أيث-روما 5:1 - ثريفيث 2020

¹ إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح.

أيث-روما 5:1 ပူးပေါင်းရင်းမြစ်များ

لوقا 19:38

قَّارن: "سَّعْذ ن وزدْجِيذ إِي د يُوْسِين عْلَاحْسَاب يسم ن سِيذِي أَربِّـي. ڒهْنَا ذݣ وجنَّا، لْحَمْدُو إِ أَربِّـي يُوْعْڒَان!"

لوقا 19:42

ينَّا: "آ ثَنْدِينْت ن لْقُدْس، شم مَعْلِيك تُوْغَا ثسّْنذ نْهَارَا ثِمسْڒَايِين إِي د يتِيشّن ڒهْنَا! وَلَكِن لَّا، ڒخُّو نُوْفَّرنْت خ ثِيطَّاوِين نّم.

لوقا 2:14

"لْعَظَمَا إِ أَربِّـي يُوْعْڒَان، ذ ڒهْنَا ن يِنِّي ذِي ثْمُوْرْث مِيخف يرْضَا."

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

يوحنا 20:31

ثِمسْڒَايِين-أَ ؤُرِينْت حمَا اَذ تَامْنم بلِّي عِيْسَى نتَّا ذ لْمَسِيح مِّيس ن أَربِّـي بَاش مڒَا ثُوْمْنم اَغَارْوم ثِيڒِي ثُوْذَارْث ذݣ يِيسم نّس.

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

ڒخذايم 10:36

ثسّْنم أَربِّـي يسّكّ-د اَوَاڒ نّس غَار أَيث-إِسْرَائِيل يتْبشَّار-يثن س لْإِنْجِيل ن ڒهْنَا س عِيْسَى لْمَسِيح، نتَّا ذ سِيذِيثْنغ ن مَارَّا يوْذَان.

أيث-روما 1:17

أَربِّـي يسْبيّن-اَنغ-د ذِي لْإِنْجِيل مَامّش غَا نمْصْڒَاح اَكِذس، مَانَايَا س لإِيمَان وَاحْذس. مَامّش يقَّار لْكِتَاب: <ونِّي يدْجَان نِيشَان اَذ يعِيش س لإِيمَان.>

أيث-روما 1:7

تَارِيغ إِ مَارَّا يمْعِيزّن ن أَربِّـي إِي يدْجَان ذِي ثنْدِينْت ن رُوْمَا يخْضَر-يكنِّيو اَذ تِيڒِيم ذ ڒْمُوْمِنِين صَّالِحِين. أَكِذْوم يِيڒِي اَرْضَا ذ ڒهْنَا زِي أَربِّـي بَابَاثْنغ ذ عِيْسَى لْمَسِيح سِيذِيثْنغ.

أيث-روما 10:10

لِأَنَّا س وُوْڒ نّش شك تَامْنذ، أَش يسمْصْڒَاح أَربِّـي اَكِذس. أُو س وقمُّوْم نّش شك ثْشهّْذذ، شك ثْنجْمذ.

أيث-روما 10:15

أُو مَامّش غَا ݣّن اَذ حدّْثن مڒَا وَار ذَاسن د يسّكّ حَدّ؟ أَقَا يقَّار لْكِتَاب: <مشْحَاڒ صبْحَان يضَارن ن يِنِّي يتْبشَّارن س لْإِنْجِيل.>

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-روما 15:13

أربِّي ونِّي يتِيشّن لْأَمَال، أَكنِّيو يشُّوْر س ڒفْرَاحت ذ ڒهْنَا وَامِي زَّايس ثُوْمْنم بَاش اَذ تنْفيّْضم س لْأَمَال س جّْهذ ن اَرُّوْح يقدّْسن.

أيث-روما 15:33

أَربِّـي ن ڒهْنَا اَكِذْوم يِيڒِي مَارَّا إِذْوم. آمِين.

أيث-روما 3:22

يعْنِي، أَربِّـي يسمْصْڒَاح اَكِذس مَارَّا ونِّي يتَامْنن زِي عِيْسَى لْمَسِيح، وَار يتْفرَّق جَار يِوْذَان. أَقَا مَارَّا عْصَان أَربِّـي، تْوَاحَرَّامن زِي لْعَظَمَا نّس.

أيث-روما 3:30

لِأَنَّا أَربِّـي نتَّا ذ يجّن. ذ نتَّا إِݣ يسمْصْڒَاحن أَيث-إِسْرَائِيل اَكِذس س لإِيمَان، ذ يِنِّي وَار يدْجِين شَا زِي أَيث-إِسْرَائِيل س نّفْس لْإِيمَان.

أيث-روما 4:5

ونِّي وَار يتْوكِّيڒن خ ڒخْذَايم إِݣ يتݣّ، ئِتْوكِّيڒ خ أَربِّـي يتَارَّان لْعَاصِي غَار وبْرِيذ، وَانِيتَا يسمْصْڒَاح-يث أَربِّـي اَكِذس س لإِيمَان إِي ذَايس.

