أيث-روما 8:28 - ثريفيث 2020

²⁸ فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

أيث-روما 8:28 ပူးပေါင်းရင်းမြစ်များ

مرقس 12:30

أَذ تخْسذ سِيذِي أَربِّـي نّش، س مَارَّا ؤُڒ نّش، س مَارَّا اَرُّوْح نّش، س مَارَّا ڒَعْقڒ نّش، س مَارَّا جّْهذ نّش.

ڒخذايم 13:48

يِنِّي وَار يدْجِين شَا زِي أَيث-إِسْرَائِيل وَامِي سْڒِين مِين ينَّا بُوْلُس، فَرْحن حمّْذن إِ وَاوَاڒ ن سِيذِي أَربِّـي. ؤُمْنن مَارَّا يِنِّي يخْضَر أَربِّـي إِ ثُوْذَارْث ن ڒبْدَا.

أيث-روما 11:29

لِأَنَّا أَربِّـي وَار يندّم شَا خ مِين يتِيشّ نِغ خ مِين يتِيخْضَر.

أيث-روما 8:30

ثُمَّا يِنِّي إِي تُوْغَا يزمّم زِي قْبڒ، ئِڒَاغَا-د خَاسن. ثُمَّا يِنِّي ؤُمِي د يڒَاغَا، ئِسمْصْڒَاح-يثن اَكِذس. ثُمَّا يِنِّي يسمْصْڒَاح اَكِذس، يُوْشَا-اَسن اَمْشَان ذِي لْعَظَمَا نّس.

أيث-روما 9:11

ثُمَّا يكَّر أَربِّـي ينَّا-ٱس إِ رَفِيقَا قَا اَمقّْرَان اَذ يِيڒِي ذ اَخدَّام غَار ومزْيَان. ئِڒَاغَا-يَاس-د أَربِّـي إِ نتَّا وَاهَا، نِثْنِي وَار ݣِّين وَالُو. تُوْغَا عَاذ وَار د خْڒِيقن شَا عَاذ وَار ݣِّين ڒْخِير وَار ݣِّين شَّرّْ، وَلَكِن سِيذِي أَربِّـي يخْضَر يجّن زَّايْسن يسْمظْهَار-د ڒْخَاضَر نّس إِي غَا يِيڒِين.

1 أيث-كورينث 1:2

نتْسدْجَام خَاوم كنِّيو إِي يدْجَان ذ جْمَاعث ن ڒْمُوْمِنِين ن أَربِّـي ذِي ثنْدِينْت ن كُوْرِينْث. تْوَاسِّيصْفَام ذِي عِيْسَى لْمَسِيح، تْوَاخْضَرم بَاش اَذ تِيڒِيم ذ صَّالِحِين اَك مَارَّا يِنِّي يتْڒَاغَان خ يِيسم ن سِيذِيثْنغ عِيْسَى لْمَسِيح ذِي مَارَّا يمُوْشَان. نتَّا ذ سِيذِيثْنغ ذ سِيذِيثْسن.

1 أيث-كورينث 1:24

وَلَكِن إِ يِنِّي ؤُمِي د يڒَاغَا أَربِّـي، يعْنِي يسْرَائِلِيْين ذ يِنِّي وَار يدْجِين شَا زِي أَيث-إِسْرَائِيل، لْمَسِيح نتَّا ذ جّْهذ ن أَربِّـي ذ ڒفْهَامث نّس.

1 أيث-كورينث 1:9

أَربِّـي ذَايس تِّقث، زَّايس إِي ذَانغ د يُوْسَا ؤُڒَاغِي أَ نْعَاشَر ممِّيس يعْنِي سِيذِيثْنغ عِيْسَى لْمسِيح.

1 أيث-كورينث 2:9

مَامش يقَّار لْكِتَاب: <مَانَاينِّي وَار ذِنِّي بُو ثِيطّ إِي ث يتْوَاڒَان، نِغ ذ اَمجُّوْن إِي ذَاس يتسْڒَان، نِغ ذ ڒَعْقڒ إِي ث يتْخَايَاڒن، مِين يسوْجذ أَربِّـي إِ يِنِّي إِي ث يتْحِبَّان.>

22 أيث-كورينث 5:1

شُوْف، نشِّين نسّن مڒَا يرز وقِيضُوْن-أَ يعْنِي دَّات نّغ ن دُّنشْت-أَ، أَتَاف غَارْنغ يجّن ن ثْزدِّيغْث نّغْنِي زِي أَربِّـي. ثَدَّارْث نِّي وَار يبْنِين شَا س يفَاسّن تْدُوْمَا إِ ڒبْدَا.

أيث-ݣلاطيا 1:15

وَلَكِن أَربِّـي زِي قْبڒ تُوْغَا يعْزڒ-اَيِي نش يعْنِي يخْضَر-اَيِي ذݣ وعدِّيس ن يمَّا سّنِّي يڒَاغَا-ٱيِي-د س اَرْضَا نّس. وَامِي خَافِي يَارْضَا نتَّا، يسضْهَار-اَيِي-د مِّيس حمَا اَزَّايس بشَّرغ جَار ڒݣْنُوْس. ڒخْدّنِّي وَار مْشَاوَارغ اَك حَدّ.

أيث-ݣلاطيا 1:6

نش ستْعجِّيبغ ذَايْوم، ذغْيَا ثْسمْحم ذِي أَربِّـي إِي ذَاوم د يڒَاغَان س اَرْضَا ن لْمَسِيح ثْذفَّارم شَان ن لإِنْجِيل نّغْنِي مْزُوَّار!

