أيث-روما 5:2 - ثريفيث 2020

² نتَّا زَّايس إِي نُوْفَا اَبْرِيذ س لإِيمَان غَار اَرْضَا إِي ذِي ندْجَا ڒخُّو. نْفَرّح ذِي لْأَمَال ن لْعَظَمَا ن أَربِّـي.

أيث-روما 5:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:21

ينَّا-ٱس سِيذس: ثݣِّيذ مْلِيح آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

يوحنا 10:7

ينَّا-ٱسن عِيْسَى عَاوذ: "أَقَا تسْڒَام ڒْحَقّ: نش ذ ثَوَّارث ن ڒْكُوْرِي.

يوحنا 10:9

نش ذ ثَوَّارث، ونِّي زَّايي غَا يَاذْفن اَذ ينْجم. أَذ يِيڒِي اَمشْنَاو يجّن ن وحُوْڒِي يتَاذف يتفّغ يتَاف مِين غَا يشّ.

يوحنا 14:6

ئِنْدق-د عِيْسَى ينَّا-ٱس: "نش ذ اَبْرِيذ، نش ذ لْحَقِيقَا، نش ذ ثُوْذَارْث. وَار د يتِيس ؤُڒَا ذ يجّن غَار بَابَا إِلَّا زَّايي.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

ڒخذايم 14:27

وَامِي ؤُوْضن ذِنِّي، سْمُوْنن جْمَاعث ن ڒْمُوْمِنِين عَاوْذن-اَسن مَارَّا مِين يݣَّا أَربِّـي خ وفُوْس نْسن ذ مَامّش يرْزم-اَسن ثَوَّارْث ن لْإِيمَان إِ يِنِّي وَار يدْجِين شَا زِي أَيث-إِسْرَائِيل.

أيث-روما 11:20

وَاه، نِثنْتِي تْوَاقسّنْت سّنِّي وَامِي وَار ؤُمِيننْت شَا؛ شك ثقِّيمذ ذِنِّي وَامِي ثُوْمْنذ. وَلَكِن وَار تْسمْغَار شَا يخف نّش؛ لَّا، ݣّْوذ!

أيث-روما 12:12

فَرْحث ذِي لْأَمَال. صْبَارث خ تَمَارَا. دَاوّْمث خ ثْࢲَادْجِيث.

أيث-روما 14:4

شك مِين ثعْنِيذ بَاش اَذ تْعيّْبذ اَخدَّام ن مِيدّن؟ ئِنْجح نِغ وَار ينْجِيح، وَانِيتَا ذ شّْغڒ ن سِيذس. أُو ذ صَّح نتَّا اَذ ينْجح لِأَنَّا سِيذِي أَربِّـي يزمَّر اَث يسنْجح.

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 5:5

لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

أيث-روما 8:24

أَقَا ذِي مزْڒِي-يَا نشِّين ننْجم. شُوْف، مڒَا صَافِي نُوْفَا مزْڒِي نِّي إِي نْرزُّو، أَتَاف صَافِي وَار ذَايْنغ يتِيڒِي بُو مزْڒِي عَاذ. مَا أَ نْرَاجَا عَاذ مزْڒِي نِّي مڒَا صَافِي نُوْفِي-ث؟

1 أيث-كورينث 15:1

فَا آي أَيثْمَا اَكنِّيو سْفكَّرغ خ لْإِنْجِيل إِي زِي كنِّيو بشَّرغ، يعْنِي نتَّا ثْقبْڒم-ث أُو مْتبْثِين خَاس.

22 أيث-كورينث 3:18

ڒخُّو نشِّين اَغمْبُوْب نّغ وَار يغْمِيس س وَالُو. نتْوَاڒَا لْعَظَمَا ن سِيذِيثْنغ، نتْوَابدَّاڒ بَاش أَ نِيڒِي ذ يجّن ن صِّفث نّس س يِجّن ن لْعَظَمَا يتْمَارْنِين. مَانَايَا يتَاس-د زِي سِيذِيثْنغ إِݣ يدْجَان ذ أَرُّوْح.

22 أيث-كورينث 4:17

شُوْف، ڒمْحَاين نّغ فْسُوْسنْت تْرَاحنْت تَاسنْت-يد ذغْيَا، سوْجَاذنْت-اَنغ غَار يِجّن ن لْعَظَمَا ذ ثَمقّْرَانْت بْڒَا ڒقْيَاس.

أيث-ؤفسوس 2:18

لِأَنَّا س لْمَسِيح اَم نشِّين اَم كنِّيو نْزمَّر أَ نْقَارّب غَار أَربِّـي بَابَاثْنغ س يِجّن ن أَرُّوْح يقدّْسن.

