ثبرات غار تيتوس 1:2 - ثريفيث 2020

² لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

ثبرات غار تيتوس 1:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

مرقس 10:17

عِيْسَى وَامِي يݣُّوْر خ وبْرِيذ، يُوْسَا-د غَارس يجّن يتَازّڒ يوْضَا خ يفَادّن زَّاثس ينَّا-ٱس: "آ لْمُعَلِّم اَصبْحَان، مِين غَا ݣّغ حمَا اَغَارِي ثِيڒِي ثُوْذَارْث ن ڒبْدَا؟"

مرقس 10:30

أَتَاف اَغَارس ثِيڒِي مِيَّا ن ثْسقَّار زِي ثُوْذْرِين ذ أَيثْمَاس ذ سُوْيْثْمَاس ذ يمَّاس ذ ثَارْوَا نّس ذ يمَرْجعِيون نّس. أَغَارس يِيڒِي وعدّب ذي زْمَان-أَ، وَلَكِن ذِي زْمَان إِي د غَا يَاسن اَغَارس ثِيڒِي ثُوْذَارْث ن ڒبْدَا.

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

يوحنا 17:2

مِينْزِي ثُوْشِيذ-اَس جّْهذ خ كُڒ بْنَاذم حمَا اَذ يُوْش ثُوْذَارْث ن ڒبْدَا إِ مَارَّا يِنِّي إِي ذَاس ثُوْشِيذ.

يوحنا 17:24

آ بَابَا، يِيْنَا ذَايِي ثُوْشِيذ خْسغ اَذ يڒِين اَكِذِي مَانِي مَا دْجِيغ نش حمَا اَذ ࢲرن لْعَظَمَا ينُو إِي ذَايِي ثُوْشِيذ مِينْزِي شك ثْحِبّذ-اَيِي قْبَڒ مَا ٱذ تِيڒِي دُّنشْت.

يوحنا 5:39

ثْرزُّوم ذِي لْكُتُب كنِّيو تْغِير-اَوم ذَايْسن ثُوْذَارْث ن ڒبْدَا. إِيوَا ؤُڒَا ذ يِيْنَا شهّْذن خَافِي.

يوحنا 6:54

ينَّا-ٱسن: "ونِّي غَا يشّن دَّات ينُو اَذ يسو يذَامّن ينُو، أَغَارس ثِيڒِي ثُوْذَارْث إِ ڒبْدَا نش اَثِيذ سكَّرغ ذِي نْهَار اَنݣَّارُو.

يوحنا 6:68

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

أيث-روما 1:2

لْإِنْجِيل-أَ إِي زِي يوْعذ أَربِّـي ذِي زْمَان س يِيڒس ن لْأَنْبِيَا نّس ذِي لْكِتَاب لْمُقدّس.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 5:2

نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

أيث-روما 5:21

أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.

أيث-روما 5:4

صّْبَر-أَ يتَارو ذَايْنغ مِينْزِي غَا نغْڒب خ ڒمْحَايْين. س ڒغْڒَاب-أَ خ ڒمْحَاين يتَارو ذَايْنغ لْأَمَال.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

1 أيث-سلونيك 2:15

نِثْنِي نْغِين سِيذِيثْنغ عِيْسَى ذ لْأَنْبِيَا، ؤُڒَا ذ نشِّين سُوْفْغن-اَنغ سّنِّي. وَار خَاسن يَارْضِي شَا أَربِّـي نِثْنِي تْعَارَّاضن إِ مَارَّا يوْذَان، ڒَاحقَّاش وَار ذَانغ تجِّين شَا أَ نسِّيوڒ اَك ڒݣْنُوْس بَاش أَذ نجْمن. أَمنِّي ڒْمُعْصِيَاث نْسن اَرنِّينْت تْعمَّرنْت، لْعِقَاب ن أَربِّـي يوْضَا خَاسن قَاع.

1 أيث-سلونيك 5:8

نشِّين لَّا، نشِّين ذ ثَارْوَا ن نْهَار، أَغَارْنغ يِيڒِي ڒَعْقڒ. أَ نݣّ ثْجِيلِيت نِّي ن ڒحْذِيذ يدْجَان نتَّاث ن لْإِيمَان ذ ڒمْحِبّث. أَ نݣّ لْكَاسْك نّغ يدْجَان نتَّا ذ لْأَمَال ن ؤُفكِّي.

