ثبرات غار تيتوس 1:10 - ثريفيث 2020

¹⁰ لِأَنَّا يِنِّي إِي ذِي ثدْجَا ثْغنَّانْت اَقَاثن مُجُوْدِين، سَّاوَاڒن وَاهَا نِثْنِي ذ يغدَّارن خَاصَّتَان ذ يِنِّي يتِيشّن لْهِمَّا اَطَّاس إِ طَّهَارث.

ثبرات غار تيتوس 1:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:14

{يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنافِقين! تتّم إِ ثَاجَّاڒِين مَارَّا مِين غَارْسنْت. ثسْمظْهَارم-د يخف نْوم تْࢲَادْجَام اَطَّاس حمَا اَذ تْبيّْنم إِ يِوْذَان بلِّي ثْصبْحم اَطَّاس زَعْمَا. خ مَانَاينِّي اَذ تْوَاعَاقْبم كْتَار.}

ڒخذايم 11:2

وَامِي يݣَعّذ بُطْرُس غَارْسن غَار لْقُدْس ڒخْدّنِّي كَّرن ڒْمُوْمِنِين نِّي ن عِيْسَى ينِّي يتِيشّن لْهِمَّا اَطَّاس إِ طَّهَارث شِّين-ث س ڒْهمّْ نَّان-اَس: "مَايمِّي ثُوْذْفذ غَار ثدَّارْث ن يِنِّي وَار يطهَّارن شَا ثشِّيذ اَكِذْسن اَغْرُوْم؟"

ڒخذايم 15:1

ؤُسِينْ-د شَا ن يرْيَازن زِي يَهُوْذِيَا سڒْمَاذن اَيثْمَاثْنغ ذݣ وَانْطَاكْيَا نَّان-اَسن: "وَار ثْزمَّرم شَا اَذ تْنجْمم إِلَّا مڒَا ثݣِّيم طَّهَارث عْلَاحْسَاب شَّرِيعَا ن مُوْسَى."

ڒخذايم 15:24

نتْسْڒَا بلِّي شَان يِوْذَان زَّايْنغ ؤُسِين-د غَارْوم بْڒَا لْإِذن نّغ، سدّْعن-كنِّيو، سِيذْفن ذَايْوم شّكّ س وَاوَاڒ نْسن.

ڒخذايم 20:29

شُوْف، سّْنغ خْمِي غَا ؤُيُوْرغ نش اَذ د اَذْفن جَارَاوم شَان ن وُوْشَّانن يوْعَارن وَار رحّْمن شَا ثْحِيمرْث.

أيث-ݣلاطيا 2:4

رزُّوْن خَاس خ مَانَاينِّي شَان ن وَاوْمَاثن زَعْمَا تْبُوْصَارن وَاهَا، ؤُذْفن-د جَارَانغ س ثْنُوْفْرَا حمَا اَذ جسّْسن خ لْحُرِّيَا إِي غَارْنغ ذِي لْمَسِيح بَاش اَذَانغ اَرّن اَم يسمْغَان إِ شَّرِيعَا نْسن.

أيث-ݣلاطيا 3:1

آ أَيث-ݣَلَاطْيَا، مَا ثْبُوْهْڒِيّم نِغ؟ وِي ذَاوم يݣِّين سّْحُوْر؟ نْشرّح-اَوم مْلِيح زَّاث إِ ثِيطَّاوِين نْوم مَامّش يمُّوْث لْمَسِيح خ صَّلِيب.

أيث-ؤفسوس 4:14

أَمنِّي وَار نتْغِيمِي شَا ذ يحنْجِيرن تَاوِينْت-اَنغ ڒمْوَاج تَارَّانْت-اَنغ. نِغ ذ اَرِّيح يتْصُوْض خَانغ يكسِّي-يَانغ سَّا ذ سَّا س كُڒ اَرِّيح زَعْمَا ن وسڒْمذ أُو س ثحْرَايْمِيث ذ يخَرْوِيضن ن يرْيَازن ذ مِين تْشِيطِّينن.

1 تيموتاوس 1:4

أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان.

