أيث-روما 8:16 - ثريفيث 2020

¹⁶ يعْنِي اَرُّوْح ن أَربِّـي س يِيخف نّس إِݣ يصَّاحن ذِي اَرُّوْح نّغ بلِّي نشِّين ذ ثَارْوَا ن أَربِّـي.

أيث-روما 8:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:9

سَّعْذ نْسن إِ يِنِّي يصدْجْحن يوْذَان، أَقَا نِثْنِي اَثن سمَّان اَمشْنَاو ثَارْوَا ن أَربِّـي.

لوقا 20:36

وَار زمَّرن شَا اَذ مّْثن، أَذ يڒِين اَمشْنَاو لْمَلَائِكَاث. نِثْنِي ذ ثَارْوَا ن أَربِّـي، خڒْقن-د ذِي يُوْم لْقِيَامَا.

يوحنا 1:12

يِنِّي إِي ث يقبْڒن ؤُمْنن زَّايس زݣ يِيسم نّس، يُوْشَا-ٱسن نتَّا ثِزمَّار حمَا اَذ ذوْڒن ذ ثَارْوَا ن أَربِّـي.

ڒخذايم 5:32

خ ثْمسْڒَايِين-أَ نْشهّذ خَاسنْت نشِّين ذ أَرُّوْح يقدّْسن، أَرُّوْح-أَ يُوْشِي-ث أَربِّـي إِ يِنِّي ذَاس يتْطَاعَان."

أيث-روما 8:14

أُو يِنِّي يذفَّارن اَرُّوْح ن أَربِّـي، ذ يِنِّي إِي يدْجَان ذ ثَارْوَا ن أَربِّـي.

أيث-روما 8:19

أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

أيث-روما 8:23

أُو مَاشِي نِثْنِي وَاهَا، ؤُڒَا ذ نشِّين ؤُمِي يمُّوْش اَرُّوْح يقدّْسن ذ اَمزْوَارُو نْنهّك ذݣ يِيخف نّغ. ذَايْنغ مزْڒِي، نشِّين نتْرَاجَا زِي أَربِّـي اَذ د يسْبيّن بلِّي نشِّين ذ ثَارْوَا نّس، يعْنِي اَذ يفكّ دَّات نّغ.

أيث-روما 8:26

فَا اَمُّو اَرُّوْح يقدّْسن يتْعَاوَان-اَنغ ذِي ضُّعف نّغ. نشِّين وَار نسِّين شَا مْلِيح مِينْخف غَا نࢲَّادْج، وَلَكِن اَرُّوْح يقدّْسن س يِيخف نّس يتْطَلَاب-اَس إِ أَربِّـي خ سَّبَاب نّغ س ونْهَاك وَار يتْسمِيعن.

أيث-روما 9:26

أُو ذݣ ومْشَان نِّي ونِّي مَانِي ذَاسن ينَّا أَربِّـي: كنِّيو وَار ثدْجِيم ذ شَّعْب ينُو، ذِنِّي إِي ذَاسن غَا ڒَاغَان آ ثَارْوَا ن أَربِّـي يدَّرن.

أيث-روما 9:8

مَانَايَا يخس اَذ يِينِي ثَارْوَا ن أَربِّـي ذ صَّح تْوَاحسّْبن زِي ثَارْوَا ن ڒْعَهذ، مَاشِي زِي ثَارْوَا ن بْنَاذم.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 5:5

وِي ذَانغ يسْوجْذن إِ مَانَاينِّي؟ نتَّا ذ أَربِّـي، يُوْشَا-ٱنغ-د أَرُّوْح نّس ذ يجّن ن تّسْبِق.

22 أيث-كورينث 6:18

أَذ يڒِيغ ذ بَابَاثْوم، كنِّيو اَذ تِيڒِيم ذ ثَارْوَا ينُو ذ يِيسِّي ينُو. أَمنِّي يقَّار أَربِّـي يزمَّرن إِ كُڒْشِي.>

أيث-ݣلاطيا 3:26

ذِي عِيْسَى لْمَسِيح اَقَا كنِّيو مَارَّا إِذْوم ذ ثَارْوَا ن أَربِّـي س لْإِيمَان.

أيث-ݣلاطيا 4:6

وَامِي ثْذوْڒم كنِّيو ذ ثَارْوَا ن أَربِّـي، ئِسّكّ-د أَرُّوْح ن مِّيس يُوْذف ذݣ وُوْڒَاون نّغ غَار ذَاخڒ يتْڒَاغَا يقَّار، آ بَابَا آ بَابَا ينُو!

أيث-ؤفسوس 1:13

ثُمَّا يسْمُوْن-يكنِّيو-د عَاوذ اَك لْمَسِيح وَامِي ثْصنّْطم إِ وَاوَاڒ ن لْحَقِيقَا يعْنِي لْإِنْجِيل إِي زِي ثْنجْمم. وَامِي ثُوْمْنم يضْبع-يكنِّيو أَربِّـي س طَّبَع نّس يعْنِي س أَرُّوْح يقدّْسن إِي زِي ذَانغ يوْعذ.

أيث-ؤفسوس 4:30

وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.

1 يوحنا 3:1

خْزَرث مشْحَاڒ ذ ثَمقّْرَانْت ڒمْحِبّث إِي ذَانغ د يُوْشَا بَابَاثْنغ وَامِي نتْوَاسمَّا ذ ثَارْوَا ن أَربِّـي! أُو ذ صَّح اَمُّو إِي ندْجَا. دُّنشْت-أَ، مَايمِّي وَار ذَانغ ثسِّين شَا نشِّين؟ ڒَاحقَّاش ؤُڒَا ذ نتَّا وَار ث ثسِّين شَا.

1 يوحنا 3:10

مَامّش غَا نݣّ أَ نسْفرق ثَارْوَا ن أَربِّـي ذ ثَارْوَا ن إِبْڒِيس؟ قَا يِنِّي وَار يقِّيمن شَا سْخدَّامن مِين يدْجَان نِيْشَان وَار دْجِين شَا زِي أَربِّـي. عَاوذ ونِّي وَار يتخْسن شَا ؤُمَاس وَار يدْجِي شَا زِي أَربِّـي.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

1 يوحنا 4:13

مَامّش غَا نݣّ نشِّين أَ نسّن بلِّي نتْعِيش ذَايس، نتَّا يزدّغ ذَايْنغ؟ لِأَنَّا يُوْشَا-ٱنغ زِي أَرُّوْح نّس.

1 يوحنا 5:10

ونِّي غَا يَامْنن زِي مِّيس ن أَربِّـي اَتَاف اَغَارس ثِيڒِي شْهَاذث-أَ ذݣ وُوْڒ نّس. ونِّي وَار يُوْمِينن شَا زِي شْهَاذث-أَ ن أَربِّـي اَتَاف اَث يَارّ ذ بُو-يخَرِّيقن وَاهَا ڒَاحقَّاش نتَّا وَار يُوْمِين شَا زِي شْهَاذث-أَ إِݣ يشْهذ عْلَاحْسَاب مِّيس.

لواحي ن يوحنا 21:7

ونِّي غَا يربْحن اَذ يوَرث ذِي ثْمسْڒَايِين-أَ. نش اَذ يڒِيغ ذ أَربِّـي نّس، نتَّا اَذ يِيڒِي ذ مِّي.