أيث-روما 7:21 - ثريفيث 2020

²¹ فَلِهَذَا نش ؤُفِيغ ذݣ يِيخف ينُو يجّن ن طَّبِيعَا، يعْنِي خْمِي تخْسغ اَذ ݣّغ شَان ثْمسْڒَايْث ذ ثَصبْحَانْت، ؤُفِيغ ذِنِّي شَّرّْ يُوْذس.

أيث-روما 7:21 ပူးပေါင်းရင်းမြစ်များ

لوقا 4:1

ئِذْوڒ-د عِيْسَى زݣ يِغْزَار ن لْأُرْدُن يشُّوْر س أَرُّوْح يقدّْسن، ڒخْدّنِّي يُوْوِي-ث أَرُّوْح نِّي غَار ڒخْڒَا.

يوحنا 8:34

ينَّا-ٱسن عِيْسَى: "أَقَا تسْڒَام ڒْحَقّ: مَارَّا ونِّي يتݣّن ڒْمُعْصِيّث نتَّا ذ يسْمغ، بَاب نّس ذ ڒْمُعْصِيّث.

أيث-روما 6:12

فَلِهَذَا يخصَّا وَار تجِّيم شَا ڒْمُعْصِيّث اَذ تحْكم خ دَّات نْوم إِي غَا يِفْنَان حمَا وَار تݣّم شَا اَرَّاي إِ شّهْوث نّس.

أيث-روما 6:14

أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.

أيث-روما 7:23

وَلَكِن تَافغ يجّن ن طَّبِيعَا نّغْنِي ذݣ يخف ينُو إِݣ يتْمنْغَان اَكذ مِين غَارِي ذِي ڒَعْقڒ ينُو. س طَّبِيعَا-يَا تقّن-اَيِي ڒْمُعْصِيّث نِّي إِي ذَايِي يزدّْغن ذݣ يِيخف ينُو.

أيث-روما 7:25

تْشكَّرغ أَربِّـي عْلَاحْسَاب سِيذِيثْنغ عِيْسَى لْمَسِيح! س مَانَايَا ذِي ڒَعْقڒ ينُو نش ذ يسْمغ ن شَّرِيعَا ن أَربِّـي، نش ذِي دَّات ينُو ذ يسْمغ ن طَّبِيعَا ن ڒْمُعْصِيّث.

أيث-روما 8:2

لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.

يعيبرانيين 2:17

خ مَانَايَا تُوْغَا وَا لَابُد أَربِّـي اَذ يَارّ عِيْسَى اَم أَيثْمَاس ذِي مَارَّا بَاش اَذ يِيڒِي ذ ڒفْقِي اَمقّْرَان ذَايس اَرَّحْمث ذَايس تِّقث يخدّم إِ أَربِّـي. أُو عَاوذ ڒفْقِي-يَا اَذ يقدّم لْفِدْيَا حمَا اَذ تْوَاغْفَرنْت ڒْمُعْصِيَاث ن يِوْذَان.

يعيبرانيين 4:15

شُوْف، وَار غَارْنغ بُو يجّن ن ڒفْقِي اَمقّْرَان نتَّا وَار يزمَّر شَا اَذ يحسّ زِي ضُّوْعف نّغ. وَاه، غَارْنغ يجّن ڒفْقِي كِّينْت خَاس مَارَّا ڒمْحَاين؛ نتَّا اَم نشِّين وَلَكِن وَار يݣِّي بُو ڒْمُعْصِيّث.

2 بطرس 2:19

ضمْنن-اَسن يثَرَّاسن-أَ لْحُرِّيَا إِ يِوْذَان وَلَكِن يِـيْنَا بَاب نْسن نتَّا ذ ڒفْنَا. ڒَاحقَّاش مِين يتحْكَامن خ بْنَاذم نتَّا ذ بَاب نّس.