّو اَش سذْحَان يِنِّي ذَاش يتْعَارَّاضن مِنْزِي وَار غَارْسن مِين خَانغ غَا ينِين.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

2 بطرس 1:8

شُوْف، كنِّيو مڒَا ذَايْوم ثِمسْڒَايِين-أَ اَذَايْسنْت ثَرنِّيم، أَتَاف اَذَايْوم يِيڒِي نّْفَع اَذ تَارْوم عَاوذ ذِي ثُوْسْنَا ن سِيذِيثْنغ عِيْسَى لْمَسِيح.