ثبرات غار تيتوس 1:15 - ثريفيث 2020

¹⁵ أَقَا يِنِّي إِݣ يدْجَان صْفَان اَتَاف قَاع ثِمسْڒَايِين اَذَايْسن يڒِينْت صْفَانْت. وَلَكِن يِنِّي يخنْزن وَار ؤُمِينن شَا اَتَاف وَار ذَايْسن تِيڒِي ؤُڒَا ذ يجّن ن ثْمسْڒَايْث ثصْفَا. أَتَاف ڒْعَقُوْرَاث نْسن ذ ضَّمِيرَاث نْسن س ثْنَاين تخْنِيزن.

ثبرات غار تيتوس 1:15 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:18

وَلَكِن مِين د يتفّْغن زݣ وقمُّوْم يتَاس-د زݣ وُوْڒ، أُو ذ مَانَايَا يتْحَرَّامن بْنَاذم.

ڒخذايم 10:15

ثنْدق-د ثْمِيجَّا نِّي وِيس مَرّْثَاين ثنَّا-ٱس: "شك وَار تْحَرَّام شَا مِين يحدْجڒ أَربِّـي يَارِّي-ث حَلَال!"

أيث-روما 14:14

نش سّْنغ أُو مْتيّْقن ذِي سِيذِيثْنغ عِيْسَى اَقَا مِين نتّت وَار ذَايس بُو شَان ڒْحَاجث حْرَام. وَلَكِن يتِيڒِي حْرَام خ ونِّي إِي ت يتْوَاڒَان حْرَام.

أيث-روما 14:20

وَار هدّم شَا ڒْخذْمث ن أَربِّـي عْلَاحْسَاب لْمَكْلَا. ذ صَّح مَارَّا مِين يدْجَان نتَّا حَلَال، وَلَكِن ذ ڒْعِيب مڒَا ثْغظْڒذ شَان يِجّن س سَّبَاب ن مِين تتّذ.

أيث-روما 14:23

وَلَكِن مڒَا يجّن يتتّ يتْشكَّا ذِي لْمَكْلَا نّس، أَخَاس يتْوَاحَاكم اَخَاس يتْوَاعَاقب لِأَنَّا وَار يتتّ شَا س لْإِيمَان نّس إِي ذَايس. أُو مَارَّا مِين وَار يتِيڒِين س لإِيمَان نِّي نتَّا ذ يجّن ن ڒْمُعْصِيّث.

1 أيث-كورينث 10:23

مَارَّا ثِمسْڒَايِين حدْجْڒنْت، وَلَكِن مَاشِي مَارَّا ثِمسْڒَايِين تسْتنْفَاعنْت. مَارَّا ثِمسْڒَايِين حدْجْڒنْت، وَلَكِن مَاشِي مَارَّا ثِمسْڒَايِين اَذَانغ سْجهْذنْت.

1 أيث-كورينث 10:25

شّث مِين مَا ثُوْفِيم يتْمنْزَا ذِي سُّوْق ن يݣزَّارن، وَار تْسقْسَام شَا جّث ضَّمِير نْوم مرْتَاح.

1 أيث-كورينث 10:31

إِذن، مڒَا ثْسسّم نِغ تتّم نِغ مِين مَا تݣّم، ݣّث مَارَّا مَانَاينِّي بَاش اَذ يتْوَاسمْغَار أَربِّـي.

1 أيث-كورينث 8:7

وَلَكِن مَاشِي يوْذَان قَاع سّْنن مَانَايَا. ڒبْعَاض ن يِوْذَان تُوْغَا غَارْسن لْأَصْنَام ذ دِّين نْسن يجْهذ. مڒَا تتّن لْمَكْلَا-يَا يتْقدَّامن إِ لْأَصْنَام اَتَاف يتْغِير-اَسن مَانَايَا ذ صَّح، ضَّمِير نْسن يضعْفن اَتَاف اَذ يخْنز.

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

يعيبرانيين 12:15

أَرّم-د ڒْبَاڒ نْوم بَاش وَار يتْغِيمِي حَدّ وَار يخطّڒ غَار اَرْضَا ن أَربِّـي، نِغ عَاوذ وَار يغمِّي شَان ن وࢲْوَار ذ اَمرْزَاݣ اَذ يݣّ لْمَشَاكِيل اَذ يضيّع اَطَّاس ن يِوْذَان.

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.