أيث-روما 7:6 - ثريفيث 2020

⁶ وَلَكِن ڒخُّو، نشِّين نتْوَافكّ زِي شَّرِيعَا-يَا إِي ذَانغ يقّْنن، نمُّوْث-اَس إِ مَانَاينِّي. نشِّين نْعبّذ س يِجّن ن وبْرِيذ ذ جْذِيذ ن اَرُّوْح ن أَربِّـي، مَاشِي س نِّظَام نِّي اَقْذِيم إِي يُوْرِين ذِي لْكِتَاب.

أيث-روما 7:6 ပူးပေါင်းရင်းမြစ်များ

أيث-روما 1:9

لِأَنَّا أَربِّـي إِي عبّْذغ س مَارَّا ؤُڒ ينُو تْبشَّارغ س لْإِنْجِيل ن مِّيس، نتَّا قَا يسّن تْفكَّرغ ذَايْوم ڒبْدَا ذِي ثْࢲَادْجِيث ينُو. تتَّارغ مڒَا يخس أَربِّـي اَڒ ونݣَّارُو اَذ اَفغ اَبْرِيذ اَغَارْوم د اَسغ.

أيث-روما 12:2

وَار تݣّم شَا مِين تݣّن يِوْذَان ذِي ڒْوقْث-أَ ثَانِيتَا. ئِتْخصَّا اَغَارْوم يِيڒِي يجّن ن ڒَعْقڒ ذ جْذِيذ حمَا اَذ تْوَابدّْڒم، سّنِّي اَذ تسّْنم كنِّيو مِين يخس أَربِّـي، يعْنِي مِين يصبْحَان ذ مِين ذَاس يتعْجِيبن وَار ذَايس بُو وخطِّي.

أيث-روما 6:11

أَمُّو لَابُد اَذ تْحسّْبم كنِّيو يخف نْوم ثمُّوْثم-اَس إِ ڒْمُعْصِيّث، ثدَّرم-اَس إِ أَربِّـي س عِيْسَى لْمَسِيح.

أيث-روما 6:19

نش سَّاوَاڒغ اَكِذْوم س يِجّن ن وَاوَاڒ عَادِي لِأَنَّا يقْسح خ بْنَاذم اَذ يفْهم مَانَايَا. قْبڒ تُوْغَا تْقدَّامم كُڒ طَّارْف زِي دَّات نْوم بَاش اَزَّايس يتْوَاݣّ لْفَسَاد ذ شَّرّْ يتمْغُوْرن. وَلَكِن ڒخُّو تْقدَّامث دَّات نْوم اَذ تخْذم مِين يدْجَان نِيشَان حمَا اَذ تِيڒِيم ثصْفَام.

أيث-روما 6:2

لَّا، عمَّارْص! نشِّين نمُّوْث-اَس إِ ڒْمُعْصِيّث، ئِخصَّا-يَانغ ڒخُّو وَار نتْسِيغِي شَا أَ نْعِيش ذَايس.

أيث-روما 6:22

ڒخُّو ثْهْنَام زِي ڒْمُعْصِيّث، ثْطَاعَام إِ أَربِّـي. مَان نّْفَع إِي زَّايس غَا ثَاوِيم؟ يعْنِي اَذ تِيڒِيم ثصْفَام أُو مَانَاينِّي يتَاوِي غَار ثُوْذَارْث ن ڒبْدَا.

أيث-روما 6:4

فَلِهَذَا وَامِي نتْوَاطهَّار اَكِذس س وَامَان، يعْنِي نتْوَانْضڒ اَكِذس ذِي ڒْموْث. مَايمِّي؟ حمَا مَامّش د يكَّر لْمَسِيح زِي ڒْموْث س لْعَظَمَا ن أَربِّـي بَابَاثْنغ، أَمنِّي ؤُڒَا ذ نشِّين اَقَا أَ نْعِيش ذݣ يِجّن ن ثُوْذَارْث ذ جْذِيذ.

أيث-روما 7:1

آي اَيثْمَا، سَّاوَاڒغ اَكِذْوم ثسّْنم شَّرِيعَا. مَا وَار ثسِّينم إِلَّا شَّرِيعَا ثْحكّم خ بْنَاذم إِي يدَّرن وَاهَا؟

أيث-روما 7:2

مَثَلَان ذِي شَّرِيعَا، ثَمْغَارْث ثمْڒش مڒَا اَرْيَاز نّس اَقَاث عَاذ يدَّر، أَقَات خ يِيرِي نّس. مڒَا اَرْيَاز نّس يمُّوْث اَقَا تْوَافكّ زِي ڒْقَانُوْن ن ڒمْڒَاش.

أيث-روما 7:4

آي اَيْثْمَا، أَمنِّي إِي ثدْجَام ؤُڒَا ذ كنِّيو. يعْنِي تْوَافكّم زِي شَّرِيعَا ن مُوْسَى وَامِي ثمُّوْث دَّات ن لْمَسِيح، أَقَاوم خ يِيرِي ن يِجّن نّغْنِي نتَّا ذ يِيرِي ن لْمَسِيح إِي د يكَّرن زِي ڒْموْث، حمَا أَ نَارو ڒخْذَايم ثِصبْحَانِين إِ أَربِّـي.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

22 أيث-كورينث 5:17

س مَانَايَا، ونِّي يدْجَان ذِي لْمَسِيح اَقَا يتْوَاخْڒق-د ذ جْذِيذ؛ مِين يدْجَان ذ اَقْذِيم يعْذُو يُوْسَا-د مِين يدْجَان ذ جْذِيذ.

أيث-ݣلاطيا 3:13

لْمَسِيح يفكّ-اَنغ زِي نَّعْڒث نِّي يدْجَان ذِي شَّرِيعَا وَامِي يَارَّا يخف نّس ذ يجّن نَّعْڒث عْلَاحْسَاب نشِّين. ڒَاحقَّاش لْكِتَاب يقَّار: <منْعُوْڒ كُڒ يجّن إِي ث غا سْݣَعّْذن خ ثحْنَاشْت.>

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.

أيث-ؤفسوس 4:24

اَذ تݣّم يجّن ن طَّبِيعَا ثنّغْنِي يعْنِي ذ جْذِيذ، ئِجّن ن طَّبِيعَا إِي د غَا يتْوَاخڒْقن اَمشْنَاو ونِّي ن أَربِّـي ذَايس ڒْحَقّ ذَايس مِين يصْفَان.

أيث-فيليـپـي 3:3

شُوْف، ذ نشِّين إِݣ يدْجَان ذ طَّهَارث نِّي ن صَّح. يعْنِي نْعبّذ س أَرُّوْح ن أَربِّـي، غِير نْتفْتَخَر س عِيْسَى لْمَسِيح، وَار نتْرِيجِي شَا اَڒ لْحَسَانَات نّغ.

أيث-كولوس 3:10

ڒخُّو كنِّيو ثݣِّيم يجّن ن طَّبِيعَا نّغْنِي ذ جْذِيذ عَاذ تْذوَّاڒ-د ذ جْذِيذ، ڒْمَعْرِيفَا نّس اَم صِّفث ن لْخَالِق نّس.