أيث-ؤفسوس 3:12

زَّايس نتَّا أَ نْقَارّب غَار أَربِّـي س زْعَامث ذ تِّقث بْڒَا مَا أَ نݣّْوذ خْمِي زَّايس نْتَامن.

أيث-ؤفسوس 6:13

س مَانَايَا يْسِيث غَارْوم مَارَّا ڒسْنَاح ن أَربِّـي بَاش وَار تْركّْوِيڒم شَا ذِي نْهَار ن شَّرّْ. أُو مڒَا ثݣِّيم مَانَايَا مَارَّا، أَتَاف اَذ تْبدّم.

2 أيث-سلونيك 2:16

سِيذِيثْنغ عِيْسَى س يِيخف نّس أُو عَاوذ أَربِّـي بَابَاثْنغ ونِّي إِي ذَانغ يُوْشِين س اَرْضَا نّس يجّن ن وشجّع وَار يفنِّين شَا عمَّارْص ذ يجّن ن لْأَمَال يصْبَاح، أَتَاف اَكنِّيو يشجّع س وُوْڒَاون نْوم اَثن يسجْهذ عْلَاحْسَاب ذِي كُڒ ڒْخذْمث ذ كُڒ اَوَاڒ اَصبْحَان.

يعيبرانيين 3:6

وَلَكِن لْمَسِيح نتَّا ذ مِّيس يحكّم خ اَيثْبَاب ن ثدَّارْث ن أَربِّـي، ئِتْكلَّاف زَّايْسن نِيشَان. أُو نشِّين ذ اَيثْبَاب-أَ ن ثدَّارْث نّس يعْنِي مڒَا نطّف مْلِيح ذِي زْعَامث نّغ أُو ذِي لْأَمَال نّغ إِي خف نْتفْتَاخَر.

يعيبرانيين 6:18

ثْنَاين ن ثْمسْڒَايِين-أَ وَار تْوَابدِّيڒنْت شَا، أَربِّـي وَار يزمَّر اَخَاسنْت يسْخَرّق. زِي ثْنَاين ن ثْمسْڒَايِين-أَ اَزَّايْسنْت إِي غَا نتْوَاشجّع نشِّين إِي نَرْوڒ بَاش اَغَارس نْنُوْفَّر. زَّايْسنْت إِي غَا نطّف س جّْهذ ذِي لْأَمَال إِي ذَانغ يتْوَابشَّرن.

1 بطرس 3:18

أَمنِّي إِݣ يݣَّا لْمَسِيح وَامِي يتْوَاعدّب يجّن ن تْوَاڒَا إِ ڒبْدَا عْلَاحْسَاب ڒْمُعْصِيَاث. يعْنِي ونِّي يدْجَان نِيْشَان يتْوَاعدّب ذݣ ومْشَان ن يِنِّي يعصَّان حمَا اَكنِّيو يسِّيوض غَار أَربِّـي. دَّات نّس نْغِين-تث، ئِسدَّر-يت-يد أَرُّوْح يقدّْسن.

لواحي ن يوحنا 21:11

ذَايس لْعَظَمَا ن أَربِّـي، نُّوْر نّس اَمشْنَاو ثَزْرُوْت ثَصبْحَانْت، أَمشْنَاو ثَزْرُوْت ن لْيَشب ثصْفَا اَطَّاس.

لواحي ن يوحنا 21:23

ثَنْدِينْت-أَ وَار تحْذِيجِي شَا ثْفَاوْث ن ثْفُوْشْت نِغ ن ثْزِيرِي ڒَاحقَّاش لْعَظَمَا ن أَربِّـي نتَّاث إِي يتݣّن ذِنِّي ثْفَاوْث، ئِزْمَار ذ نتَّا ذ ڒفْنَار نّس.

لواحي ن يوحنا 21:3

سْڒِيغ إِ يِجّن ن ثْمِيجَّا زِي لْعَرْش ثقَّار س جّْهذ: "أَقَا ثَزدِّيغْث ن أَربِّـي اَك يِوْذَان، أَذ يزْذغ جَارَاسن اَذ يڒِين ذ شَّعْب نّس. أَربِّـي س يِيخف نّس اَكِذْسن يِيڒِي، أُو عَاوذ اَذ يِيڒِي ذ أَربِّـي نْسن.

لواحي ن يوحنا 3:21

ونِّي غَا يربْحن اَث جّغ اَكِذِي يقِّيم خ لْعَرْش ينُو، أَم ربْحغ ؤُڒَا ذ نش قِّيمغ اَك بَابَا خ لْعَرْش نّس.