أيث-روما 4:17 - ثريفيث 2020

¹⁷ مَامّش يقَّار لْكِتَاب: <أَرِّيغ-شك ذ جدِّيثْسن إِ وَاطَّاس ن ڒݣْنُوْس.> ذِنِّي بْرَاهِيم زَّاث إِ أَربِّـي إِي زِي يتَامن، يعْنِي ونِّي د يسْنكَّرن يِنِّي يمُّوْثن، يعْنِي ونِّي د يخڒْقن مِين عمَّارْص وَار يدْجِين.

أيث-روما 4:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:9

مَاشِي اَذ تِينِيم ذِي نّفْس نْوم قَا نشِّين ذ ثَارْوَا ن بْرَاهِيم أُو صَافِي. مڒَا يخس أَربِّـي ثَارْوَا ن بْرَاهِيم، أَتَاف اَذ ييْسِي يزْرَا-يَا اَثن يَرّ ذ ثَارْوَا ن بْرَاهِيم!

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

يوحنا 5:25

أَقَا تسْڒَام ڒْحَقّ: أَذ د تَاس ڒْوقْث اَقَا ڒخُّو ثُوْسَا-د، أَذ سْڒن يمتِّينن إِ صُّوْت ن مِّيس ن أَربِّـي أُو يِنِّي ذَاس غَا يسْڒن اَذ دَّرن.

يوحنا 6:63

أَرُّوْح ن أَربِّـي ذ نتَّا يسّدَّرن. مِين يدْجَان ذ بنَاذم وَار ينفّع إِ وَالُو. أَوَاڒن إِي ذَاوم نِّيغ، ذَايسن أَرُّوْح ذ ثُوْذَارْث.

أيث-روما 3:29

إِيوَا أَربِّـي، مَا نتَّا ذ أَربِّـي ن أَيث-إِسْرَائِيل وَاهَا؟ لَّا! مَا وَار يدْجِي ؤُڒَا ذ أَربِّـي ن يِوْذَان وَار يدْجِين شَا زِي أَيث-إِسْرَائِيل؟ وَاه، ذ أَربِّـي نْسن ؤُڒَا ذ نِثْنِي.

أيث-روما 4:18

وَاخَّا وَار ذِنِّي بُو لْأَمَال قَاع، يُوْمن بْرَاهِيم يݣَّا لْأَمَال. أَمنِّي إِي يذْوڒ ذ جدِّيثْسن إِ وَاطَّاس ن ڒݣْنُوْس مَامّش تُوْغَا ذَاس يتْوَانَّا زِي قْبڒ: <مِين يدْجَان ذ يثْرَان ذݣ وجنَّا اَمنِّي إِي غَا ثِيڒِي دُّوْرِّيث نّش.>

أيث-روما 4:2

مَعْلِيك نتَّا يسمْصْڒَاح-يث أَربِّـي اَكِذس عْلَاحْسَاب ڒخْذَايم نّس، أَتَاف بْرَاهِيم غَارس ڒْحَقّ إِي زِي غَا يفْتَخر زݣ يِيخف نّس وَلَكِن زَّاث إِ أَربِّـي لَّا.

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

أيث-روما 9:11

ثُمَّا يكَّر أَربِّـي ينَّا-ٱس إِ رَفِيقَا قَا اَمقّْرَان اَذ يِيڒِي ذ اَخدَّام غَار ومزْيَان. ئِڒَاغَا-يَاس-د أَربِّـي إِ نتَّا وَاهَا، نِثْنِي وَار ݣِّين وَالُو. تُوْغَا عَاذ وَار د خْڒِيقن شَا عَاذ وَار ݣِّين ڒْخِير وَار ݣِّين شَّرّْ، وَلَكِن سِيذِي أَربِّـي يخْضَر يجّن زَّايْسن يسْمظْهَار-د ڒْخَاضَر نّس إِي غَا يِيڒِين.

