أيث-روما 9:20 - ثريفيث 2020

²⁰ شُوْف آ بْنَادم، مِين ثعْنِيذ شك بَاش ثْزمَّرذ اَذ تَارّذ اَوَاڒ خ أَربِّـي؟ مَا زمَّرن اَذ ينِين يغرَّافن إِ ونِّي إِي ثن يصنْعن، مَايمِّي ذَانغ ثݣِّيذ اَمُّو؟

أيث-روما 9:20 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:15

مَا وَار غَارِي ڒْحَقّ اَذ ݣّغ مِين خْسغ زِي ثْمسْڒَايِين ينُو؟ نِغ ثْحسْذذ-اَيي وَامِي دْجِيغ صَاخِي؟

لوقا 12:14

ينَّا-ٱس عِيْسَى: "آ بْنَاذم، وِي ذَايِي يݣِّين جَارَاوم ذ ڒْقَاضِي نِغ ذ ونِّي يفرْقن ڒْوَارْث؟"

أيث-روما 14:4

شك مِين ثعْنِيذ بَاش اَذ تْعيّْبذ اَخدَّام ن مِيدّن؟ ئِنْجح نِغ وَار ينْجِيح، وَانِيتَا ذ شّْغڒ ن سِيذس. أُو ذ صَّح نتَّا اَذ ينْجح لِأَنَّا سِيذِي أَربِّـي يزمَّر اَث يسنْجح.

أيث-روما 2:1

إِذن آي اَرْيَاز، شك مڒَا تْعيَّابذ خ يِوْذَان، أَتَاف وَار غَارك بُو ڒْحَقّ مِين مَا ثعْنِيذ. لِأَنَّا خْمِي تْعيَّابذ خ شَان يِجّن، تْعيَّابذ خ يِيخف نّش، مَايمِّي؟ لِأَنَّا شك تݣّذ كِيف-كِيف مَامّش تݣّن نِثْنِي!

أيث-روما 2:3

آي اَرْيَاز، إِيوَا مِين تْفكَّرذ؟ مَا اَذ تْنجْمذ زِي لْعِقَاب ن أَربِّـي وَامِي تْعيَّابذ خ يِيْنَا أُو شك تݣّذ ثْمسْڒَايِين-أَ كِيف-كِيف اَم نِثْنِي؟

أيث-روما 9:21

مَا وَار غَارس بُو ڒْحَقّ غَار لمْعَلّم اَذ يسخْذم ثْڒَاخْث مَامّش يخْس، يعْنِي اَذ يݣّ زݣ يِجّن ن ڒْعَجْنث يذقِّي يجّن ن وغرَّاف إِ مِين يصبْحَان، أَذ يݣّ يجّن إِ مِين يعُوْفّْنن؟

أيث-روما 9:22

أَمنِّي إِݣ يݣَّا أَربِّـي. وَامِي يخس اَذ د يسْمظْهَار اَغْضَاب نّس اَذ د يسْبيّن جّْهذ إِي غَارس، ئِصبَّار اَطَّاس خ يِنِّي إِي خف يغْضب، يعْنِي يغرَّافن نِّي وجْذن اَذ تْوَارْزن.

1 أيث-كورينث 1:20

ونِّي يتفْهَامن زَعْمَا، ڒخُّو مَانِي يدْجَا؟ أَمْسڒْمَاذ ن شَّرِيعَا زَعْمَا، ڒخُّو مَانِي يدْجَا؟ لْفِيْلَسُوْف ن ڒْوقْث-أَ زَعْمَا، ڒخُّو مَانِي يدْجَا؟ يَاك أَربِّـي يسْبُوْهڒِي ڒفْهَامث ن يِوْذَان ن دُّنشْت-أَ ثَانِيتَا؟

1 أيث-كورينث 7:16

شُوْف آ ثَمْغَارْث، مَانِيس ثسّْنذ شم زَعْمَا بَاش اَذ تسْنجْمذ اَرْيَاز نّم؟ ئِي شك آي اَرْيَاز، مَانِيس ثسّْنذ شك زَعْمَا بَاش اَذ تسْنجْمذ ثَمْغَارْث نّش؟

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

2 تيموتاوس 2:20

شُوْف، ئِجّن ن ثدَّارْث ثَصبْحَانْت وَار ذَايس شَا غِير ڒقْشُوْع ن دّْهب نِغ ذ نُّقَارْث وَاهَا؛ لَّا، ذَايس ؤُڒَا ذ ڒقْشُوْع ن ؤُكشُّوْض ذ ؤُشَاڒ. ڒبْعَاضِيث تْوَاسْتعْمَالن إِ مِين يدْجَان ذ شَّان، ڒبْعَاضِيث تْوَاسْتعْمَالن إِ مِين يدْجَان عَادِي وَاهَا.

ثبرات غار تيتوس 2:9

ئِسمْغَان اَذ طَاعن إِ أَيثْبَاب نْسن ذِي كُلْشِي، أَخَاسن اَرْضَان، وَار ذَاسن تݣّن شَا ثَغنَّانْت،

ثبرات غار يعقوب 2:20

آي اَرْيَاز، شك ثْقفْڒذ! مَا نش اَذَاوم د سْبيّْنغ بلِّي لْإِيمَان بْڒَا ڒخْذَايم وَار ذَايس بُو نّْفَع؟