أيث-روما 8:19 - ثريفيث 2020

¹⁹ أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

أيث-روما 8:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:9

سَّعْذ نْسن إِ يِنِّي يصدْجْحن يوْذَان، أَقَا نِثْنِي اَثن سمَّان اَمشْنَاو ثَارْوَا ن أَربِّـي.

يوحنا 1:12

يِنِّي إِي ث يقبْڒن ؤُمْنن زَّايس زݣ يِيسم نّس، يُوْشَا-ٱسن نتَّا ثِزمَّار حمَا اَذ ذوْڒن ذ ثَارْوَا ن أَربِّـي.

ڒخذايم 3:21

ئِتْخصَّا نتَّا اَذ يقّيم ذݣ وجنَّا اَڒ ڒْوقْث إِي ذِي غَا يتْوَاعْذڒ كُڒْشِي عْلَاحْسَاب اَوَاڒن ن لْأَنْبِيَا صَّالِحِين إِي ذَاسن ينَّا أَربِّـي ذݣ يِجّن ن زْمَان.

أيث-روما 8:14

أُو يِنِّي يذفَّارن اَرُّوْح ن أَربِّـي، ذ يِنِّي إِي يدْجَان ذ ثَارْوَا ن أَربِّـي.

أيث-روما 8:16

يعْنِي اَرُّوْح ن أَربِّـي س يِيخف نّس إِݣ يصَّاحن ذِي اَرُّوْح نّغ بلِّي نشِّين ذ ثَارْوَا ن أَربِّـي.

أيث-روما 8:18

شُوْف، نش تْوَاڒِيغ اَعدّب-أَ إِي خَانغ يتكّن ذِي دُّنشْت-أَ نتَّا وَار يدْجِي ذ وَالُو بَاش اَذ يمثّل اَك لْعَظَمَا إِي ذَانغ د غَا يمظْهَارن.

أيث-روما 8:23

أُو مَاشِي نِثْنِي وَاهَا، ؤُڒَا ذ نشِّين ؤُمِي يمُّوْش اَرُّوْح يقدّْسن ذ اَمزْوَارُو نْنهّك ذݣ يِيخف نّغ. ذَايْنغ مزْڒِي، نشِّين نتْرَاجَا زِي أَربِّـي اَذ د يسْبيّن بلِّي نشِّين ذ ثَارْوَا نّس، يعْنِي اَذ يفكّ دَّات نّغ.

أيث-روما 9:26

أُو ذݣ ومْشَان نِّي ونِّي مَانِي ذَاسن ينَّا أَربِّـي: كنِّيو وَار ثدْجِيم ذ شَّعْب ينُو، ذِنِّي إِي ذَاسن غَا ڒَاغَان آ ثَارْوَا ن أَربِّـي يدَّرن.

1 أيث-كورينث 1:7

س مَانَايَا وَار ذَاوم ثْنقِّيص ؤُڒَا ذ يجّن ن لْقُدْرَا رُوْحِيَا خْمِي تْرَاجَام اَذ د يمظْهَار سِيذِيثْنغ عِيْسَى لْمَسِيح.

1 أيث-كورينث 1:8

ذ نتَّا إِي كنِّيو غَا يسْبدّن غَار ونݣَّارُو اَتَاف وَار ذَايْوم يتِيڒِي بُو ڒْعِيب ذِي نْهَار نِّي ن سِيذِيثْنغ عِيْسَى لْمَسِيح.

22 أيث-كورينث 6:18

أَذ يڒِيغ ذ بَابَاثْوم، كنِّيو اَذ تِيڒِيم ذ ثَارْوَا ينُو ذ يِيسِّي ينُو. أَمنِّي يقَّار أَربِّـي يزمَّرن إِ كُڒْشِي.>

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-فيليـپـي 1:20

تْرَاجِيغ س وُوْڒ ينُو نش تْمنِّيغ وَار تْسذْحِيغ شَا قَاع خ لْوَاجِب ينُو. لَّا، نش تْزعَّمغ ڒخُّو اَذ زعْمغ منْبَعْد بَاش س دَّات ينُو اَزَّايس يمْغَر لْمَسِيح وَاخَّا اَذ مّْثغ نِغ اَذ دَّرغ.

أيث-كولوس 3:4

خْمِي د غَا يمظْهَار لْمَسِيح يعْنِي ونِّي يدْجَان ذ ثُوْذَارْث نْوم، ڒخْدّنِّي اَكِذس تْمظْهَارم ؤُڒَا ذ كنِّيو ذِي لْعَظَمَا.

يعيبرانيين 12:27

أَوَاڒ نِّي نّس يعْنِي <عَاذ اَذ د تَاس يجّن ن ڒْوقْث> اَتَاف نتَّا يسَّاوَاڒ خ شَا ن ثْمسْڒَايِين يتنْهزَّان اَذ تْوَاكّْسنْت يعْنِي ذ ثِمسْڒَايِين نِّي إِي د يتْوَاخڒْقن بَاش ثِمسْڒَايِين نِّي إِي وَار يتنْهزِّين شَا اَتَاف اَذ قِّيمنْت.

1 بطرس 1:13

إِذن، سْوجْذم ڒَعْقُوْرَاث نْوم بَاش اَذ تْخذْمم. أَرّم-د ڒْبَاڒ نْوم. ݣّم لْأَمَال نْوم غِير ذِي اَرْضَا ن وسنْجم نِّي إِي ذَاوم د غَا يمُّوْشن خْمِي د غَا يمظْهَار عِيْسَى لْمَسِيح.

1 بطرس 1:7

ڒمْحَاين-أَ ؤُسِينْت-يد بَاش اَذ د سْمظْهَارنْت إِلَّا لْإِيمَان نْوم نتَّا اَقَاث ذ صَّح؛ نتَّا يسوَّا كْتَار زِي دّْهب إِݣ يفنَّان وَاخَّا يتْوَاسِّيصْفَا ذِي ثْمسِّي. حمَا لْإِيمَان نْوم اَث شكَّرن اَذَايس يِيڒِي شَّان ذ لْقِيمَا خْمِي د غَا يمظْهَار عِيْسَى لْمَسِيح.

1 يوحنا 3:1

خْزَرث مشْحَاڒ ذ ثَمقّْرَانْت ڒمْحِبّث إِي ذَانغ د يُوْشَا بَابَاثْنغ وَامِي نتْوَاسمَّا ذ ثَارْوَا ن أَربِّـي! أُو ذ صَّح اَمُّو إِي ندْجَا. دُّنشْت-أَ، مَايمِّي وَار ذَانغ ثسِّين شَا نشِّين؟ ڒَاحقَّاش ؤُڒَا ذ نتَّا وَار ث ثسِّين شَا.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

لواحي ن يوحنا 21:7

ونِّي غَا يربْحن اَذ يوَرث ذِي ثْمسْڒَايِين-أَ. نش اَذ يڒِيغ ذ أَربِّـي نّس، نتَّا اَذ يِيڒِي ذ مِّي.