22 ڒخُّو ثْهْنَام زِي ڒْمُعْصِيّث، ثْطَاعَام إِ أَربِّـي. مَان نّْفَع إِي زَّايس غَا ثَاوِيم؟ يعْنِي اَذ تِيڒِيم ثصْفَام أُو مَانَاينِّي يتَاوِي غَار ثُوْذَارْث ن ڒبْدَا.
أَمشْنَاو مَامّش يسْمُوْن وفدْجَاح يسنَّانن يسْحرّق-يثن ذِي ثْمسِّي، أَمنِّي إِي غَا ثِيڒِي ڒفْنَا ن زْمَان.
وَلَكِن ڒْمُوْمِنِين اَذ شْعشْعن اَم ثْفُوْشْت ذِي ڒْمُلْك ن بَابَاثْسن. صنّط مْلِيح آ ونِّي يتْسْڒَان.
أُو مَارَّا يِنِّي يسمّْحن ذِي ثُوْذْرِين نْسن نِغ ذِي أَيثْمَاس نِغ ذِي سُوْيْثْمَاس نِغ ذِي بَابَاس ذ يمَّاس نِغ ذِي ثَارْوَا نْسن نِغ ذݣ يمَرْجعِيون نْسن خ سَّبَاب ينُو نش، أَتَاف اَغَارْسن ثِيڒِي مِيَّا ن ثْسقَّار كْتَار، أَذ وَرْثن ثُوْذَارْث ن ڒبْدَا.
أَذ رَاحن يِيْنَا غَار ثْمسِّي إِي وَار يخسِّين عمَّارْص. وَلَكِن يصبْحَانن اَذ رَاحن غَار ثُوْذَارْث ن ڒبْدَا."
مَاشِي ذ كنِّيو إِي ذَايي يخْضَرن؛ لَّا، ذ نش إِي كنِّيو يخْضَرن. كلّْفغ-كنِّيو حمَا اَذ تْرَاحم اَذ تَارْوم يزكُّوْنن، حمَا يزكُّوْنن نْوم اَذ قِّيمن إِ ڒبْدَا. أَمُّو، أَذَاوم يُوْش بَابَا مَارَّا مِين ذَاس غَا ثتَّارم عْلَاحْسَاب يسم ينُو.
كُڒ اَكشُّوْض إِي د يفّْغن زَّايِي وَار يتِيرو شَا يزكُّوْنن ن وضِيڒ اَث يقسّ بَابَا. أُو كُڒ اَكشُّوْض إِݣ يتَارْون يزكُّوْنن ن وضِيڒ أَث يزْبَار حمَا اَذ د يَرْنِي يزكُّوْنن نّغْنِي.
ونِّي يمجَّارن اَذ ييْسِي تخْڒِيسث نّس يجمّع ثَفدْجَاحْث إِ ثُوذَارْث ن ڒبْدَا، حمَا اَذ مُوْنن ذِي ڒفْرَاحث نْسن يِنِّي يزَرّْعن ذ يِنِّي يمجَّارن.
أَذ تسّْنم لْحَقِيقَا، أُو لْحَقِيقَا اَذَاوم د تضْڒق اَذ تِيڒِيم حُرّ."
أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.
ذِي ڒْوقْث نِّي، ثِمسْڒَايِين نِّي مَا ذَايْسنْت شَان نّْفَع مِينْزِي ڒخُّو تْسذْحَام؟ وَالُو، لِأَنَّا ثِمسْڒَايِين نِّي تَاوِينْت غَار ڒْموْث.
تْشكَّرغ أَربِّـي عْلَاحْسَاب سِيذِيثْنغ عِيْسَى لْمَسِيح! س مَانَايَا ذِي ڒَعْقڒ ينُو نش ذ يسْمغ ن شَّرِيعَا ن أَربِّـي، نش ذِي دَّات ينُو ذ يسْمغ ن طَّبِيعَا ن ڒْمُعْصِيّث.
آي اَيْثْمَا، أَمنِّي إِي ثدْجَام ؤُڒَا ذ كنِّيو. يعْنِي تْوَافكّم زِي شَّرِيعَا ن مُوْسَى وَامِي ثمُّوْث دَّات ن لْمَسِيح، أَقَاوم خ يِيرِي ن يِجّن نّغْنِي نتَّا ذ يِيرِي ن لْمَسِيح إِي د يكَّرن زِي ڒْموْث، حمَا أَ نَارو ڒخْذَايم ثِصبْحَانِين إِ أَربِّـي.
