أيث-روما 5:19 - ثريفيث 2020

¹⁹ لِأَنَّا مَامّش يِعْصَا آدَم أَربِّـي يُوْوِي-د ڒْمُعْصِيّث إِ وَاطَّاس ن يِوْذَان، أَمنِّي يطَاع عِيْسَى إِ أَربِّـي سّنِّي مصْڒَاحن اَطَّاس ن يِوْذَان اَك أَربِّـي.

أيث-روما 5:19 ပူးပေါင်းရင်းမြစ်များ

أيث-روما 11:32

لِأَنَّا نتَّا أَربِّـي يَارَّا يوْذَان مَارَّا ذ يمحْبَاس ن ڒْمُعْصِيّث حمَا اَثن يرْحم مَارَّا إِذْسن.

أيث-روما 5:12

إِذن ثْبَان-د ڒْمُعْصِيّث غَار دُّنشْت س يِجّن ن بْنَاذم، يعْنِي آدَم. س ڒْمُعْصِيّث نِّي إِي ثدْجَا ڒْموْث. سّنِّي ثْنفْرق ڒْموْث خ يِوذَان مَارَّا لِأَنَّا يوْذَان مَارَّا عْصَان.

أيث-روما 5:15

وَلَكِن ڒْمُعْصِيّث ن آدَم وَار نْزمَّر اَت نْمثّل اَك لْهَادِيَا ن اَرْضَا ن أَربِّـي. شُوْف، ئِجّن ن بْنَاذم، نتَّا ذ آدَم، يعْصَا أَربِّـي يُوْوِي-د ڒْموْث إِ مَارَّا يوْذَان. ڒخُّو مشْحَاڒ يمْغَر اَرْضَا ن أَربِّـي ذ لْهَادِيَا إِي د ينْفيّْضن خ يِوْذَان س اَرْضَا ن يِجّن ن بْنَاذم نّغْنِي نتَّا ذ عِيْسَى لْمَسِيح.

أيث-روما 5:18

إِذن يجّن ن ڒْمُعْصِيّث إِݣ يݣَّا يجّن ن بْنَاذم ثُوْوِي-د لْحِسَاب ذ لْعِقَاب إِ مَارَّا يوْذَان. أَمنِّي يجّن ن لْبَرَاءَا إِݣ يݣَّا يجّن ن بْنَاذم يُوْوِي-د صُّلْح ذ ثُوْذَارْث إِ مَارَّا يوْذَان.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

أيث-ؤفسوس 1:6

أَذ يتْوَابَرَك اَرْضَا نّس يمْغَارن، ئِفَرغ-يث-يذ خَانغ أَربِّـي س مِّيس يعِيزّن.

أيث-فيليـپـي 2:8

وَامِي د يمظْهَار اَم صِّفث ن يِجّن ن بْنَاذم، ئِسهْوَا-د يخف نّس يطَاع حتَّا وَامِي يمُّوْث يجّن ن ڒْموْث ذِي صَّلِيب.