أيث-روما 9:26

أُو ذݣ ومْشَان نِّي ونِّي مَانِي ذَاسن ينَّا أَربِّـي: كنِّيو وَار ثدْجِيم ذ شَّعْب ينُو، ذِنِّي إِي ذَاسن غَا ڒَاغَان آ ثَارْوَا ن أَربِّـي يدَّرن.

1 أيث-كورينث 1:28

ئِخْضَر أَربِّـي ونِّي غَار يدْجَا لْأَصل نّس ذ اَمزْيَان ذ مِين يتْوَاعِيفَّان، ئِخْضَر حتَّا ذ ثِمسْڒَايِين وَار يدْجِين شَا بَاش اَذ يسْبطّڒ ثِمسْڒَايِين نِّي إِي يدْجَان.

1 أيث-كورينث 15:45

أَمُّو يقَّار لْكِتَاب: "بْنَاذم اَمزْوَارُو يعْنِي آدَم يذْوڒ ذ بُوْحْبڒ يدَّرن." آدَم اَنݣَّارُو نتَّا ذ بُوْحْبڒ يسدَّرن.

1 تيموتاوس 6:13

تْوصِّيغ-شك زَّاث إِ أَربِّـي ونِّي يسدَّرن قَاع ثِمسْڒَايِين أُو زَّاث إِ عِيْسَى لْمَسِيح ونِّي يشهْذن شْهَاذث نِّي ثَصبْحَانْت زَّاث إِ لْحَاكم بُوْنْطُوْس بِلَاطُوْس.

يعيبرانيين 11:12

ثُمَّا زِي بْرَاهِيم ذ يجّن ن ورْيَاز يوْسَار يكمّڒ، يجَّا-د يجّن ن دُّوْرِّيث اَم يِيْثْرَان يدْجَان ذݣ وجنَّا اَم يِجْذِي يدْجَان خ شّطّ ن ڒبْحَر وَار يزمَّر حَدّ اَت يحسّب.

يعيبرانيين 11:3

س لْإِيمَان إِي نْفهّم قَا دُّنشْت ثتْوَاخْڒق-د س وَاوَاڒ ن أَربِّـي يعْنِي مِين ذَايس نتْوَاڒَا وَار د يكِّي شَا زِي مِين د يتْبَانن.

يعيبرانيين 11:7

س لْإِيمَان نَّبِي نُوْح وَامِي ذَاس يعْڒم أَربِّـي خ ثْمسْڒَايِين نِّي وَار ثنْت ࢲْرِين يِوْذَان عمَّارْص، ئِكَّر نتَّا س يِجّن ن ثِيݣّْوْذِي ذ يِجّن ن ڒحْيَا يݣَّا اَغَرَّابُو بَاش اَذ يسنْجم أَيثْبَاب ن ثدَّارْث نّس. وَامِي يݣَّا مَانَاينِّي نتَّا يعيّب دُّنشْت، ئِوَارث صُّلْح نِّي إِي د يتَاسن س لْإِيمَان.

1 بطرس 2:10

تُوْغَا كنِّيو ذݣ يِجّن ن ڒْوقْث مَاشِي ذ ڒْݣنْس، ڒخُّو كنِّيو ثْذوْڒم ذ شَّعْب ن أَربِّـي. تُوْغَا ذݣ يِجّن ن ڒْوقْث وَار ثسِّينم شَا اَرَّاحْمث ن أَربِّـي، ڒخُّو ثسّْنم اَرَّاحْمث نّس.

2 بطرس 3:8

آي يمْعِيزّن ينُو، وَار تتُّوْث شَا ثَمسْڒَايْث-أَ: سِيذِيثْنغ يحسّب يجّن ن نْهَار اَم وَاڒَاف ن يسݣّْوُوْسَا، ئِحسّب اَڒَاف ن يسݣّْوُوْسَا اَم يِجّن ن نْهَار.