أيث-روما 6:23 - ثريفيث 2020

²³ أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

أيث-روما 6:23 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:46

أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."

يوحنا 10:28

تِيشّغ-اَسن ثُوْذَارْث ن ڒبْدَا عمَّارْص وَار فنِّين شَا، وَار ثن يخطّف ؤُڒَا ذ يجّن زݣ وفُوْس ينُو.

يوحنا 17:2

مِينْزِي ثُوْشِيذ-اَس جّْهذ خ كُڒ بْنَاذم حمَا اَذ يُوْش ثُوْذَارْث ن ڒبْدَا إِ مَارَّا يِنِّي إِي ذَاس ثُوْشِيذ.

يوحنا 3:36

ونِّي يتَامْنن زِي مِّيس اَتَاف غَارس ثُوْذَارْث ن ڒبْدَا. ونِّي وَار يتْطِيعِين شَا إِ مِّيس، أَتَاف وَار غَارس بُو ثُوْذَارْث اَخَاس يغْضب أَربِّـي."

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

يوحنا 4:36

ونِّي يمجَّارن اَذ ييْسِي تخْڒِيسث نّس يجمّع ثَفدْجَاحْث إِ ثُوذَارْث ن ڒبْدَا، حمَا اَذ مُوْنن ذِي ڒفْرَاحث نْسن يِنِّي يزَرّْعن ذ يِنِّي يمجَّارن.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

يوحنا 6:27

وَار خدّْمث شَا إِ ڒْمَكْلَا يخسَّرن، خذْمث إِ ڒْمَكْلَا يتْغِيمَان إِ ثُوْذَارْث ن ڒبْدَا. ذ ثَا ذ ڒْمَكْلَا ذَاوم غَا يُوْش مِّيس ن بْنَاذم مِينْزِي وَانِيتَا يضْبع-يث أَربِّـي بَابَاس س طَّابَع نّس."

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

يوحنا 6:68

ينَّا-ٱس سِمْعَان بُطْرُس: "آ سِيذِي، مِين يعْنَا ونِّي مَانِي غَا نْرَاح؟ شك غَارك اَوَاڒن ن ثُوْذَارْث ن ڒبْدَا.

أيث-روما 1:32

وَاخَّا سّْنن أَربِّـي يحكّم خَاسن س ڒْموْث خ يِنِّي يتݣّن ثِمسْڒَايِين-أَ، نِثْنِي كَّرن تݣّن-ثنْت. كْتَار زِي مَانَايَا، رطَّان خ يِنِّي إِي ثنْت يتݣّن.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 5:12

إِذن ثْبَان-د ڒْمُعْصِيّث غَار دُّنشْت س يِجّن ن بْنَاذم، يعْنِي آدَم. س ڒْمُعْصِيّث نِّي إِي ثدْجَا ڒْموْث. سّنِّي ثْنفْرق ڒْموْث خ يِوذَان مَارَّا لِأَنَّا يوْذَان مَارَّا عْصَان.

أيث-روما 5:17

يعْنِي س سَّبَاب ن ڒْمُعْصِيّث نِّي ن يِجّن ن بْنَاذم ثبْذَا ڒْموْث ثْحكّم خ يِوْذَان س سَّبَاب ن بْنَاذم نِّي. ڒخُّو س سَّبَاب ن يِجّن ن بْنَاذم، يعْنِي س عِيْسَى لْمَسِيح، ذ ثُوْذَارْث نتَّاث ثْحكّم اَطَّاس خ يِنِّي يقبّْڒن اَرْضَا يمْغَارن ن أَربِّـي ذ لْهَدِيَا إِي ثن يسمْصْڒَاحن اَكِذس.

أيث-روما 5:21

أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.

أيث-روما 6:16

مَا وَار ثسِّينم شَا؟ مڒَا ثْسلّْمم يخف نْوم إِ شَان يِجّن ثْذوْڒم ذ يسمْغَان ثْطَاعَام-اَس، أَتَاف اَذ تْذوْڒم ذ يسمْغَان إِ ونِّي ؤُمِي ثْطَاعَام. إِمَّا اَذ تْطَاعم إِ ڒْمُعْصِيّث يتَاوِين غَار ڒْموْث، إِمَّا اَذ تْطَاعم إِ ونِّي إِي كنِّيو غَا يَاوِين غَار صُّلْح اَكِذس.

أيث-روما 6:21

ذِي ڒْوقْث نِّي، ثِمسْڒَايِين نِّي مَا ذَايْسنْت شَان نّْفَع مِينْزِي ڒخُّو تْسذْحَام؟ وَالُو، لِأَنَّا ثِمسْڒَايِين نِّي تَاوِينْت غَار ڒْموْث.

أيث-روما 8:13

لِأَنَّا كنِّيو مڒَا تݣّم اَرَّاي إِ طَّبِيعَا ثَعفَّانْت نْوم، أَذ تمّْثم. مڒَا ثْنقّم ڒفْعَاير ن دَّات نْوم س اَرُّوْح ن أَربِّـي، أَذ تدَّرم.

أيث-روما 8:38

أَقَا نش متْأَكّد بلِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن وَار ثْزمَّر اَذَانغ ثعْزڒ زِي ڒمْحِبّث ن أَربِّـي إِي د يمظْهَارن ذِي سِيذِيثْنغ عِيْسَى لْمَسِيح: ڒَا ذ ڒْموْث، ڒَا ذ ثُوْذَارْث، ڒَا ذ لمَلَائِكَاث، ڒَا ذ شَّيَاطِن، ڒَا ذ جْنُوْن، ڒَا ذ مِين يدْجَان ڒخُّو، ڒَا ذ مِين د غَا يَاسن، ڒَا ذ مِين يُوْعْڒَان، ڒَا ذ مِين يُوْدْجْغن، ؤُڒَا ذ شَا ن ڒْحَاجث نّغْنِي.

أيث-روما 8:6

أَقَا يِنِّي يخدّْمن س ڒْخَاضَر نْسن ذِي ثْمسْڒَايِين ن طَّبِيعَا ثَعفَّانْت نْسن اَتَاف اَذ مّْثن. وَلَكِن يِنِّي يخدّْمن س ڒْخَاضَر نْسن ذِي ثْمسْڒَايِين ن اَرُّوْح اَتَاف اَذ دَّرن، أَغَارْسن يِيڒِي ڒهْنَا.

أيث-ݣلاطيا 3:10

شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

ثبرات غار يعقوب 1:15

ثُمَّا شّهْوث-أَ وَامِي ثيْسِي اَعدِّيس ثُوْرو-د ڒْمُعْصِيّث، ثُمَّا ڒْمُعْصِيّث-أَ وَامِي ثمْغَار ثجَّا-د ڒْموْث.

1 يوحنا 2:25

مِينْزِي ذَانغ يوْعذ؟ ئِوْعذ-اَنغ س ثُوْذَارْث ن ڒبْدَا ن ڒبْدَاث.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."