ثبرات غار تيتوس 2:5 - ثريفيث 2020

⁵ اَذ حكْمنْت خ ثْنفْسِيث نْسنْت اَذ يڒِينْت صْفَانْت، أَذ ݣّنْت شّْغڒ ذِي ثدَّارْث نْسنْت، أَغَارْسنْت يِيڒِي وُوْڒ ذ اَشمْڒَاڒ، أَذ طَاعنْت إِ يرْيَازن نْسنْت حمَا اَوَاڒ ن أَربِّـي وَار يتْوَاعيِّيب شَا.

ثبرات غار تيتوس 2:5 ပူးပေါင်းရင်းမြစ်များ

ڒخذايم 9:36

ذِي ثنْدِينْت ن يَافَا ذِنِّي يجّن ن ثْمحْضَارْث قَّارن-اَس طَابِيتَا (ڒْمَعْنَا ن يِيسم-أَ، <ثِيغِيت ن وزْغَار>). تݣّ ڒْخِير اَطَّاس تْعَاوَان يمسْعَان.

ڒخذايم 9:39

ئِكَّر بُطْرُس يرُوْح اَكِذْسن. وَامِي يُوْوض سْݣَعّْذن-ث غَار ثْغُوْرْفَات نِّي. نّْضنْت-اَس-د إِ نتَّا مَارَّا ثَاجَّاڒِين، تْرُوْنت سظْهَارنْت-اَس يتْشَامِّيرن ذ يزدْجُوْبَا تُوْغَا ثْخيّض طَابِيتَا وَامِي تُوْغَا ثدْجَا اَكِذْسنْت.

أيث-روما 14:16

أَمنِّي وَار تجَّام شَا يِوْذَان اَذ سِّيوْڒن شَّرّْ خ مِين تْوَاڒِيم ذ اَصبْحَان.

أيث-روما 2:24

أَقَا مَامّش يقَّار لْكِتَاب: <آي أَيث-إِسْرَائِيل، خ سَّبَاب نْوم مِينْزِي قَّارن اَوَاڒن وَار يحْڒِين خ يِيسم ن أَربِّـي يِنِّي وَار يدْجِين شَا زِي أَيث-إِسْرَائِيل.>

1 أيث-كورينث 11:3

وَلَكِن خْسغ اَكنِّيو سْفهْمغ مْلِيح قَا اَزدْجِيف ن مْكُڒ اَرْيَاز نتَّا ذ لْمَسِيح أُو ذ نتَّا إِݣ يتْرَايَان. أَزدْجِيف ن مْكُڒ ثَمْغَارْث نتَّا ذ اَرْيَاز أُو ذ نتَّا إِݣ يتْرَايَان. أَزدْجِيف ن لْمَسِيح نتَّا ذ أَربِّـي أُو ذ نتَّا إِݣ يتْرَايَان.

1 أيث-كورينث 14:34

ثِمْغَارِين ذِي ثْجُمَاع ن ڒْمُوْمِنِين لَابُد اَذ قِّيمنْت سْتُوْكَانْت. وَار ذَاسنْت يتْوَاسْمِيح شَا اَذ سِّيوْڒنْت. لَابُد اَذ تْسذْحَانْت مَامّش ثقَّار شَّرِيعَا ن مُوْسَى.

أيث-ؤفسوس 5:33

إِنَّمَا، لَابُد كُڒ يجّن زَّايْوم اَذ يحِبّ ثَمْغَارْث نّس اَم مَامّش يتْحِبَّا يخف نّس. ثَمْغَارْث أُو لَابُد اَذ تْوقَّر اَرْيَاز نّس.

أيث-كولوس 3:18

آ ثِمْغَارِين، طَاعنْت إِ يرْيَازن نْكنْت مِينْزِي مَانَايَا إِݣ يدْجَان ذ لْمَعْقُوْل زِي أَربِّـي.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

1 تيموتاوس 6:1

مَارَّا يِنِّي يدْجَان ذ يسمْغَان ثْذقّڒ خَاسن ثْزَايْڒُوْت نِّي وَا لَابُد اَذ فكَّرن بلِّي اَيثْبَاب نْسن سْذَاهدْجن مَارَّا مِين يدْجَان ذ اَوقَّر بَاش يوْذَان وَار تْعيِّيبن شَا يسم ن أَربِّـي ذ تَّعْلِيم نّغ.

ثبرات غار تيتوس 2:4

أَمنِّي اَذ ربَّانْت ثِمْغَارِين ثِمزْيَانِين حمَا اَذ تخْسنْت يرْيَازن نْسنْت ذ ثَارْوَا نْسنْت،