أيث-روما 5:8 - ثريفيث 2020

⁸ وَلَكِن نشِّين تُوْغَانغ عَاذ نْعصَّا أَربِّـي وَامِي يمُّوْث خَانغ لْمَسِيح. س مَانَاينِّي يسْبيّن-اَنغ-د أَربِّـي مشْحَاڒ ذَانغ يتخْس.

أيث-روما 5:8 ပူးပေါင်းရင်းမြစ်များ

يوحنا 15:13

وَار ذِنِّي بُو ڒمْحِبّث كْتَار زِي ثنِّي ن بْنَاذم اَذ يصدّق ثُوْذَارْث نّس عْلَاحْسَاب يمدُّوْكَاڒ نّس.

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

أيث-روما 3:5

فَا مڒَا ڒْبَاطڒ نّغ إِي نْتݣّ يسْمظْهَار-د ڒْحَقّ ن أَربِّـي، مِين غَا نِينِي؟ (نش سَّاوَاڒغ عْلَاحْسَاب لْفِكْرَا ن بْنَاذم.) أَربِّـي، مَا يضدْجم-اَنغ خْمِي ذَانغ يتْعَاقَاب؟

أيث-روما 4:25

ئِتْوَاسلّم حمَا اَذ يمّث خ ڒْمُعْصِيَاث نّغ، ئِتْوَاسكَّر-د حمَا اَذَانغ يسمْصْڒَاح أَربِّـي اَكِذس.

أيث-روما 5:20

أُو شَّرِيعَا نتَّاث ثُوْذف-د حمَا ٱذ كْثَارنْت ڒْمُعْصِيَاث. وَلَكِن شْحَاڒ مَا كْثَارنْت ڒْمُعْصِيَاث، أَرْضَا ن أَربِّـي يكْثَار كْتَار زَّايسنْت.

أيث-روما 5:6

فَا ذِي ڒْوقْث نِّي نِيشَان ثنِّي تُوْغَا يخْضَر أَربِّـي نشِّين وَار غَارْنغ بُو جّْهذ، ئِمُّوْث لْمَسِيح خَانغ وَامِي نعْصَا.

أيث-روما 5:7

مُوْحَاڒ اَذ يقْبڒ شَان يِجّن اَذ يمّث خ يِجّن ن بْنَاذم نّغْنِي ذ اَصبْحَان وَاهَا. مڒَا بْنَاذم اَقَاث ذ اَصبْحَان اَطَّاس، يمْكن شَان يِجّن اَخَاس يقْبڒ اَذ يمّث.

أيث-روما 8:32

سِيذِي أَربِّـي وَار يسْعِيزّ شَا مِّيس خَانغ، ئِقدّم-يث إِ ڒْموْث خَانغ مَارَّا. مَا اَذ تقِّيم شَان ڒْحَاجث وَار ذَانغ-ت يتِيشّ شَا اَكِذس؟

أيث-ݣلاطيا 2:20

تْوَاصلّْبغ اَك لْمَسِيح. سَّا اَڒ ثْسَاونْت مَاشِي ذ نش إِ غَا يدَّرن؛ لَّا، ذ لْمَسِيح إِي غَا يدَّرن ذَايِي. ثُوْذَارْث-أَ إِي دَّرغ ڒخُّو ذِي دَّات ينُو، أَقَا دَّرغ-ت س لْإِيمَان ينُو زِي مِّيس ن أَربِّـي إِي ذَايِي يحِبّن يصدّق خَافِي يخف نّس.

أيث-ؤفسوس 2:7

مَايمِّي؟ حمَا سِيذِي أَربِّـي ذِي زْمَانَاث إِي د غَا يَاسن اَذ د يسْمظْهَار اَݣْڒَا نّس يعْنِي اَرْضَا نّس مشْحَاڒ إِݣ يدْجَا ذ اَمقّْرَان بْڒَا ڒقْيَاس إِي ذَانغ د يسْبيّن ذِي عِيْسَى لْمَسِيح.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

1 تيموتاوس 1:16

وَامِي نش ذ لْعَاصِي ذ اَمقّْرَان خَاسن مَارَّا يسظْهَار-اَيِي-د أَربِّـي اَرَّحْمث نّس بَاش عِيْسَى لْمَسِيح اَزَّايِي د يسْمظْهَار مَارَّا صْبَار نّس اَذ يِيڒِي مَانَايَا ذ يجّن ن لْمِثَال إِ يِنِّي إِي زَّايس غَا يَامْنن اَغَارْسن ثِيڒِي ثُوْذَارْث ن ڒبْدَا.

يعيبرانيين 8:3

شُوْف، كُڒ ڒفْقِي اَمقّْرَان تِيخْضَارن-ث بَاش اَذ يقدّم صّذْقث ذ دْبِيحَاث. خ مَانَايَا وَا لَابُد ڒفْقِي وَانِيتَا يعْنِي ذ عِيْسَى اَذ يقدّم شَان ن ڒْحَاجث.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

1 يوحنا 3:16

س مِينْزِي إِي غَا نسّن ڒمْحِبّث؟ مِينْزِي سِيذِيثْنغ يصدّق خَانغ يخف نّس. أُو اَمُّو عَاوذ إِي غَا نِيڒِي نوْجذ أَ نْصدّق يخف نّغ خ أَيثْمَاثْنغ.