أيث-روما 4:18 - ثريفيث 2020

¹⁸ وَاخَّا وَار ذِنِّي بُو لْأَمَال قَاع، يُوْمن بْرَاهِيم يݣَّا لْأَمَال. أَمنِّي إِي يذْوڒ ذ جدِّيثْسن إِ وَاطَّاس ن ڒݣْنُوْس مَامّش تُوْغَا ذَاس يتْوَانَّا زِي قْبڒ: <مِين يدْجَان ذ يثْرَان ذݣ وجنَّا اَمنِّي إِي غَا ثِيڒِي دُّوْرِّيث نّش.>

أيث-روما 4:18 ပူးပေါင်းရင်းမြစ်များ

لوقا 1:18

ينَّا-ٱس زَكَرِيَا إِ لْمَلَاك نِّي: "مَامّش غَا سّْنغ نش مَانَايَا ذ صَّح؟ قَا نش وسَّارغ، ثَمْغَارْث ينُو ثوْسَر."

ڒخذايم 27:25

ينَّا-ٱسن بُوْلُس: "إِيوَا إِڒِيث ذ يرْيَازن! قَا نش تَامْنغ زِي أَربِّـي مِين ذَايِي ينَّا اَذ يِيڒِي قَا ٱذ يِيڒِي.

أيث-روما 4:17

مَامّش يقَّار لْكِتَاب: <أَرِّيغ-شك ذ جدِّيثْسن إِ وَاطَّاس ن ڒݣْنُوْس.> ذِنِّي بْرَاهِيم زَّاث إِ أَربِّـي إِي زِي يتَامن، يعْنِي ونِّي د يسْنكَّرن يِنِّي يمُّوْثن، يعْنِي ونِّي د يخڒْقن مِين عمَّارْص وَار يدْجِين.

أيث-روما 4:19

ثُمَّا لإِيمَان نّس وَار ينْقِيص شَا وَاخَّا غَارس عْڒَاين مِيَّا ن يسݣّْوُسَا، وَاخَّا يسّن يخف نّس وَار يزمَّر شَا ثَمْغَارْث نّس سَارَا وَار تِيرو شَا.

أيث-روما 5:5

لْأَمَال-أَ وَار ذَانغ يتْخيِّيب شَا، مَايمِّي؟ لِأَنَّا أَربِّـي يُوْشَا-ٱنغ أَرُّوْح يقدّْسن، زَّايس إِݣ يشُّوْر ؤُڒَاون نّغ س ڒمْحِبّث نّس.

أيث-روما 8:24

أَقَا ذِي مزْڒِي-يَا نشِّين ننْجم. شُوْف، مڒَا صَافِي نُوْفَا مزْڒِي نِّي إِي نْرزُّو، أَتَاف صَافِي وَار ذَايْنغ يتِيڒِي بُو مزْڒِي عَاذ. مَا أَ نْرَاجَا عَاذ مزْڒِي نِّي مڒَا صَافِي نُوْفِي-ث؟

يعيبرانيين 6:19

لْأَمَال-أَ يتِيڒِي غَارْنغ اَم يِجّن ن ؤُڒِيزِيم ن وغَرَّابُو ن ڒَعْمَار نّغ، يرْسق س جّْهذ وَار يضدْجق. يُوْذف لْأَمَال-أَ يعْذُو غَار ذفَّار ن اَرّْوَاق ن وخَّام اَمْقدّس اَطَّاس.