ثبرات غار تيتوس 3:13 - ثريفيث 2020

¹³ عْلَاحْسَاب أَيثْمَاثْنغ أَپُـوْلُّوْس ذ زِيْنَّاس ونِّي إِي يدْجَان ذ اَوْكِيڒ، اݣّ لْمجْهُوْد نّش بَاش اَثن ثْعَاوْنذ ذݣ وبْرِيذ نْسن؛ خْزَر مَا غَارْسن مَارَّا مِين تحْذَاجَان.

ثبرات غار تيتوس 3:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:35

ئِرُوْح يِجّن زَّايْسن نتَّا يتْشرَّاح شَّرِيعَا، ئِخس اَذ يجَرّب عِيْسَى ينَّا-ٱس:

لوقا 10:25

يُوْسَا-د يجّن زݣ يِنِّي يتْشرَّاحن شَّرِيعَا يخس اَذ يجَرّب عِيْسَى ينَّا-ٱس: "آ لْمُعَلِّم، مِين غا ݣّغ حمَا اَغَارِي ثِيڒِي ثُوْذَارْث ن ڒبْدَا؟"

لوقا 11:45

ئِنْدق-د يجّن زݣ يِنِّي يتْشرَّاحن شَّرِيعَا ينَّا-ٱس: "آ لْمُعَلِّم، وَامِي ثقَّارذ مَانَايَا اَقَا ؤُڒَا ذ نشِّين تْحݣَّارذ-اَنغ!"

لوقا 11:52

يَا ڒفْضِيحث نْوم آ يِنِّي يتْشرَّاحن شَّرِيعَا! ثطّْفم ڒْمفْتَاح ن ڒفْهَامث، كنِّيو وَار تِذْفم شَا ذَايس وَار تجِّيم وِي غَا يَاذْفن."

لوقا 14:3

ينَّا-ٱسن عِيْسَى إِ يِنِّي يتْشرَّاحن شَّرِيعَا ذ يِنِّي زِي ڒْحِزب ن يفَرِّيسِيْين: "مَا حَلَال اَذ يتْوَاسْݣنْفَا بْنَاذم ذِي نْهَار ن لْعِبَادَا مَا لَّا؟"

لوقا 7:30

وَلَكِن ڒْحِزب ن يفَرِّسِيْين ذ يِنِّي يتْشرَّاحن شَّرِيعَا وَار خِيسن شَا مِين يخس أَربِّـي، ؤُݣِين اَثن يطهَّار يَحْيَى س وَامَان.

ڒخذايم 18:24

ئِجّن ن ؤُئِسْرَائِيلِي قَّارن-اَس أَپُـوْلُوْس نتَّا يخْڒق ذِي ثنْدِينْت ن إِسْكَنْدَارِيَا، يُوْسَا-د غَار ثنْدِينْت ن ؤُفَسُوْس. نتَّا يفْسُوْس ذݣ وَاوَاڒ يغْرَا اَطَّاس ذِي لْكُتُب.

ڒخذايم 19:1

أَپُـوْلُوْس وَامِي يدْجَا ذِي ثنْدِينْت ن كُوْرِينْث ذِي لْإِقْلِيم ن ؤُخَايَا، ئِكَّر اَرَّسُوْل بُوْلُس يكَّا خ وبْرِيذ ن يذُوْرَار يُوْوض غَار ثنْدِينْت ن ؤُفَسُوْس. يُوْفَا ذِنِّي شَان يمحْضَارن

ڒخذايم 21:5

وَامِي ذَانغ ثقْضَا ذِنِّي ڒْوقْث نّغ نكَّر نفّغ بَاش أَ نْسِيْغِي خ ؤُسَفَر نّغ. مَارَّا يمحْضَارن رُوْحن اَكِذْنغ غَار بَارَّا ن ثنْدِينْت س ثمْغَارِين نْسن ذ ثَارْوَا نْسن، نرْكع خ يفَادّن نّغ خ يِجْذِي ن ڒبْحَر نࢲُّوْدْج.

ڒخذايم 28:10

وقَّرن-اَنغ ؤُشِين-اَنغ اَطَّاس ن ثْمسْڒَايِين. وَامِي نكَّر أَ نفّغ ذݣ وغَرَّابُو، ذبَّرن-اَنغ-د ڒْقشّ نِّي إِي نحْذَاج.

أيث-روما 15:24

خْمِي غَا رَاحغ غَار سْپَـانْيَا تْمنِّيغ اَخَاوم د كّغ، أَكِذْوم قِّيمغ اَكِذْوم فَرْحغ شْوَايْت ن ڒْوقْث. نش تْمنِّيغ زَّايْوم اَذَايِي ثْعَاوْنم اَذ كمّْڒغ خ وبْرِيذ ينُو.

1 أيث-كورينث 16:11

ئِتْخصَّا ؤُڒَا ذ يجّن وَار ٱث يسحْقَار شَا. عَاوْنم-ث ذݣ ؤُسَفَار نّس بَاش اَغَارِي د يعْقب ذِي ڒهْنَا ڒَاحقَّاش نش تْڒَاجِيغ-ث اَك أَيثْمَاثْنغ.

1 أيث-كورينث 16:12

أُو عْلَاحْسَاب ؤُمَاثْنغ أَپُـوْلُّوْس، تَّارغ زَّايس اَطَّاس حمَا اَغَارْوم د يَاس اَك أَيثْمَاثْنغ نّغْنِي وَلَكِن نتَّا يُوْݣِي اَغَارْوم د يَاس ڒخُّو. أَغَارْوم د يَاس اَخْمِي اَغَارس ثِيڒِي يجّن ن لْفُرْصَا.