1 تيموتاوس 6:12

مْنغ اَمنْغِي نِّي اَصبْحَان ن لْإِيمَان، طّف ذِي ثُوْذَارْث نِّي وَار يفنِّين شَا اَڒ ذَاش د يڒَاغَا أَربِّـي وَامِي ثْشهْذذ شْهَاذث نِّي ثَصبْحَانْت زَّاث إِ وَاطَاس ن ڒشْهُوْذ.

1 تيموتاوس 6:19

أَمنِّي إِي غَا خمْڒن اَݣْڒَا إِ يِيخف نْسن اَم يِجّن ن دْسَاس يجهْذن إِ ثُوْذَارْث إِي د غَا يَاسن بَاش اَذ طّْفن مْلِيح ذِي ثُوْذَارْث نِّي إِي يدْجَان ذ ثُوْذَارْث ن صَّح.

2 تيموتاوس 1:1

نش ذ بُوْلُس ذ يجّن ن اَرَّسُوْل ن عِيْسَى لْمَسِيح س ڒْخَاضَر ن أَربِّـي عْلَاحْسَاب لْوَعذ نِّي إِي ذَانغ يوْعذ خ ثُوْذَارْث نِّي يدْجَان ذِي عِيْسَى لْمَسِيح.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

2 تيموتاوس 2:13

مڒَا نسْمح نشِّين ذِي لْأَمَانَا نّغ، مَاشِي اَذ يسْمح نتَّا ذِي لْأَمَانَا نّس، مِينْزِي وَار يزمَّر اَذ ينْكَر يخف نّس.

2 تيموتاوس 2:15

اݣّ لْمجْهُوْد نّش بَاش اَذ تْسحْضَارذ يخف نّش غَار أَربِّـي اَم يِجّن غَارس يدْجَان مقْبُوْل، يعْنِي اَم يِجّن ن وخدَّام وَار غَارس مِينْخف إِي غَا يسذْحَا يتْفسَّار نِيْشَان اَوَاڒ ن لْحَقِيقَا.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

ثبرات غار تيتوس 2:7

ذِي مَارَّا ثِمسْڒَايِين اَغَارْسن ثِيڒِيذ شك ذ لْمِثَال س لْحَسَانَاث إِي تݣّذ. تَّعْلِيم نّش سخْذم-يث س صَّرَاحَا ذ لْمَعْقُوْل

ثبرات غار تيتوس 3:7

حمَا أَ نْوَارث زَّايس، أَغَارْنغ يِيڒِي يجّن ن لْأَمَال ن ثُوْذَارْث ثنِّي وَار يفنِّين شَا لِأَنَّا نْمصْڒَاح اَك أَربِّـي س اَرْضَا نّس.

1 يوحنا 2:25

مِينْزِي ذَانغ يوْعذ؟ ئِوْعذ-اَنغ س ثُوْذَارْث ن ڒبْدَا ن ڒبْدَاث.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

ثبرات زي يهوذا 1:21

ئِتْخصَّا اَذ تقِّيمم ذِي ڒمْحِبّث ن أَربِّـي اَذ تْرَاجَام اَرَّاحْمث نِّي ن سِيذِيثْنغ عِيْسَى لْمَسِيح ثنِّي إِي كنِّيو يتَاوِين غَار ثُوْذَارْث نِّي وَار يفنِّين شَا عمَّارْص.

لواحي ن يوحنا 13:8

مَارَّا يمزْذَاغ ن ثْمُوْرْث اَذَاس سجّْذن إِ ڒْوَحْش-أَ، يعْنِي كُڒ يجّن زَّايْسن يسم نّس وَار يزمّم شَا ذِي لْكِتَاب ن ثُوْذَارْث زݣ وَامِي ثدْجَا دُّنشْت-أَ، يعْنِي ذِي لْكِتَاب ن يِزْمَار يتْوَانْغن.

لواحي ن يوحنا 17:8

ڒْوَحْش نِّي إِي ثࢲْرِيذ تُوْغَا يدْجَا، ڒخُّو وَار يدْجِي شَا، عْڒَاين اَذ د يݣَعّذ زِي ڒَادْجغ بْڒَا ڒَاحدّ اَذ يتْوَاهْذم. ئِمزْذَاغ ن ثْمُوْرْث خْمِي غَا ࢲرن ڒْوَحْش نِّي أَتَاف اَذ دهْشن يعْنِي كُڒ يجّن يسم نّس وَار يزمّم شَا زݣ وَامِي ثدْجَا دُّنشْت ذِي لْكِتَاب ن ثُوْذَارْث. ڒَاحقَّاش ڒْوَحْش نِّي تُوْغَا يدْجَا، ڒخُّو وَار يدْجِي شَا، عَاذ اَذ د يَاس.