أيث-روما 8:11 - ثريفيث 2020

¹¹ ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

أيث-روما 8:11 ပူးပေါင်းရင်းမြစ်များ

يوحنا 14:17

لْمُعَاوِن نتَّا ذ أَرُّوح ن لْحَقِيقَا. وَار ثْزمَّر دُّنشْت اَث تقْبڒ، مِينْزِي نتَّاث وَار ث تْوِيڒِي شَا وَار ث ثسِّين شَا. وَلَكِن كنِّيو ثسّْنم-ث مِينْزِي يقِّيم اَكِذْوم أُو اَذ يِيڒِي ذَايوم.

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

ڒخذايم 2:24

وَلَكِن أَربِّـي نتَّا يسكَّر-يث-يذ يضْڒق-اَس زي ڒحْرِيق نِّي ن ڒْموْث خْمِي تَارو، أَقَا ڒْموْث وَار ذَاس ثْزمَّر.

أيث-روما 16:10

سِيوْضم-اَس سْڒَام إِ أَپِـيلَاس، ونِّي يتْوَاملّْكن ذِي لْمَسِيح. سِيوْضم-اَسن سْڒَام عَاوذ إِ لْعَئِلَا ن أَرِسْتُوْبُوْس.

أيث-روما 16:3

سِّيوْضم-اَسن سْڒَام إِ پْـرِيسْكِيلَا ذ وَاكِيلَاس، يِنِّي اَكِذِي يخدّْمن ذِي عِيْسَى لْمَسِيح.

أيث-روما 16:7

سِيوْضم-اَسن سْڒَام إ أَنْدْرُوْنِي ذ يُوْنْيَاس ڒحْبَاب ينُو، يِنِّي تُوْغَا اَكِذِي ذِي ڒحْبس. نِثْنِي مَعْرُوْفِين جَار اَرُّسُل، ؤُمْنن زِي لْمَسِيح قْبڒ مَا ٱذ اَمْنغ نش.

أيث-روما 16:9

سِيوْضم-اَسن سْڒَام إِ أُوْرْبَان ونِّي يخدّْمن اَكِذِي ذِي لْمَسِيح ذ ومْعِيزِّي ينُو سْتَاخِيس.

أيث-روما 6:12

فَلِهَذَا يخصَّا وَار تجِّيم شَا ڒْمُعْصِيّث اَذ تحْكم خ دَّات نْوم إِي غَا يِفْنَان حمَا وَار تݣّم شَا اَرَّاي إِ شّهْوث نّس.

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

أيث-روما 8:12

خ مَانَاينِّي آي اَيثْمَا، ئِتْخصَّا-يَانغ أَ نݣّ لْوَاجِب، وَلَكِن مَاشِي حمَا أَ نݣّ اَرَّاي إِ طَّبِيعَا ثَعفَّانْت نّغ.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

أيث-روما 8:9

أَمَّا كنِّيو، مڒَا يزدّغ ذَايْوم اَرُّوْح ن أَربِّـي، أَتَاف اَذ تْعِيشم خ وبْرِيذ ن اَرُّوْح اَتَاف وَار تݣّم اَرَّاي إِ طَّبِيعَا ثَعفَّانْت نْوم. أُو ونِّي وَار غَار يدْجِي اَرُّوْح ن لْمَسِيح، وَار يدْجِي شَا زِي لْمَسِيح.

1 أيث-كورينث 15:16

شُوْف، مَعْلِيك يمتِّينن وَار د تْوَاسْنكَّرن شَا، إِڒِي لْمَسِيح زَعْمَا وَار د يتْوَاسكَّر شَا ؤُڒَا ذ نتَّا.

1 أيث-كورينث 6:14

أَربِّـي س جّْهذ نّس يسكَّر-د سِيذِيثْنغ زِي ڒْموْث، أَذَانغ د يسكَّر زِي ڒْموْث ؤُڒَا ذ نشِّين.

22 أيث-كورينث 4:11

لِأَنَّا نشِّين إِݣ يدَّرن نتْوَاسلَّام ڒبْدَا غَار ڒْموْث عْلَاحْسَاب عِيْسَى حمَا ثُوْذَارْث ن عِيْسَى اَذ د تْمظْهَار ذِي دَّات نّغ يتْمتَّان.

22 أيث-كورينث 4:14

نسّن ونِّي إِي د يسكَّرن سِيذِيثْنغ عِيْسَى نتَّا عَاوذ اَذَانغ د يسكَّر اَك عِيْسَى اَذَانغ يسحْضَار اَكِذْوم زَّاث نّس.

22 أيث-كورينث 5:4

لِأَنَّا خْمِي نتْغمَّاس س دَّات-أَ نّغ، تْبسَّاڒ خَانغ نشِّين عَاذ نْنهّك. إِيوَا وَار نْرزُّو شَا أَ نِيڒِي بْڒَا اَرُّوْض، نْرزُّو أَ نغْمس س دَّات نّغ ن وجنَّا، مَايمِّي؟ بَاش مِين يفنَّان اَث يسغْڒي مِين وَار يتْمتِّين.

أيث-ݣلاطيا 6:8

ونِّي إِي غَا يزرْعن مِين ثخْس طَّبِيعَا ثَعفَّانْت نّس اَزَّايس يمْجَار مِين يفنَّان. ونِّي إِي غَا يزرْعن مِين يخس أَرُّوْح يقدّْسن اَزَّايس يمْجَار ثُوْذَارْث ن ڒبْدَا.

أيث-ؤفسوس 2:5

ئِسدَّر-اَنغ اَك لْمَسِيح وَاخَّا نشِّين س وُوْڒَاون نّغ نمُّوْث عْلَاحْسَاب ڒْمُعْصِيَاث نّغ. إِيوَا س اَرْضَا ن سِيذِي أَربِّـي إِي زِي ننْجم.

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.

يعيبرانيين 13:20

أَربِّـي ذَايس ڒهْنَا، ذ نتَّا إِي د يَارِّين سِيذِيثْنغ عِيْسَى زݣ يمتِّينن س يذَامّن ن ڒْعَهذ إِݣ يتْدُوْمَان إِ ڒبْدَا، عِيْسَى-يَا ذ اَمكْسَا اَمقّْرَان ن يحُوْڒِيْين.

1 بطرس 1:21

زَّايس نتَّا إِي زِي تَامْنم زِي أَربِّـي إِي ثِيذ يسكَّرن زݣ يمتِّينن، يُوْشَا-ٱس لْعَظَمَا بَاش تِّقث نْوم ذ لْأَمَال نْوم تِيڒِين ذِي أَربِّـي.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.

لواحي ن يوحنا 11:11

وَامِي ثعْذُو تڒْتِيَّام ذ ؤُزْين نِّي، يُوْذف ذَايْسن يجّن ن بُوْحْبڒ زِي أَربِّـي ذِي ڒشْهُوْذ-أَ، كَّرن بدّن خ يضَارن نْسن. ينِّي ثن يࢲْرِين ثُوْذف ذَايْسن ثِيݣّْوْذِي ذ ثَمقّْرَانْت.