ثبرات غار تيتوس 1:16 - ثريفيث 2020

¹⁶ قَّارن قَا نسّن أَربِّـي وَلَكِن نكَّرن-ث س ڒفْعَايڒ نْسن. نِثْنِي تْوَاعِيفّن، وَار تْطِيعِين شَا، وَار نفّْعن شَا ؤُڒَا ذݣ يِجّن ن ڒْخذْمث ذ ثَصبْحَانْت.

ثبرات غار تيتوس 1:16 ပူးပေါင်းရင်းမြစ်များ

أيث-روما 1:28

سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

أيث-ؤفسوس 5:6

وَار تجَّاث شَان حَدّ اَكنِّيو يشْمث س وَاوَاڒن نّس يخْوَان. لِأَنَّا خ سَّبَاب ن ثْمسْرَايِين-أَ إِ د يهوَّا وغْضَاب ن أَربِّـي خ يِنِّي إِي ث يعصَّان.

1 تيموتاوس 1:9

نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان

1 تيموتاوس 5:8

شُوْف، ونِّي وَار يتْذبِّيرن خ ڒحْبَاب نّس خَاصَّتَان خ لْعَئِلَا نّس اَتَاف نتَّا ينْكَر لْإِيمَان، ونِّي وَار يُوْمِينن قَاع اَتَاف حْسن زَّايس.

2 تيموتاوس 3:17

حمَا اَرْيَاز ن أَربِّـي اَذ يِيڒِي يوْجذ اَذ يَاف يذبَّر-اَس س قَاع ثِمسْڒَايِين عْلَاحْسَاب كُڒ ڒْخذْمث ذ ثَصبْحَانْت.

ثبرات غار تيتوس 3:1

سْفكَّر إِ ڒْمُوْمِنِين اَذ ݣّن اَرَّاي إِ ڒْحُكَّام ذ ڒْمخْزن، أَذَاسن طَاعن اَذ يڒِين وجْذن إِ كُڒ ڒْخذْمث ذ ثَصبْحَانْت.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

1 يوحنا 2:4

ونِّي إِي غَا ينِين قَا نش سّْنغ-ث وَار يتْطِيعِي شَا إِ ڒُوْصِيَاث نّس اَتَاف نتَّا ذ بُو-يخَرِّيقن وَاهَا، أَتَاف لْحَقِيقَا وَار ذَايس ثْزدّغ شَا.

ثبرات زي يهوذا 1:4

أَقَا شَا يثَرَّاسن ؤُذْفن-د جَارَاوم وَار ذَاسن د ثَارِّيم بُو ڒخْبَار، قَا لْعِقَاب نْسن يُوْرَا خَاس مشْحَاڒ زݣ وَامِي. يِيْنَا عصَّان أَربِّـي، سْعوَّاجن اَرْضَا نّس بَاش اَغَارْسن يِيڒِي اَم شَان ن تّسْرِيح ن شّهْوث. نكَّرن عِيْسَى لْمَسِيح إِي يدْجَان ذ مَوْلَانَا نّغ قَا نتَّا ذ سِيذِيثْنغ وَاحْذس.

لواحي ن يوحنا 21:27

وَار ذِنِّي تَاذف ؤُڒَا ذ يجّن ن ثْمسْڒَايْث ثْوسّخ نِغ ذ يكْرُوْشَارن نِغ ذ يِنِّي يقَّارن يخرِّيقن. أَذ اَذْفن ذِنِّي غِير يِنِّي غَار دْجَان يسمَاون نْسن زمّْمن ذِي لْكِتَاب ن ثُوْذَارْث ن يِزْمَار.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."