أيث-روما 6:12 - ثريفيث 2020

¹² فَلِهَذَا يخصَّا وَار تجِّيم شَا ڒْمُعْصِيّث اَذ تحْكم خ دَّات نْوم إِي غَا يِفْنَان حمَا وَار تݣّم شَا اَرَّاي إِ شّهْوث نّس.

أيث-روما 6:12 ပူးပေါင်းရင်းမြစ်များ

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-روما 2:8

وَلَكِن اَغَارْسن يِيڒِي لْحِسَاب ذ لْعِقَاب غَار يِنِّي يرزُّوْن إِ يِيخف نْسن وَاهَا ذ يِنِّي وَار يتْطِيعِين شَا إِ لْحَقِيقَا ذفَّارن مِين وَار يدْجِين شَا نِيشَان.

أيث-روما 5:21

أُو مَامّش ثحْكم ڒْمُعْصِيّث ثُوْوِي-د ڒْموْث، أَمنِّي إِي خَانغ يحْكم اَرْضَا وَامِي ذَانغ يسمْصْڒَاح أَربِّـي اَكِذس يُوْوِي-د ثُوْذَارْث ن ڒبْدَا خ وفُوْس ن سِيذِيثْنغ عِيْسَى لْمَسِيح.

أيث-روما 6:14

أَقَا ڒْمُعْصِيّث وَار ثقِّيم شَا اَذ تحْكم خَاوم لِأَنَّا وَار ثدْجِيم شَا سْوَادَّاي ن وفُوْس ن شَّرِيعَا، أَقَاوم سْوَادَّاي ن اَرْضَا ن أَربِّـي.

أيث-روما 6:16

مَا وَار ثسِّينم شَا؟ مڒَا ثْسلّْمم يخف نْوم إِ شَان يِجّن ثْذوْڒم ذ يسمْغَان ثْطَاعَام-اَس، أَتَاف اَذ تْذوْڒم ذ يسمْغَان إِ ونِّي ؤُمِي ثْطَاعَام. إِمَّا اَذ تْطَاعم إِ ڒْمُعْصِيّث يتَاوِين غَار ڒْموْث، إِمَّا اَذ تْطَاعم إِ ونِّي إِي كنِّيو غَا يَاوِين غَار صُّلْح اَكِذس.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

أيث-روما 8:13

لِأَنَّا كنِّيو مڒَا تݣّم اَرَّاي إِ طَّبِيعَا ثَعفَّانْت نْوم، أَذ تمّْثم. مڒَا ثْنقّم ڒفْعَاير ن دَّات نْوم س اَرُّوْح ن أَربِّـي، أَذ تدَّرم.

22 أيث-كورينث 4:11

لِأَنَّا نشِّين إِݣ يدَّرن نتْوَاسلَّام ڒبْدَا غَار ڒْموْث عْلَاحْسَاب عِيْسَى حمَا ثُوْذَارْث ن عِيْسَى اَذ د تْمظْهَار ذِي دَّات نّغ يتْمتَّان.

22 أيث-كورينث 5:4

لِأَنَّا خْمِي نتْغمَّاس س دَّات-أَ نّغ، تْبسَّاڒ خَانغ نشِّين عَاذ نْنهّك. إِيوَا وَار نْرزُّو شَا أَ نِيڒِي بْڒَا اَرُّوْض، نْرزُّو أَ نغْمس س دَّات نّغ ن وجنَّا، مَايمِّي؟ بَاش مِين يفنَّان اَث يسغْڒي مِين وَار يتْمتِّين.

أيث-ݣلاطيا 5:16

فَا نِّيغ-اَوم، تْعِيشث عْلَاحْسَاب ڒْخَاضَر ن أَرُّوْح يقدّْسن ثُمَّا وَار تْسعِّيفم شَا شّهَاوَاث ن طَّبِيعَا ثَعفَّانْت نْوم.

أيث-ݣلاطيا 5:24

أُو يِنِّي يدْجَان ن عِيْسَى لْمَسِيح صَافِي صلّْبن طَّبِيعَا نِّي ثَعفَّانْت نْسن اَكذ شّهْوث ذ ڒْخَاضَر ن طَّبِيعَا-يَا.

أيث-ؤفسوس 2:3

نشِّين مَارَّا تُوْغَا نتْعِيش اَم نِثْنِي ذݣ يِجّن ن ڒْوقْث وَامِي تُوْغَا نتْسعَّاف شّهَاوَاث ن اَرَّاي اَعفَّان ن نّفْس نّغ نْذفَّار مِين يرزُّو ذ مِين يتْفكَّار. تُوْغَانغ اَم مَارَّا يوْذَان يعْنِي نشِّين زݣ يِنِّي إِي غَا يعَاقب سِيذِي أَربِّـي.

أيث-ؤفسوس 4:22

إِيوَا تُوْغَا ثْڒمْذم اَذ تْسمْحم ذِي طَّبِيعَا نِّي نْوم تُوْغَا غَارْوم قْبڒ. لِأَنَّا طَّبِيعَا نِّي نْوم ثَرشَّا عْلَاحْسَاب شّهْوث نّس يسْتْوَاغَرّن.

1 أيث-سلونيك 4:5

مَاشِي اَذ تْعِيشم ذِي شّهْوث ن دَّات نْوم مَامّش تݣّن ڒݣْنُوْس وَار يسِّينن شَا أَربِّـي.

2 تيموتاوس 2:22

فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

ثبرات غار تيتوس 2:12

أَرْضَا-يَا يتْربَّا-يَانغ أَ ننْكَر شَّرّْ ذ شّهَاوَاث ن دُّنشْت-أَ، أَ نْعِيش ذِي زْمَان-أَ أَ نحْكَام خ ثْنفْسِيث نّغ اَذَايْنغ يِيڒِي لْمَعْقُوْل ذ لْإِيمَان

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

1 بطرس 1:14

إِڒِيم اَم ثَارْوَا يتْطَاعَان، وَار ذفَّارث شَا شّهَاوَاث نِّي ثِعفَّانِين ثِنِّي إِي ذِي تُوْغَا تْعِيشم ذِي ڒقْفَاڒث نْوم يعْذُوْن.

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.

ثبرات زي يهوذا 1:16

شُوْف، يثَرَّاسن-أَ تْشثْشَان وَاهَا، تنْتَاقَاذن خ مِدّن، نِثْنِي ذفَّارن شّهَاوَاث نْسن ثِعفَّانِين؛ سمْغَارن يخف نْسن س ؤُقمُّوْم نْسن، تسْڒهَّان يوْذَان بَاش اَذ نفّْعن يخف نْسن.

ثبرات زي يهوذا 1:18

نَّان-اَوم: "ذِي ڒِيَّام نِّي ينݣُّوْرَا اَذ يڒِين مُجُوْدِين يِنِّي يذحّْشن خ يِوْذَان، ذفَّارن شّهَاوَاث نْسن ثِعفَّانِين وَاهَا."