أيث-روما 6:16 - ثريفيث 2020

¹⁶ مَا وَار ثسِّينم شَا؟ مڒَا ثْسلّْمم يخف نْوم إِ شَان يِجّن ثْذوْڒم ذ يسمْغَان ثْطَاعَام-اَس، أَتَاف اَذ تْذوْڒم ذ يسمْغَان إِ ونِّي ؤُمِي ثْطَاعَام. إِمَّا اَذ تْطَاعم إِ ڒْمُعْصِيّث يتَاوِين غَار ڒْموْث، إِمَّا اَذ تْطَاعم إِ ونِّي إِي كنِّيو غَا يَاوِين غَار صُّلْح اَكِذس.

أيث-روما 6:16 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:4

ينَّا-ٱسن: رُوْحم ؤُڒَا ذ كنِّيو غَار ومَرْجع ينُو، أَتَاف اَذَاوم خدْجْسغ مِين ثسْذَاهدْجم.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:24

وَار يزمَّر شَان يِجّن اَذ يِيڒِي ذ اَخدَّام غَار ثْنَاين ن سِيَاذِيس. مَايمِّي؟ إِمَا يجّن اَث يعِيفّ، ئِجّن اَث يخس. نِغ يجّن اَذَايس يطّف، ئِجّن اَث يحݣَّر. أَذ تْخذْمم إِ أَربِّـي نِغ اَذ تْخذْمم إِ ڒوْسخ ن دُّنشْت-أَ، وَار يدْجِي بُو س ثْنَاين.

يوحنا 8:34

ينَّا-ٱسن عِيْسَى: "أَقَا تسْڒَام ڒْحَقّ: مَارَّا ونِّي يتݣّن ڒْمُعْصِيّث نتَّا ذ يسْمغ، بَاب نّس ذ ڒْمُعْصِيّث.

أيث-روما 11:2

أَربِّـي وَار ينْكَر شَا شَّعْب نّس تُوْغَا يسّن-يثن زِي قْبڒ. مَا وَار ثسِّينم شَا كنِّيو مِين يقَّار لْكِتَاب خ نَّبِي إِلْيَاس؟ وَامِي يشثْشَا غَار أَربِّـي زِي أَيث-إِسْرَائِيل ينَّا-ٱس:

أيث-روما 12:1

إِذن فَا آي اَيثْمَا، س اَرَّاحْمث ن أَربِّـي تْشجَّاعغ-كنِّيو اَذ تْقدّْمم يخف نْوم إِ أَربِّـي اَمشْنَاو يجّن ن دْبِيحث ثدَّر، ذ ثَمْقدّسْت، أَخَاس يَارْضَا نتَّا. مَانَايَا ذ لْوَاجِب ن لْعِبَادَا خَاوم.

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

1 أيث-كورينث 3:16

مَا وَار ثسِّينم شَا بلِّي ذ كنِّيو إِي يدْجَان ذ ثَمْزِيذَا ن أَربِّـي، يزدّغ ذَايْوم اَرُّوْح ن أَربِّـي؟

1 أيث-كورينث 5:6

مَاشِي مْلِيح وَامِي تفْتَخَارم. وَار ثسِّينم شَا إِلَّا غِير ذْرُوْس ن ونْتُوْن إِي د يسْݣَعَّاذن مَارَّا ڒْعَاجْنث ن ورشْثِي؟

1 أيث-كورينث 6:2

مَا وَار ثسِّينم شَا بلِّي نِثْنِي صَّالِحِين إِي غَا يحكْمن خ دُّنشْت-أَ؟ ئِي كنِّيو مڒَا ثْحكْمم خ دُّنشْت-أَ، مَايمِّي وَار ثْزمَّرم شَا اَذ تْحلّم شِّكَايَاث ثِمزْيَانِين؟

1 أيث-كورينث 6:3

مَا وَار ثسِّينم شَا بلِّي أَ نحْكم خ لْمَلَائِكَاث؟ إِيوَا أُو لَابُد أَ نحْكم خ ثْمسْڒَايِين ن ثُوْذَارْث-أَ!

1 أيث-كورينث 6:9

مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

1 أيث-كورينث 9:13

مَا وَار ثسِّينم شَا يِنِّي يخدّْمن ذِي ثمْزِيذَا كسِّين-د لْمَكْلَا نْسن زَّايس، ذ يِنِّي يخدّْمن ذِي ڒْمذْبَاح كسِّين-د ڒْحَقّ نْسن زِي مِين يتْوَاغَرّْصن ذِي ڒْمذْبَاح؟

1 أيث-كورينث 9:24

مَا وَار ثسِّينم شَا ثَازْڒَا نِّي يتݣّن ذِي لْملْعَب؟ مَارَّا تَازّْڒن وَلَكِن يجّن وَاهَا إِي غَا يربْحن لْجَائِزَا. أَمنِّي ؤُڒَا ذ كنِّيو يتْخصَّا اَذ تَازْڒم بَاش اَت ثْربْحم.

2 بطرس 2:19

ضمْنن-اَسن يثَرَّاسن-أَ لْحُرِّيَا إِ يِوْذَان وَلَكِن يِـيْنَا بَاب نْسن نتَّا ذ ڒفْنَا. ڒَاحقَّاش مِين يتحْكَامن خ بْنَاذم نتَّا ذ بَاب نّس.