أيث-روما 6:10 - ثريفيث 2020

¹⁰ لِأَنَّا وَامِي يمُّوْث، ئِمُّوْث يجّن ن ثْوَاڒَا وَاهَا إِ ڒبْدَا إِ مِين يدْجَان ذ ڒْمُعْصِيّث. ثُوْذَارْث نّس يدَّر ڒخُّو، يدَّر-يت إِ أَربِّـي.

أيث-روما 6:10 ပူးပေါင်းရင်းမြစ်များ

لوقا 20:38

نتَّا ذ أَربِّـي ن يِنِّي يدَّرن مَاشِي ن يِنِّي يمُّوثن، ڒَاحقَّاش نتَّا مَارَّا يوْذَان اَغَارس يڒِين دَّرن."

أيث-روما 6:11

أَمُّو لَابُد اَذ تْحسّْبم كنِّيو يخف نْوم ثمُّوْثم-اَس إِ ڒْمُعْصِيّث، ثدَّرم-اَس إِ أَربِّـي س عِيْسَى لْمَسِيح.

أيث-روما 6:9

نشِّين نسّن قَا لْمَسِيح يكَّر-د زِي ڒْموْث، عمَّارْص اَذ يمّث عَاوذ. وَار تْغِيمِي ڒْموْث اَخَاس ثْحكّم.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

22 أيث-كورينث 5:15

يمُّوْث نتَّا عْلَاحْسَاب مَارَّا يوْذَان بَاش يِنِّي يدَّرن وَار تدَّرن شَا إِ يِيخف نْسن وَاهَا، أَذ دَّرن إِ ونِّي خَاسن يمُّوْثن ثُمَّا يتْوَاسكَّر-د زِي ڒْموْث.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 بطرس 4:6

خ سَّبَاب-أَ تْوَابشَّرن س لْإِنْجِيل ؤُڒَا ذ يمتِّينن. مُّوْثن مَامّش تْمتَّان يِوْذَان مَارَّا، وَلَكِن نِثْنِي اَذ دَّرن س أَرُّوْح نْسن عْلَاحْسَاب لْغَرَض ن أَربِّـي.