أيث-روما 8:38 - ثريفيث 2020

^38-39 أَقَا نش متْأَكّد بلِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن وَار ثْزمَّر اَذَانغ ثعْزڒ زِي ڒمْحِبّث ن أَربِّـي إِي د يمظْهَارن ذِي سِيذِيثْنغ عِيْسَى لْمَسِيح: ڒَا ذ ڒْموْث، ڒَا ذ ثُوْذَارْث، ڒَا ذ لمَلَائِكَاث، ڒَا ذ شَّيَاطِن، ڒَا ذ جْنُوْن، ڒَا ذ مِين يدْجَان ڒخُّو، ڒَا ذ مِين د غَا يَاسن، ڒَا ذ مِين يُوْعْڒَان، ڒَا ذ مِين يُوْدْجْغن، ؤُڒَا ذ شَا ن ڒْحَاجث نّغْنِي.

أيث-روما 8:38 ပူးပေါင်းရင်းမြစ်များ

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

أيث-روما 14:7

شُوْف، وَار ذَايْنغ حَدّ يدَّر إِ يِيخف نّس، وَار ذَايْنغ حَدّ يتْمتَّا إِ يِيخف نّس.

أيث-روما 14:8

نشِّين مڒَا ندَّر، أَ ندَّر إِ سِيذِي أَربِّـي. مڒَا نمُّوْث، أَ نمّث إِ سِيذِي أَربِّـي. فَلِهَذَا، مڒَا ندَّر نِغ نمُّوْث نشِّين ن سِيذِي أَربِّـي.

أيث-روما 4:21

نتَّا أَقَاث متْأَكّد اَطَّاس أَربِّـي يزمَّر اَذ يكمّڒ خ ڒْعَهذ نّس.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

1 أيث-كورينث 15:24

ثُمَّا اَذ يِيڒِي ڒفْنَا ن دُّنشْت-أَ. لْمَسِيح اَذ يقْضَا خ مَارَّا ڒحْكَام ذ ڒْمخْزن ذ جّْهذ إِݣ يدْجَان، ثُمَّا اَذ يجّ ڒحْكَام نِّي نّس إِ أَربِّـي بَابَاس.

22 أيث-كورينث 11:14

إِيوَا وَار نسْتغْڒِيب شَا لِأَنَّا شِّيطَان نتَّا س يِيخف نّس يسْنعْمِيڒ ذ يجّن ن لْمَلَائِكَا ن نُّوْر.

22 أيث-كورينث 4:13

ئِقَّار يِجّن ذِي لْكِتَاب: "ؤُمْنغ، س مَانَايَا سِّيوْڒغ." نّفْس لْإِيمَان-أَ يدْجَان ذَايْنغ، زَّايس إِي نْتَامن زَّايس إِي نسَّاوَاڒ.

أيث-ؤفسوس 1:21

ئِسُوْعْڒَا-ث أَربِّـي اَطَّاس خ مَارَّا ڒحْكَام ذ ڒْمخْزن ذ جّْهذ ذ لْممْلَكَا. ئِسُوْعْڒَا-ث نتَّا عَاوذ خ كُڒ يسم إِي تݣّن ذ يسمَاون، مَاشِي غِيڒ ذِي زْمَان-أَ إِي ذِي ندْجَا وَاهَا وَلَكِن عَاوذ ذِي لْأَخِرَا.

أيث-كولوس 1:16

زَّايس نتَّا إِي زِي د تْوَاخڒْقنْت قَاع ثِمسْڒَايِين إِݣ يدْجَان ذݣ وجنَّا نِغ ذِي ثْمُوْرْث. وَاخَّا تْبَاننْت-يد نِغ وَار د تْبِيننْت شَا. نِغ ذ لْعَرْشَاث نِغ ذ لْممْلَاكَاث نِغ ذ يِنِّي يحكّْمن نِغ ذ يِنِّي يجهْذن. قَاع ثِمسْڒَايِين-أَ زَّايس إِي د تْوَاخڒْقنْت، تْوَاخڒْقنْت-اَس-د إِ نتَّا.

أيث-كولوس 2:15

أَربِّـي يكّس ثِزمَّار نِّي ن يِنِّي يحكّْمن ذ يِنِّي يجهْذن يَارِّي-ثن اَخَاسن فُوْرّْجن يِوْذَان يفْضح-يثن يرْبح-يثن خ صَّلِيب.

2 تيموتاوس 1:12

خ سَّبَاب-أَ نش قَا تْعدَّابغ خ مَارَّا ثِمسْڒَايِين-أَ ثِيْنَا وَلَكِن وَار تْسذْحِيغ شَا، نش سّْنغ ونِّي إِي زِي ؤُمْنغ. تيّْقغ نتَّا يزمَّر اَذ يحْضَا لْأَمَانَا نِّي إِي كِذس جِّيغ حتَّا ٱڒ نْهَار نِّي اَنݣَّارُو.

يعيبرانيين 11:13

يِيْنَا مَارَّا مُّوْثن ذِي لْإِيمَان نِّي نْسن قْبڒ مَا ذَاسن د اَوْضنْت ثْمسْڒَايِين نِّي إِي زِي ثن يوْعذ. وَلَكِن ࢲْرِين-ثنْت رحّْبن زَّايْسنْت زِي ڒݣّْوَاج، عْتَرْفن بلِّي نِثْنِي ذ يبَرَّانِيْين ذ يعزَّابن ذِي ثْمُوْرْث-أَ.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.