أيث-روما 4:12 - ثريفيث 2020

¹² أُو نتَّا ذ جدِّيثْسن عَاوذ ؤُڒَا ن يِنِّي يݣِّين طَّهَارث، وَلَكِن مَاشِي ݣِّين طَّهَارث أُو صَافِي. لَّا، ئِتْخصَّا-يَاسن اَذ ذفَّارن ڒَاثَار ن لْإِيمَان مَامش تُوْغَا يدْجَا غَار جدِّيثْنغ بْرَاهِيم وَامِي تُوْغَا عَاذ وَار يݣِّي بُو طَّهَارث.

أيث-روما 4:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:9

مَاشِي اَذ تِينِيم ذِي نّفْس نْوم قَا نشِّين ذ ثَارْوَا ن بْرَاهِيم أُو صَافِي. مڒَا يخس أَربِّـي ثَارْوَا ن بْرَاهِيم، أَتَاف اَذ ييْسِي يزْرَا-يَا اَثن يَرّ ذ ثَارْوَا ن بْرَاهِيم!

أيث-روما 4:11

ثُمَّا طَّهَارث-أَ ثُوْسَا-ٱس-د ذ يجّن ن لْعَلَامَا ذ يجّن ن دَّلِيل بلِّي أَربِّـي يسمْصْڒَاح-يث اَكِذس س لإِيمَان نِّي إِي تُوْغَا ذَايس قْبڒ مَا ٱذ يطهَّار. مَايمِّي مَانَايَا؟ بَاش اَذ يِيڒِي بْرَاهِيم ذ جدِّيثْسن ن يِنِّي مَارَّا يتَامْنن وَاخَّا وَار ݣِّين شَا طَّهَارث، بَاش ؤُڒَا ذ يِنِّي اَثن يسمْصْڒَاح أَربِّـي اَكِذس.

أيث-روما 4:13

ڒْعَهذ إِي زِي يوْعذ أَربِّـي بْرَاهِيم ذ دُّوْرِّيث نّس حمَا اَذ يوَارث نتَّا دُّنّشْت. ڒْعَهذ نِّي وَار د يُوْسِي شَا س شَّرِيعَا، يُوْسَا-د س لإِيمَان نِّي إِݣ يسمْصْڒَاحن يوْذَان اَك أَربِّـي.

22 أيث-كورينث 12:18

ذ نش إِي د يوصَّان تِيتُوْس اَغَارْوم د يَاس، سّكّغ-د اَكِذس ؤُمَاثْنغ نِّي. وَار يزمَّر اَكنِّيو يغشّ تِيتُوْس. نش ذ نتَّا نْخدّم س يِجّن ن ڒَعْقڒ ذ يجّن، ئِسُوْرِيفن نّغ ذ يجّن.

1 بطرس 2:21

ئِڒَاغَا-يَاوم-د أَربِّـي غَار مَانَايَا مِينْزِي لْمَسِيح يتْوَاعدّب عْلَاحْسَاب كنِّيو؛ ئِجَّا-ٱوم-د يجّن ن لْمِثَال اَث تْذفَّرم ذݣ يسُوْرِيفن نّس.