1 تيموتاوس 1:6

ڒبْعَاض فّْغن زِي ثْمسْڒَايِين-أَ ؤُذْفن ذݣ وَاوَاڒن إِي يخْوَان.

1 تيموتاوس 1:9

نسّن شَّرِيعَا-يَا عَاوذ وَار د ثخْرِيق شَا إِ يِنِّي يسمْصْڒَاحن اَك أَربِّـي. لَّا، ثخْڒق-د إِ يِنِّي يدْجَان ذ يعفَّانن ذ يِنِّي إِي ذِي ثدْجَا ثْغنَّانْت ذ يِنِّي وَار يذفِّيرن شَا أَربِّـي ذ يِنِّي يعصَّان ذ يِنِّي وَار يصْفِين شَا ذ يِنِّي وَار غَار يدْجِي بُو دِّين ذ يِنِّي ينقّن بَابَاثْسن ذ يمَّاثْسن ذ يِنِّي ينقّن يوْذَان

2 تيموتاوس 3:13

أَمَّا يرْيَازن يعفَّانن ذ يرْيَازن يشمَّاثن نِثْنِي اَذ ارْنِين ذِي ثُوْعُوْفّْنَا وَاهَا، نِثْنِي اَذ شمّْثن اَذ تْوَاشمّْثن.

2 تيموتاوس 4:4

يِيْنَا اَذ سْبعّْذن يمجَّان نْسن زِي لْحَقِيقَا اَثن اَوِين اَذ سْڒن إِ ثْحُوْجَا وَاهَا.

ثبرات غار تيتوس 1:6

أَمقّْرَان-أَ مَاشِي اَذ يِيڒِي ذ يجّن ن بْنَاذم تْعيَّابن-ث يِوْذَان. أَغَارس ثِيڒِي يجّن ن ثمْغَارْث وَاهَا اَذ يڒِين يحنْجِيرن نّس ذ ڒْمُوْمِنِين. مَاشِي اَخَاسن ينِين يِوْذَان تݣّن لْمَدلَّا ن سّكْرَا نِغ وَار تْسذْحِين شَا.

ثبرات غار يعقوب 1:26

ونِّي يتْحَسَّابن يخف نّس غَارس دِّين وَار يحطِّي شَا يِيڒس نّس، أَتَاف يخدّع يخف نّس وَاهَا وَار غَارس بُو دِّين.

1 يوحنا 2:18

آ يحنْجِيرن، أَقَا ثْسَاعَّات-أَ ثَنݣَّارُوْت ثُوْوض-د. كنِّيو ثسْڒِيم دّجَّال نِّي يݣُّوْر-د، أَمنِّي عَاوذ اَطَّاس ن يِوْذَان إِي د يُوْسِين ڒخُّو ݣِّين اَم دّجَّال نِّي. س مَانَاينِّي إِي نسّن اَقَا ثْسَاعَّات ثَنݣَّارُوْت ثُوْوض-د.

1 يوحنا 2:4

ونِّي إِي غَا ينِين قَا نش سّْنغ-ث وَار يتْطِيعِي شَا إِ ڒُوْصِيَاث نّس اَتَاف نتَّا ذ بُو-يخَرِّيقن وَاهَا، أَتَاف لْحَقِيقَا وَار ذَايس ثْزدّغ شَا.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.

لواحي ن يوحنا 2:14

وَلَكِن عيّْبغ خَاش شَان ثْمسْڒَايِين وَامِي اَكِذش شَان يوْذَان إِي تْبَاعن تَّعْلِيم ن بَلْعَام. نتَّا تُوْغَا يسْڒمَاذ-اَس إ بَارَاك مَامّش غا يݣّ ثَخْشبْث إِ اَيث-إِسْرَائِيل بَاش اَذ شّن دْبِيحث يتْقدَّامن إِ لْأَصْنَام اَذ فسْذن.

لواحي ن يوحنا 2:6

وَلَكِن ثݣِّيذ مْلِيح وَامِي ثْعِيفّذ ڒخْذَايم ن ينِيْكُوْلَاثن إِي عِيفّغ ؤُڒَا ذ نش.