أيث-روما 8:21 - ثريفيث 2020

²¹ لْأَمَال، يعْنِي، بلِّي مَارَّا مِين د يتْوَاخڒْقن اَذ تْوَافكّن زِي لْفَنَا ن ڒْموْث، أَذ شَرْشن ذِي لْحُرِّيَا ن لْعَظَمَا إِي غَارْسن غَار ثَارْوَا ن أَربِّـي.

أيث-روما 8:21 ပူးပေါင်းရင်းမြစ်များ

ڒخذايم 3:21

ئِتْخصَّا نتَّا اَذ يقّيم ذݣ وجنَّا اَڒ ڒْوقْث إِي ذِي غَا يتْوَاعْذڒ كُڒْشِي عْلَاحْسَاب اَوَاڒن ن لْأَنْبِيَا صَّالِحِين إِي ذَاسن ينَّا أَربِّـي ذݣ يِجّن ن زْمَان.

أيث-روما 8:19

أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

أيث-روما 8:30

ثُمَّا يِنِّي إِي تُوْغَا يزمّم زِي قْبڒ، ئِڒَاغَا-د خَاسن. ثُمَّا يِنِّي ؤُمِي د يڒَاغَا، ئِسمْصْڒَاح-يثن اَكِذس. ثُمَّا يِنِّي يسمْصْڒَاح اَكِذس، يُوْشَا-اَسن اَمْشَان ذِي لْعَظَمَا نّس.

1 أيث-كورينث 15:42

أَمُّو إِي تِيڒِي لْقِيَامَا ن يمتِّينن، مِين يتْوَازرّْعن اَذ يفْنَا. مِين د يتْوَاسْنكَّرن اَذ يذُوْم.

يعيبرانيين 12:27

أَوَاڒ نِّي نّس يعْنِي <عَاذ اَذ د تَاس يجّن ن ڒْوقْث> اَتَاف نتَّا يسَّاوَاڒ خ شَا ن ثْمسْڒَايِين يتنْهزَّان اَذ تْوَاكّْسنْت يعْنِي ذ ثِمسْڒَايِين نِّي إِي د يتْوَاخڒْقن بَاش ثِمسْڒَايِين نِّي إِي وَار يتنْهزِّين شَا اَتَاف اَذ قِّيمنْت.

2 بطرس 3:13

وَلَكِن عْلَاحْسَاب لْوَعد نّس نشِّين نتْرَاجَا يجنَّاثن ن جْذِيذ ذ يِجّن ن دُّنشْت ن جْذِيذ مَانِي غَا يزْذغ ڒْحَقّ.

لواحي ن يوحنا 21:1

ࢲْرِيغ يجّن ن وجنَّا ذ جْذِيذ ذ يجّن ن ثْمُوْرْث ذ جْذِيذ، ڒَاحقَّاش اَجنَّا اَمزْوَارُو ذ ثْمُوْرْث ثَمزْوَارُوْت صَافِي تْوَاكّْسن، ڒبْحَر وَار يقِّيم شَا.