أيث-روما 6:21 - ثريفيث 2020

²¹ ذِي ڒْوقْث نِّي، ثِمسْڒَايِين نِّي مَا ذَايْسنْت شَان نّْفَع مِينْزِي ڒخُّو تْسذْحَام؟ وَالُو، لِأَنَّا ثِمسْڒَايِين نِّي تَاوِينْت غَار ڒْموْث.

أيث-روما 6:21 ပူးပေါင်းရင်းမြစ်များ

أيث-روما 1:32

وَاخَّا سّْنن أَربِّـي يحكّم خَاسن س ڒْموْث خ يِنِّي يتݣّن ثِمسْڒَايِين-أَ، نِثْنِي كَّرن تݣّن-ثنْت. كْتَار زِي مَانَايَا، رطَّان خ يِنِّي إِي ثنْت يتݣّن.

أيث-روما 5:12

إِذن ثْبَان-د ڒْمُعْصِيّث غَار دُّنشْت س يِجّن ن بْنَاذم، يعْنِي آدَم. س ڒْمُعْصِيّث نِّي إِي ثدْجَا ڒْموْث. سّنِّي ثْنفْرق ڒْموْث خ يِوذَان مَارَّا لِأَنَّا يوْذَان مَارَّا عْصَان.

أيث-روما 6:16

مَا وَار ثسِّينم شَا؟ مڒَا ثْسلّْمم يخف نْوم إِ شَان يِجّن ثْذوْڒم ذ يسمْغَان ثْطَاعَام-اَس، أَتَاف اَذ تْذوْڒم ذ يسمْغَان إِ ونِّي ؤُمِي ثْطَاعَام. إِمَّا اَذ تْطَاعم إِ ڒْمُعْصِيّث يتَاوِين غَار ڒْموْث، إِمَّا اَذ تْطَاعم إِ ونِّي إِي كنِّيو غَا يَاوِين غَار صُّلْح اَكِذس.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

أيث-روما 7:5

لِأَنَّا قْبڒ وَامِي تُوْغَا نْتݣّ اَرَّاي إِ طَّبِيعَا ثَعفَّانْت نّغ، اَرْنِينْت ذَايْنغ شّهَاوَاث ثِعفَّانِين عْلَاحْسَاب مِين ذَانغ ثنَّا شَّرِيعَا، خدّْمنْت شّهَاوَاث نِّي ذِي دَّات نّغ أُوْشَا نْتَارو ڒخْذَايم يتَاوِين غَار ڒْموْث.

أيث-روما 8:13

لِأَنَّا كنِّيو مڒَا تݣّم اَرَّاي إِ طَّبِيعَا ثَعفَّانْت نْوم، أَذ تمّْثم. مڒَا ثْنقّم ڒفْعَاير ن دَّات نْوم س اَرُّوْح ن أَربِّـي، أَذ تدَّرم.

أيث-روما 8:6

أَقَا يِنِّي يخدّْمن س ڒْخَاضَر نْسن ذِي ثْمسْڒَايِين ن طَّبِيعَا ثَعفَّانْت نْسن اَتَاف اَذ مّْثن. وَلَكِن يِنِّي يخدّْمن س ڒْخَاضَر نْسن ذِي ثْمسْڒَايِين ن اَرُّوْح اَتَاف اَذ دَّرن، أَغَارْسن يِيڒِي ڒهْنَا.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

22 أيث-كورينث 7:11

فكَّارث كنِّيو ذِي مِين ذَايْوم د يتَارو وخِيّق-أَ زِي أَربِّـي. يعْنِي مشْحَاڒ تْحَوَاڒم س وُوْڒ ثْرزُّوْم اَذ تْحلّم مَانَايَا ذغْيَا. يعْنِي مشْحَاڒ ثْندْمم مشْحَاڒ ثنْخڒْعم، ذَايْوم يجّن ن مزْڒِي ذ ثِيݣّْوْذِي. يعْنِي مشْحَاڒ ثسْوجْذم اَذ تْحكْمم نِيشَان. مِين مَا يدْجَان ذِي ثْمسْڒَايْث-أَ كنِّيو وَار ذَايْوم بُو ڒْعِيب.

أيث-فيليـپـي 3:19

أَنݣَّارُو نْسن اَذ يتْوَامْحَا. أَربِّـي نْسن نتَّا ذ اَعدِّيس نْسن. سمْغَارن يخف نْسن س ڒفْضَايح نْسن. ڒَعْقُوْڒَاث نْسن نُّوْغن ذِي ثْمسْڒَايِين ن دُّنشْت-أَ.

يعيبرانيين 10:29

ئِي كنِّيو، مِين تْفكَّرم؟ مشْحَاڒ إِي غَا يِيڒِي لْعِقَاب إِݣ يسْذَاهدْج ونِّي يسحْقَارن مِّيس ن أَربِّـي، ئِسخْنز يذَامّن ن ڒْعَهذ نِّي إِي زِي يتْوَاسِّيصْفَا، يزبّڒ أَرُّوْح ن اَرْضَا!

يعيبرانيين 6:8

وَلَكِن مڒَا ثَمُوْرْث نِّي ثْسغْمَاي-د غِير يسنَّانن ذ ثْزݣّْوَارْث، أَتَاف نتَّاث ذ وَالُو اَقَات ذِي لْخَطَر اَذ تْوَانْعڒ، أَڒ ونݣَّارُو اَت سْحَرْقن س ثْمسِّي.

ثبرات غار يعقوب 1:15

ثُمَّا شّهْوث-أَ وَامِي ثيْسِي اَعدِّيس ثُوْرو-د ڒْمُعْصِيّث، ثُمَّا ڒْمُعْصِيّث-أَ وَامِي ثمْغَار ثجَّا-د ڒْموْث.

1 بطرس 4:17

أَقَا ثُوْوض-د ڒْوقْث بَاش اَذ يبْذَا لْحِسَاب جَار اَيثْبَاب ن ثدَّارْث ن أَربِّـي. مڒَا اَذ يبْذَا لْحِسَاب-أَ جَارَانغ مِين غَا يوقْعن إِ يِنِّي وَار يتْطِيعِين شَا إِ لْإِنْجِيل ن أَربِّـي؟

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.

لواحي ن يوحنا 16:6

أَقَا وَامِي سِيزّْڒن يذَامّن ن ڒْمُوْمِنِين صَّالِحِين ذ لْأَنْبِيَا، ثُوْشِيذ-اَسن اَذ سْون يذَامّن ؤُڒَا ذ نِثْنِي ڒَاحقَّاش سْذَاهدْجن مَانَاينِّي."

لواحي ن يوحنا 20:14

ثْمنْضَار-د ڒْموْث ذ لْأَخِرَا ذِي ڒبْحَر ن ثْمسِّي. قَا ڒبْحَر نِّي ن ثْمسِّي نتَّا إِݣ يدْجَان ذ ڒْموْث وِيس ثْنَاين.