أيث-روما 7:24 - ثريفيث 2020

²⁴ يَا ڒفْضِيحث ينُو نش! وِي ذَايِي غَا يسْنجْمن زِي دَّات-أَ ثَانِيتَا ن ڒْموْث؟

أيث-روما 7:24 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:4

سَّعْذ نْسن إِ يِنِّي يتْرُوْن، أَقَا اَذ تْوَاشجّْعن.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:6

سَّعْذ نْسن إِ يِنِّي يدْجُوْزن يفُّوْذن غَار مِين يدْجَان نِيشَان، ڒَاحقَّاش نِثْنِي اَذ جَّاوْنن.

لوقا 4:18

<أَقَا أَرُّوْح ن سِيذِي أَربِّـي اَقَاث خَافِي، ئِخْضَر-اَيِي حمَا اَذ بشَّرغ ڒْمُسَاكِين. ئِسّكّ-اَيِي-د اَذ خْبَرغ لْحُرِّيَا إِ يمحْبَاس، يِنِّي يتْوَاضَرْغْڒن اَثن اَرّغ تْوَاڒَان، يِنِّي يتْوَاضڒْمن اَذَاسن د رْخُوْغ.

أيث-روما 6:6

نشِّين نسّن بلِّي نّفْس نّغ تُوْغَا ثدْجَا قْبڒ، نتَّاث يعْنِي تْوَاصلّب اَك لْمَسِيح حمَا ٱذ تْبطّڒ نّفْس نّغ يشُّوْرن س ڒْمُعْصِيَاث، بَاش وَار نتْغِيمِي شَا سَّا اَڒ ثْسَاونْت عَاذ ذ يسمْغَان ن ڒْمُعْصِيّث.

أيث-روما 8:13

لِأَنَّا كنِّيو مڒَا تݣّم اَرَّاي إِ طَّبِيعَا ثَعفَّانْت نْوم، أَذ تمّْثم. مڒَا ثْنقّم ڒفْعَاير ن دَّات نْوم س اَرُّوْح ن أَربِّـي، أَذ تدَّرم.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

أيث-روما 8:23

أُو مَاشِي نِثْنِي وَاهَا، ؤُڒَا ذ نشِّين ؤُمِي يمُّوْش اَرُّوْح يقدّْسن ذ اَمزْوَارُو نْنهّك ذݣ يِيخف نّغ. ذَايْنغ مزْڒِي، نشِّين نتْرَاجَا زِي أَربِّـي اَذ د يسْبيّن بلِّي نشِّين ذ ثَارْوَا نّس، يعْنِي اَذ يفكّ دَّات نّغ.

أيث-روما 8:26

فَا اَمُّو اَرُّوْح يقدّْسن يتْعَاوَان-اَنغ ذِي ضُّعف نّغ. نشِّين وَار نسِّين شَا مْلِيح مِينْخف غَا نࢲَّادْج، وَلَكِن اَرُّوْح يقدّْسن س يِيخف نّس يتْطَلَاب-اَس إِ أَربِّـي خ سَّبَاب نّغ س ونْهَاك وَار يتْسمِيعن.

أيث-كولوس 2:11

ذَايس ذِي نتَّا عَاوذ إِي ذِي ثْطهَّارم وَلَكِن مَاشِي ذ يجّن ن طَّهَارث يݣِّين س يفَاسّن ن بْنَاذم؛ لَّا، ثْطهَّارم طَّبِيعَا نْوم ثَعفَّانْت قَاع س يِجّن ن طَّهَارث يݣِّي-ت لْمَسِيح.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

يعيبرانيين 2:15

أُو عَاوذ عِيْسَى اَذ د يضْڒق إِ يِنِّي يدْجَان ذ يسمْغَان زِي ڒخْڒُوْق يعْنِي يِنِّي خَاسن ثْحكّم ثِيݣّْوْذِي زِي ڒْموْث أُوْشَا اَذ يڒِين حُرّ.

لواحي ن يوحنا 21:4

أَذ يمْسح كُڒ اَمطَّاو زِي ثِيطَّاوِين نْسن. وَار تْغِيمِي شَا عَاذ ڒْموْث نِغ ذ لْحُزن نِغ ذ يمطَّاون نِغ ذ ڒحْرِيق. أَقَا ثِمسْڒَايِين نِّي ثِمزْوُوْرَا صَافِي تْوَاكّْسنْت."