أيث-روما 7:9 - ثريفيث 2020

⁹ نش قْبڒ مَا ٱذ سّْنغ شَّرِيعَا، تُوْغَايِي دَّرغ. وَلَكِن وَامِي د ثُوْسَا ڒُوْصِيّث ن أَربِّـي، ڒْمُعْصِيّث اَخْمِي ثكَّر-د زِي ڒْموْث أُوْشَا نش اَخْمِي مُّوْثغ.

أيث-روما 7:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:20

ينَّا-ٱس وحنْجِير نّي: "تْوقَّرغ مَارَّا مَانَايَا. مِين ذَايِي يقِّيمن اَث ݣّغ؟"

لوقا 15:29

ينَّا-ٱس إِ بَابَاس: نش مشْحَاڒ ن يسݣّوُسَا اَقَايِي خدّْمغ اَكِذش ڒبْدَا تْطَاعَاغ-اَش، عمَّارْص وَار ذَايِي ثُوْشِيذ ؤُڒَا ذ يغِيْذ حمَا اَذ فَرْحغ زَّايس اَك يمدُّوْكَاڒ ينُو.

لوقا 18:21

ينَّا-ٱس ورْيَاز نِّي: "زݣ وَامِي إِي دْجِيغ نش ذ اَمزْيَان تْوقَّارغ قَاع مَانَايَا."

أيث-روما 10:5

شُوْف، مَامّش يدْجَا وبْرِيذ ن صُّلْح عْلَاحْسَاب شَّرِيعَا؟ يُوْرَا خَاس مُوْسَى ينَّا: مَارَّا وِي غَا يخذْمن س ثْمسْڒَايِين-أَ ثِيْنَا، أَتَاف اَزَّايْسنْت يعِيش.

أيث-روما 7:10

ثُمَّا ؤُفِيغ ڒُوْصِيّث نِّي إِي د يُوْسِين اَذَايِي ثُوْش ثُوْذَارْث، لَّا، قَا نش ثُوْوِي-يَايِي غَار ڒْموْث.

أيث-روما 7:11

لِأَنَّا ڒْمُعْصِيّث ثُوْفَا ذَايِي لْفُرْصَا س ڒُوْصِيّث-أَ ثشْمث-اَيِي أُو عَاوذ زَّايس زِي ڒُوْصِيّث-أَ ثْنغ-اَيِي.

أيث-روما 7:4

آي اَيْثْمَا، أَمنِّي إِي ثدْجَام ؤُڒَا ذ كنِّيو. يعْنِي تْوَافكّم زِي شَّرِيعَا ن مُوْسَى وَامِي ثمُّوْث دَّات ن لْمَسِيح، أَقَاوم خ يِيرِي ن يِجّن نّغْنِي نتَّا ذ يِيرِي ن لْمَسِيح إِي د يكَّرن زِي ڒْموْث، حمَا أَ نَارو ڒخْذَايم ثِصبْحَانِين إِ أَربِّـي.

أيث-روما 7:6

وَلَكِن ڒخُّو، نشِّين نتْوَافكّ زِي شَّرِيعَا-يَا إِي ذَانغ يقّْنن، نمُّوْث-اَس إِ مَانَاينِّي. نشِّين نْعبّذ س يِجّن ن وبْرِيذ ذ جْذِيذ ن اَرُّوْح ن أَربِّـي، مَاشِي س نِّظَام نِّي اَقْذِيم إِي يُوْرِين ذِي لْكِتَاب.

أيث-روما 7:8

ثُمَّا ڒْمُعْصِيّث ثُوْفَا ذَايِي لْفُرْصَا س ڒُوْصِيّث-أَ، ثرْنِي ذَايِي زِي كُڒ نُّوْع ن وعْشَّاق إِي يدْجَان لِأَنَّا ڒْمُعْصِيّث بْڒَا شَّرِيعَا اَخْمِي ثمُّوْث.

أيث-روما 8:7

أَقَا ڒْخَاضَر يخدّْمن ذِي ثْمسْڒَايِين ن طَّبِيعَا ثَعفَّانْت ن بْنَاذم يتْعَرَّاض أَربِّـي. وَار يتْطِيعِي شَا شَّرِيعَا ن أَربِّـي، أُو ذ صَّح وَار يزمَّر شَا.

أيث-ݣلاطيا 2:19

عْلَاحْسَاب شَّرِيعَا ن مُوْسَى نتَّاث س يِيخف نّس، نش مُّوْثغ زَعْمَا إِ ڒحْكَام ن شَّرِيعَا-يَا خَافِي بَاش اَذ دَّرغ إِ أَربِّـي وَاهَا.

أيث-ݣلاطيا 3:10

شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>