أيث-روما 5:11

وَار يدْجِي غِير مَانَايَا وَاهَا، نشِّين نْفَرّح زِي أَربِّـي س سِيذِيثْنغ عِيْسَى لْمَسِيح ونِّي إِي ذَانغ يسمْصْڒَاحن اَكِذس.

أيث-روما 5:18

إِذن يجّن ن ڒْمُعْصِيّث إِݣ يݣَّا يجّن ن بْنَاذم ثُوْوِي-د لْحِسَاب ذ لْعِقَاب إِ مَارَّا يوْذَان. أَمنِّي يجّن ن لْبَرَاءَا إِݣ يݣَّا يجّن ن بْنَاذم يُوْوِي-د صُّلْح ذ ثُوْذَارْث إِ مَارَّا يوْذَان.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

أيث-روما 9:30

إِيوَا، مِين غَا نِينِي؟ يِنِّي وَار يدْجِين شَا زِي أَيث-إِسْرَائِيل تُوْغَا وَار رزُّوْن شَا صُّلْح اَك أَربِّـي، وَلَكِن ؤُفِين-ث وَامِي ؤُمْنن.

أيث-ݣلاطيا 2:16

إِنَّمَا، نسّن بلِّي بْنَاذم وَار يتْوَاسمْصْڒَاح شَا اَك أَربِّـي يعْنِي مڒَا يطَاع إِ شَّرِيعَا ن مُوْسَى؛ لَّا، مَانَايَا إِلَّا س لْإِيمَان زِي عِيْسَى لْمَسِيح. خ مَانَايَا ؤُڒَا ذ نشِّين نُوْمن زِي عِيْسَى لْمَسِيح بَاش أَ نمْصْڒَاح اَك أَربِّـي س لْإِيمَان نِّي إِي زِي نُوْمن، مَاشِي س طَّاعَا ن شَّرِيعَا ن مُوْسَى. لِأَنَّا ؤُڒَا ذ يجّن ن بْنَاذم وَار يتْوَاسمْصْڒَاح شَا اَك أَربِّـي س طَّاعَا ن شَّرِيعَا نِّي.

أيث-ݣلاطيا 3:25

ڒخُّو وَامِي صَافِي يمظْهَار-د لْإِيمَان، وَار ثقِّيم شَا شَّرِيعَا ن مُوْسَى تْربَّا-يَانغ.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ؤفسوس 2:7

مَايمِّي؟ حمَا سِيذِي أَربِّـي ذِي زْمَانَاث إِي د غَا يَاسن اَذ د يسْمظْهَار اَݣْڒَا نّس يعْنِي اَرْضَا نّس مشْحَاڒ إِݣ يدْجَا ذ اَمقّْرَان بْڒَا ڒقْيَاس إِي ذَانغ د يسْبيّن ذِي عِيْسَى لْمَسِيح.

أيث-فيليـپـي 3:9

حمَا اَذَايِي اَفن ذَايس بْڒَا شَا ن صُّلْح اَك أَربِّـي إِي د يتَاسن زَّايِي نش وَاهَا عْلَاحْسَاب شَّرِيعَا. لَّا، صُّلْح نِّي ينُو اَك أَربِّـي يتَاس-د س لْإِيمَان ينُو زِي لْمَسِيح، يعْنِي صُّلْح نِّي يتَاس-د زِي أَربِّـي يتَاس-د س لْإِيمَان.

أيث-كولوس 1:20

ثُمَّا يسمْصْڒَاح أَربِّـي قَاع ثِمسْڒَايِين إِ يِيخف نّس إِݣ يدْجَان ذِي ثْمُوْرْث نِغ ذݣ وجنَّا يعْنِي يݣَّا ڒهْنَا س يذَامّن ن مِّيس إِي يُوْزّْڒن خ صَّلِيب.

أيث-كولوس 3:15

اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.

1 أيث-سلونيك 5:23

أَربِّـي نّغ ن ڒهْنَا اَكنِّيو يسِّيصْفَا ذݣ يِيخف نْوم قَاع. بُوْحْبڒ نْوم ذ ڒَعْمَر نْوم ذ دَّات نْوم اَذ قِّيمن كمْڒن بْڒَا ڒْعِيب اَڒ د غَا يَاس سِيذِيثْنغ عِيْسَى لْمَسِيح.

2 أيث-سلونيك 3:16

سِيذِيثْنغ ن ڒهْنَا اَذَاوم يُوْش يجّن ن ڒهْنَا ذِي اَيَا ڒْوقْث أُو س مَارَّا ثِمسْڒَايِين. أَذ يِيڒِي سِيذِي أَربِّـي اَكِذْوم مَارَّا.

يعيبرانيين 13:20

أَربِّـي ذَايس ڒهْنَا، ذ نتَّا إِي د يَارِّين سِيذِيثْنغ عِيْسَى زݣ يمتِّينن س يذَامّن ن ڒْعَهذ إِݣ يتْدُوْمَان إِ ڒبْدَا، عِيْسَى-يَا ذ اَمكْسَا اَمقّْرَان ن يحُوْڒِيْين.