أيث-روما 8:36 - ثريفيث 2020

³⁶ مَامّش يقَّار لْكِتَاب: <نشِّين خ سَّبَاب نّش شك نتْوَاجَاه ڒْموْث نْهَار يكْمَاڒ. نشِّين نتْوَاحْسَاب اَمشْنَاو يحُوْڒِيْين ؤُمِي غَا غَرْصن.>

أيث-روما 8:36 ပူးပေါင်းရင်းမြစ်များ

يوحنا 16:2

أَكنِّيو طرْدن زِي ثمْزِيذَاوِين. عَاذ اَذ د تَاس ڒْوقْث اَذَاس يتْغِير إِ ونِّي إِي كنِّيو غَا ينْغن بلِّي يتݣّ لْأَجَار إِ أَربِّـي.

ڒخذايم 20:24

وَلَكِن وَار تِيشّغ بُو لْهِمَّا إِ ثُوْذَارْث ينُو. نش اَذ كمّْڒغ مِينْخف د ؤُسِيغ ذ ڒْخذْمث إِي زِّي ذَايِي يكلّف سِيذِيثْنغ عِيْسَى، يعْنِي اَذ شهْذغ خ لْإِنْجِيل ن اَرْضَا ن أَربِّـي.

ڒخذايم 8:32

أَقَا لْأَيَاث نِّي إِي يقَّار وحَبَاشِي ذِي لْكِتَاب: <نتَّا اَمشْنَاو اَحُوْڒِي إِي تَاوِين اَذَاس غَرْصن، أَمشْنَاو يزْمَار إِي يذْوڒ ذ اَزيْزُوْن زَّاث إِ ينِّي يتْڒَاسّن ثَاضُوْفْث نّس، أَمّن وَار يرزّم شَا نتَّا اَقمُّوْم نّس.

1 أيث-كورينث 15:30

ئِي نش، مَايمِّي دْجِيغ ذِي لْخَطَر كُڒ ثْسَعَّات؟

1 أيث-كورينث 15:31

آي أَيثْمَا، تْوَاجَاهغ ڒْموْث كُڒ نْهَار! قَّارغ-اَوم مَانَايَا س لْإِفْتِخَار-أَ إِي غَارِي ذَايْوم عْلَاحْسَاب ثُوْذَارْث-أَ نّغ إِي غَارْنغ ذ يْشْتن اَك سِيذِيثْنغ عِيْسَى لْمَسِيح.

1 أيث-كورينث 4:9

لِأَنَّا تْفكَّرغ بلِّي نشِّين اَرُّسُل يسْفُوْرُّوْج-اَنغ أَربِّـي ذ ينݣُّوْرَا ذِي لْملْعَب، يعْنِي نشِّين اَم يِوْذَان حكْمن خَاسن س ڒْموْث اَذ مّْثن ذِنِّي. ئِݣَّا-ٱنغ أَ نسْفُوْرُّوْج دُّنشْت-أَ ثكْمَاڒ، يعْنِي يوْذَان ذ لْمَلَائِكَاث.

22 أيث-كورينث 1:9

وَاه، نْحسَّا ذݣ يِيخف نّغ بلِّي نتْوَاحْكَام س ڒْموْث. يوْقع مَانَاينِّي بَاش وَار نتْعوِّيڒ شَا خ يِيخف نّغ، أَ نْعوّڒ خ أَربِّـي ونِّي إِي د يسْنكَّارن يِنِّي يمُّوْثن.

22 أيث-كورينث 11:23

مڒَا نِثْنِي ذ يخدَّامن ن لْمَسِيح، ؤُڒَا ذ نش حْسن عَاذ ذ اَخدَّام ن لْمَسِيح (سَّاوَاڒغ زَعْمَا س ثُوْبُّوْهْڒِيَا-يَا). نش شَّاثغ تَمَارَا كْتَار زَّايْسن، حبّْسن-اَيِي كْتَار زَّايْسن، ؤُوْثِين-اَيِي س وسْغُوْن كْتَار زَّايْسن. نش مشْحَاڒ ن ثْوَاڒَاثِين تْوَاجَاهغ ڒْموْث.

22 أيث-كورينث 6:9

نكَّرن-اَنغ وَلَكِن نشِّين نتْوَاسّن مْلِيح؛ نتْمتَّا وَلَكِن نشِّين نْتدَّر؛ تْعَاقَابن-اَنغ وَلَكِن نشِّين وَار ذَانغ نقّن شَا؛

أيث-فيليـپـي 3:10

رزُّوْغ اَذ سّْنغ لْمَسِيح ذ جّْهذ نّس وَامِي د يكَّر زِي ڒْموْث. أَذ سّْنغ عَاوذ ثَمْعَشَارْث نِّي خْمِي غَا نْشَرش اَكِذس س وعدّب نِّي إِي خَاس يكِّين نتَّا، أَ نذْوڒ اَمشْنَاو نتَّا س ڒْموْث نّس.