أيث-ݣلاطيا 5:8

أَرَّاي-أَ إِي تݣّم كنِّيو زَعْمَا مَاشِي زِي أَربِّـي إِي ذَاوم د يتْڒَاغَان.

أيث-ؤفسوس 3:11

مَانَايَا يدْجَا عْلَاحْسَاب لْغَرَض ن أَربِّـي زِي ڒبْدَا، أُو لْغَرَض-أَ يكمّڒ-يث س عِيْسَى لْمَسِيح سِيذِيثْنغ.

أيث-ؤفسوس 4:1

إِذن فَا نش إِݣ يدْجَان ذ اَمحْبُوْس خ سَّبَاب ن سِيذِيثْنغ اَكنِّيو نْهِيغ بَاش اَذ تُوْيُوْرم نِيشَان عْلَاحْسَاب اَوَاڒ نِّي إِي ذَاوم د يڒَاغَان زݣ وجنَّا.

أيث-فيليـپـي 3:14

تْحَاوَاڒغ خ مَانَاينِّي إِي خف رزُّوْغ بَاش اَذ ربْحغ لْجَائِزَا نِّي إِي زِي ذَايِي د يڒَاغَا أَربِّـي غَارس غَار وجنَّا س عِيْسَى لْمَسِيح.

1 أيث-سلونيك 5:9

قَا وَار ذَانغ يخْضَر شَا أَربِّـي بَاش اَخَانغ يكّ وغْضَب؛ لَّا، قَا يخْضَر-اَنغ بَاش أَ ننْجم س وفُوْس ن سِيذِيثْنغ عِيْسَى لْمَسِيح.

2 تيموتاوس 1:9

ئِسنْجم-اَنغ يڒَاغَا-يَانغ-د س يِجّن ن ؤُڒَاغِي مُقدّس. وَار ذَانغ د يڒَاغِي شَا عْلَاحْسَاب لْحَسَانَاث نّغ؛ لَّا، ئِڒَاغَا-يَانغ-د عْلَاحْسَاب لْغَرَض نّس نتَّا ذ اَرْضَا نّس إِي ذَانغ د يُوْشَا ذِي عِيْسَى لْمَسِيح قْبڒ مَا ٱذ تبْذَا ڒْوقْث ن دُّنشْت-أَ قَاع.

2 تيموتاوس 2:19

وَلَكِن دْسَاس يجهْذن ن أَربِّـي وَار يتنْهزِّي شَا، خَاس إِي نقْشنْت ثِيْرَا-يَا قَّارنْت قَا سِيذِي أَربِّـي قَا يسّن يوْذَان يدْجَان نّس. قَّارنْت عَاوذ قَا مَارَّا يِنِّي يشهّْذن س يِيسم ن سِيذِيثْنغ يتْخصَّا أُو لَابُد اَذ بعّْذن خ شَّرّْ.

يعيبرانيين 9:15

فَلِيهَذَا نتَّا لْمَسِيح يتْشَفَاع جَارَانغ ذ أَربِّـي س يِجّن ن ڒْعَهذ ذ جْذِيذ بَاش يِنِّي ؤُمِي د يڒَاغَا أَربِّـي اَتَاف اَذ اَوِين لْوَارث إِي زِي ثن يوْعذ يتْدُوْمَان إِ ڒبْدَا. لِأَنَّا لْمَسِيح يمُّوْث ذ لْفِدْيَا حمَا اَذَاسن يضْڒق اَذ يڒِين حُرّ زِي ڒْمُعْصِيَاث إِي ݣِّين سْوَادَّاي إِ ڒْعَهذ نِّي اَمزْوَارُو.

ثبرات غار يعقوب 1:12

سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

1 بطرس 2:9

فَا كنِّيو ذ يجّن ن شَّعْب يتْوَاخْضَرن ذ يجّن ن جْمَاعث ن ڒْفُقَهَا ن وزدْجِيذ ذ يجّن ن ڒْݣنْس ذ اَمْقدّس ذ يِوْذَان نِثْنِي بَابْ نْسن ذ أَربِّـي بَاش اَذ تْبشَّارم س ثْمسْڒَايِين ثِصبْحَانِين ن ونِّي إِي كنِّيو يسُّوْفْغن زݣ يِجّن ن ثَادْجسْت يَارِّي-كنِّيو-د غَار نُّوْر نّس عَاجِب.

1 بطرس 3:9

وَار تَارَّاث شَا شَّرّْ س شَّرّْ نّغْنِي نِغ ڒْعِيب س ڒْعِيب نّغْنِي. لَّا، بَرْكث ينّغْنِي، مَايمِّي؟ مِينْزِي يڒَاغَا-د خَاوم إِ مَانَايَا بَاش اَذ تْخَاڒْسم س يِجّن ن لْبَرَكَا.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.

1 يوحنا 4:10

س مَانَاينِّي مِينْزِي ذَاس قَّارن ڒمْحِبّث. مَاشِي ذ نشِّين إِي يخْسن أَربِّـي، ذ نتَّا إِي ذَانغ يخْسن وَامِي د يسّكّ مِّيس اَذ يِيڒِي ذ لْفِدْيَا خ ڒْمُعْصِيَاث نّغ.

1 يوحنا 4:19

نشِّين نْتخْس مِينْزِي نتَّا يخس-اَنغ ذ اَمزْوَارُو.

لواحي ن يوحنا 3:19

نش تْربِّيغ نهِّيغ مَارَّا ونِّي تْحِبِّيغ. شك لْإِيْمَان نّش سجْهذ-يث، تُوْب.