ثبرات غار تيتوس 3:11 - ثريفيث 2020

¹¹ ثسّْنذ إِلَّا بْنَاذم-أَ يعصَّا ذ اَمْعوَّاج، لْعِقَاب نّس خ يِيڒِي نّس.

ثبرات غار تيتوس 3:11 ပူးပေါင်းရင်းမြစ်များ

لوقا 19:22

ئِنْدق-د وزدْجِيذ نِّي ينَّا-ٱس: شك مِين ثنِّيذ اَخَاك حكْمغ زَّايس آي اَخدَّام اَمْشُوْم. إِيوَا ثسّْنذ بلِّي نش ذ يجّن ن ورْيَاز قسْحغ، كسِّيغ مِين وَار سْرُوْسِيغ، مجَّارغ مِين وَار زرّْعغ.

لوقا 7:30

وَلَكِن ڒْحِزب ن يفَرِّسِيْين ذ يِنِّي يتْشرَّاحن شَّرِيعَا وَار خِيسن شَا مِين يخس أَربِّـي، ؤُݣِين اَثن يطهَّار يَحْيَى س وَامَان.

يوحنا 3:18

ونِّي زَّايس يتَامْنن اَتَاف وَار يتْوَاحَاسِيب شَا. ونِّي وَار زَّايس يتِيمْنن شَا اَقَا يتْوَاحَاسَاب مِينْزِي نتَّا وَار يُوْمِين شَا زݣ يِيسم ن مِّيس ن أَربِّـي اَوحْذَانِي.

ڒخذايم 13:46

بُوْلُس ذ بَرْنَابَا نَّان-اَسن س يِجّن ن زْعَامث: "نشِّين تُوْغَا يتْخصَّا اَذَاوم نسِّيوڒ إِ كنِّيو ذ يمزْوُوْرَا س وَاوَاڒ ن أَربِّـي. وَامِي ثُوْݣِيم، ثْحكْمم خ يِيخف نْوم بلِّي كنِّيو وَار ثسْذِيهدْجم شَا ثُوْذَارْث ن ڒبْدَا، ڒخُّو قَا نشِّين أَ نْرَاح غَار يِنِّي وَار يدْجِين شَا زِي أَيث-إِسْرَائِيل.

ڒخذايم 15:24

نتْسْڒَا بلِّي شَان يِوْذَان زَّايْنغ ؤُسِين-د غَارْوم بْڒَا لْإِذن نّغ، سدّْعن-كنِّيو، سِيذْفن ذَايْوم شّكّ س وَاوَاڒ نْسن.

ڒخذايم 23:25

أُوْشَا يُوْرَا يجّن ن ثبْرَات إِ لْوَالِي فِيلِيكس ينَّا-ٱس ذَايس:

أيث-روما 3:19

فَا نشِّين نسّن بلِّي مَارَّا مِين ذَايس ذِي شَّرِيعَا ن مُوْسَى تْوصَّا يِنِّي غَار ثدْجَا شَّرِيعَا-يَا بَاش ؤُڒَا ذ يجّن وَار غَارس يتِيڒِي بُو لْعُدر. أُو مَارَّا يِنِّي يدْجَان ذِي دُّنشْت-أَ اَذ يڒِين سْوَادَّاي ن لْحِسَاب ن أَربِّـي.

2 تيموتاوس 2:14

سْفكَّر ڒْمُوْمِنِين خ ثْمسْڒَاِيِين-أَ. عْڒم-اَسن زَّاث إِ أَربِّـي بَاش وَار تْمنْغِين شَا خ وَاوَاڒن. أَمنْغِي نِّي وَار ذَايس وَالُو، غِير اَذ يسُوْفغ زݣ وبْرِيذ يِنِّي يتسْڒَان.

ثبرات غار تيتوس 1:11

يِيْنَا اَقمُّوْم نْسن يتْخصَّا-يَاسن اَذَاسن يتْوَاقّن. نِثْنِي مشْحَاڒ ن لْعَائِلَاث كمْڒنْت إِي سْپَـرْذْڒن وَامِي ذَاسن سڒْمَاذن ثِمسْڒَايِين يتْخصَّا-يَاسن وَار ذَاسن ثنْت سڒْمِيذن شَا، نِثْنِي ضمّْعن ذِي تْمنْيَاث وَاهَا.

ثبرات غار تيتوس 1:14

مَاشِي اَذ ݣّن اَرَّاي إِ ثْحُوْجَا نِّي ن أَيث-إِسْرَائِيل نِغ اَذ ݣّن اَرَّاي إِ ڒُوْصِيَاث نِّي ن يِنِّي يسْبعَّاذن يخف نْسن زِي لْحَقِيقَا.

يعيبرانيين 10:26

شُوْف، نشِّين مڒَا نتْعِيش س ڒْمُعْصِيّث س ڒْخَاضَر نّغ أُو نسّن لْحَقِيقَا، أَتَاف وَار غَارْنغ بُو شَان دْبِيحث اَذ تكّس ڒْمُعْصِيّث نّغ.