لِأَنَّا ذِي عِيْسَى لْمَسِيح، طَّبِيعَا ن اَرُّوْح إِݣ يتِيشّن ثُوذَارْث ثْفكّ-يشك-د زِي طَّبِيعَا ن ڒْمُعْصِيّث ذ ڒْموْث.
لِأَنَّا ونِّي تُوْغَا يدْجَان ذ يسْمغ وَامِي ذَاس د يڒَاغَا سِيذِيثْنغ، نتَّا ڒخُّو غَارس يجّن ن لْحُرِّيَا زِي سِيذِيثْنغ. أَمنِّي عَاوذ ونِّي تُوْغَا يدْجَان غَارس لْحُرِّيَا، نتَّا ڒخُّو يذْوڒ ذ يسْمغ ن سِيذِيثْنغ.
شُوْف، سِيذِيثْنغ نتَّا ذ أَرُّوْح، مَانِي مَا يدْجَا أَرُّوْح ن سِيذِيثْنغ ذِنِّي لْحُرِّيَا رُوْحِيَا.
شُوْف، نش مَا رزُّوْغ ڒخُّو اَخَافِي اَرْضَان يِوْذَان؟ لَّا، رزُّوْغ اَخَافِي يَارْضَا أَربِّـي! مَا نش رزُّوْغ اَذَاسن عجْبغ إِ يِوْذَان؟ لَّا، مَعْلِيك عَاذ رزُّوْغ اَذَاسن عجْبغ إِ يِوْذَان، أَتَاف نش وَار دْجِيغ شَا ذ اَخدَّام ن لْمَسِيح.
شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.
فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث
أَقَا نُّوْر يتَارو-د مِين يدْجَان ذ اَصبْحَان ذ مِين يدْجَان نِيشَان ذ مِين يدْجَان ذ لْحَقِيقَا.
زَّايس زِي عِيْسَى لْمَسِيح اَذ تِيڒِيم ثْعمَّرم س مِين د يتَارْون ڒْحَقّ. مَارَّا مَانَايَا إِ لْعَظَمَا ن أَربِّـي ذ لْحَمْد نّس.
وَلَكِن نش وَار رزُّوْغ شَا اَذَايِي ثُوْشم شَا ن ڒْحَاجث، نش رزُّوْغ مِين غَا يَرْنِين ذِي لْأَجَار نْوم اَك أَربِّـي.
حمَا اَذ تُوْيُوْرم خ يِجّن ن وبْرِيذ إِي ذَاس يتِيشّن إِ سِيذِيثْنغ لْقِيمَا إِي ذَاس يتعْجِيبن مَارَّا. خ وبْرِيذ-أَ اَذ تَارْوم مَارَّا ڒخْذَايم ثِصبْحَانِين اَذ تْمَارْنِيم ذِي ثُوْسْنَا نْوم خ أَربِّـي.
ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.
نش ذ بُوْلُس ذ اَخدَّام ن أَربِّـي ذ اَرَّسُوْل ن عِيْسَى لْمَسِيح خدّْمغ عْلَاحْسَاب يِنِّي إِݣ يخْضَر أَربِّـي بَاش اَذ اَمْنن اَذ سّْنن لْحَقِيقَا إِي ثن يسݣُّوْرن غَار مِين يدْجَان نِيشَان ذِي لْإِيمَان.
ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.
نش ذ يَعْقُوْب ذ ڒْعَبْذ ن أَربِّـي ذ ڒْعَبْذ ن سِيذِيثْنغ عِيْسَى لْمَسِيح، تْسدْجَامغ خ ثنْعَاش ن ثْقبَّاڒ ن ڒْمُوْمِنِين إِي يتمْزدْجَاعن خ ثْمُوْرَا.
أَقَا كنِّيو ثْقبّْڒم لْغَرَض ن لْإِيمَان نْوم يعْنِي اَذ ينْجم ڒَعْمَار نْوم.
عِيْشث اَم يِوْذَان إِي غَار ثدْجَا لْحُرِّيَا وَلَكِن وَار سْتعْمَالث شَا لْحُرِّيَا-يَا نْوم بَاش اَذ تسْنُوْفَّرم شَّرّْ نْوم؛ لَّا، ئِتْخصَّا اَذ تْعِيْشم اَم يخدَّامن ن أَربِّـي.
ينَّا-ٱيِي يِجّن زݣ يمْغَارن-أَ: "مَا ثسّْنذ يِوْذَان-أَ إِي ݣِّين تْشَامِّير ذ اَشمْڒَاڒ مِين عْنَان ذ مَانِس د ؤُسِين؟"