أيث-روما 7:23 - ثريفيث 2020

²³ وَلَكِن تَافغ يجّن ن طَّبِيعَا نّغْنِي ذݣ يخف ينُو إِݣ يتْمنْغَان اَكذ مِين غَارِي ذِي ڒَعْقڒ ينُو. س طَّبِيعَا-يَا تقّن-اَيِي ڒْمُعْصِيّث نِّي إِي ذَايِي يزدّْغن ذݣ يِيخف ينُو.

أيث-روما 7:23 ပူးပေါင်းရင်းမြစ်များ

أيث-روما 6:13

وَار تْقدَّامث ؤُڒَا ذ يجّن ن طَّارْف زِي دَّات نْوم إِ ڒْمُعْصِيّث اَذ تݣّ شَّرّْ س دَّات نْوم. قدّْمث يخف نْوم إِ أَربِّـي اَم يِوْذَان زَعْمَا إِي د يكَّرن زݣ يمتِّينن غَار ثُوْذَارْث. قدّْمث كُڒ طَّارْف زِي دَّات نْوم حمَا ٱزَّايس يتْوَاݣّ مِين يدْجَان نِيشَان.

أيث-روما 6:19

نش سَّاوَاڒغ اَكِذْوم س يِجّن ن وَاوَاڒ عَادِي لِأَنَّا يقْسح خ بْنَاذم اَذ يفْهم مَانَايَا. قْبڒ تُوْغَا تْقدَّامم كُڒ طَّارْف زِي دَّات نْوم بَاش اَزَّايس يتْوَاݣّ لْفَسَاد ذ شَّرّْ يتمْغُوْرن. وَلَكِن ڒخُّو تْقدَّامث دَّات نْوم اَذ تخْذم مِين يدْجَان نِيشَان حمَا اَذ تِيڒِيم ثصْفَام.

أيث-روما 7:14

فَا نشِّين نسّن شَّرِيعَا ن مُوْسَى زِي أَربِّـي، وَلَكِن نش ذ بْنَاذم تْوَامّنْزغ إِ ڒْمُعْصِيّث.

أيث-روما 7:21

فَلِهَذَا نش ؤُفِيغ ذݣ يِيخف ينُو يجّن ن طَّبِيعَا، يعْنِي خْمِي تخْسغ اَذ ݣّغ شَان ثْمسْڒَايْث ذ ثَصبْحَانْت، ؤُفِيغ ذِنِّي شَّرّْ يُوْذس.

أيث-روما 7:25

تْشكَّرغ أَربِّـي عْلَاحْسَاب سِيذِيثْنغ عِيْسَى لْمَسِيح! س مَانَايَا ذِي ڒَعْقڒ ينُو نش ذ يسْمغ ن شَّرِيعَا ن أَربِّـي، نش ذِي دَّات ينُو ذ يسْمغ ن طَّبِيعَا ن ڒْمُعْصِيّث.

أيث-روما 7:5

لِأَنَّا قْبڒ وَامِي تُوْغَا نْتݣّ اَرَّاي إِ طَّبِيعَا ثَعفَّانْت نّغ، اَرْنِينْت ذَايْنغ شّهَاوَاث ثِعفَّانِين عْلَاحْسَاب مِين ذَانغ ثنَّا شَّرِيعَا، خدّْمنْت شّهَاوَاث نِّي ذِي دَّات نّغ أُوْشَا نْتَارو ڒخْذَايم يتَاوِين غَار ڒْموْث.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

أيث-ݣلاطيا 5:17

لِأَنَّا مِين ثْرزُّو طَّبِيعَا ثَعفَّانْت نّغ نتَّا ضد ن مِين يرزُّو أَرُّوْح يقدّْسن. أُو اَمنِّي مِين يرزُّو أَرُّوْح يقدّْسن نتَّا ضد ن مِين ثْرزُّو طَّبِيعَا ثَعفَّانْت نّغ. تْعَارَّاضن إِ وَايَاوْيَا سّنِّي وَار تݣّم شَا ثِمسْڒَايِين-أَ إِي ثخْسم اَذ تݣّم.

يعيبرانيين 12:4

وَامِي ثْمنْغم ضد إِ ڒْمُعْصِيّث، وَار ثْعِيرّْضم شَا بَاش اَذ اَزّْڒن يذَامّن نْوم لَّا.

ثبرات غار يعقوب 3:2

مَارَّا إِذْنغ نْتݣّ اَطَّاس ن لْغَالَط. مڒَا شَان يِجّن وَار يخطِّي شَا ذݣ وَاوَاڒ نّس قَاع، أَتَاف وَانِيتَا ذ يجّن ن بْنَاذم نِيشَان يكْمَاڒ. ئِزمَّر اَذ يحْكم خ دَّات نّس مَارَّا.

ثبرات غار يعقوب 4:1

إِيوَا يخَرْوِيضن ذ يمنْغِيْون يتِيڒِين جَارَاوم، مَانِيس د تكّن؟ تكّن-د زِي شّهَاوَاث نْوم ثِعفَّانِين إِي يتْمنْغَان غَار ذَاخڒ نْوم.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.