أيث-روما 4:11 - ثريفيث 2020

¹¹ ثُمَّا طَّهَارث-أَ ثُوْسَا-ٱس-د ذ يجّن ن لْعَلَامَا ذ يجّن ن دَّلِيل بلِّي أَربِّـي يسمْصْڒَاح-يث اَكِذس س لإِيمَان نِّي إِي تُوْغَا ذَايس قْبڒ مَا ٱذ يطهَّار. مَايمِّي مَانَايَا؟ بَاش اَذ يِيڒِي بْرَاهِيم ذ جدِّيثْسن ن يِنِّي مَارَّا يتَامْنن وَاخَّا وَار ݣِّين شَا طَّهَارث، بَاش ؤُڒَا ذ يِنِّي اَثن يسمْصْڒَاح أَربِّـي اَكِذس.

أيث-روما 4:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:16

ئِنْدق-د سِمْعَان بُطْرُس ينَّا-ٱس: "شك ذ لْمَسِيح، مِّيس ن أَربِّـي يدَّرن."

أَسڒْمذ ن سِيذِيثْنغ عِيْسَى لْكِتَاب ن مَتَّى 8:11

أَقَا قَّارغ-اَوم: أَذ د اَسن اَطَّاس ن يِوْذَان زِي شَّرْق ذ ڒْغَرْب اَذ قِّيمن اَك بْرَاهِيم ذ إِسْحَاق ذ يَعْقُوْب غَار مِيسَّا ذِي ڒْمُلْك وجنَّا.

لوقا 19:9

ينَّا-ٱس عِيْسَى إِ زَاكِي: "نْهَارَا اَيْثْبَاب ن ثدَّارْث-أَ نجْمن مِينْزِي اَرْيَاز-أَ وَانِيتَا ؤُڒَا ذ نتَّا زِي دُّوْرِّيث ن بْرَاهِيم.

يوحنا 3:33

ونِّي يقبّْڒن شْهَاذث نّس، أَتَاف يتْحَقّق بلِّي أَربِّـي ذ لْحَقِيقَا إِݣ يدْجَا.

يوحنا 3:36

ونِّي يتَامْنن زِي مِّيس اَتَاف غَارس ثُوْذَارْث ن ڒبْدَا. ونِّي وَار يتْطِيعِين شَا إِ مِّيس، أَتَاف وَار غَارس بُو ثُوْذَارْث اَخَاس يغْضب أَربِّـي."

يوحنا 6:35

ينَّا-ٱسن عِيْسَى: "نش ذ اَغْرُوْم ن ثُوْذَارْث. ونِّي إِي غَاري د غَا يَاسن وَار يتْڒِيزِي عمَّارْص. ونِّي زَّايِي غَا يَامْنن وَار يتْفِيذِي عمَّارْص.

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

يوحنا 6:47

أَقَا تسْڒَام ڒْحَقّ: ونِّي إِي غَا يَامْنن اَغَارس ثِيڒِي ثُوْذَارْث ن ڒبْدَا.

يوحنا 8:33

نَّان-اَس: "نشِّين زِي دُّوْرِّيث ن بْرَاهِيم، عمَّارْص وَار ندْجِي ذ يسمْغَان إِ حَدّ. مَايمِّي ذَانغ ثنِّيذ اَذ تْوَاضڒْقم اَذ تِيڒِيم حُرّ؟"

أيث-روما 10:11

أَقَا لْكِتَاب يقَّار: <مَارَّا ونِّي زَّايس غَا يَامْنن وَار ث يتْخِيِّيب شَا.>

أيث-روما 10:4

لِأَنَّا لْمَسِيح ذَايس ذِي نتَّا إِي ثْكمّڒ شَّرِيعَا حمَا مَارَّا وِي زَّايس غَا يَامْنن اَذ يمصْڒَاح اَك أَربِّـي.

أيث-روما 10:6

وَلَكِن مِين يقَّار لْكِتَاب خ ونِّي يرزُّوْن اَذ يمصْڒَاح اَك أَربِّـي اَزَّايس يَامن؟ ئِقَّار: وَار قَّار شَا ذݣ وُوْڒ نّش: مِين يعْنَا وِي غَا يݣَعّْذن غَار وجنَّا (يعْنِي بَاش اَذ د يسهْوَا لْمَسِيح)؟

أيث-روما 3:22

يعْنِي، أَربِّـي يسمْصْڒَاح اَكِذس مَارَّا ونِّي يتَامْنن زِي عِيْسَى لْمَسِيح، وَار يتْفرَّق جَار يِوْذَان. أَقَا مَارَّا عْصَان أَربِّـي، تْوَاحَرَّامن زِي لْعَظَمَا نّس.

أيث-روما 3:26

حمَا ٱذ د يسْمظْهَار ذِي زْمَان-أَ ڒْحَقّ نّس. لِأَنَّا أَربِّـي نتَّا نِيشَان إِݣ يدْجَا، نتَّا يسمْصْڒَاح اَكِذس ونِّي غَا يَامْنن زِي عِيْسَى.

أيث-روما 3:30

لِأَنَّا أَربِّـي نتَّا ذ يجّن. ذ نتَّا إِݣ يسمْصْڒَاحن أَيث-إِسْرَائِيل اَكِذس س لإِيمَان، ذ يِنِّي وَار يدْجِين شَا زِي أَيث-إِسْرَائِيل س نّفْس لْإِيمَان.

أيث-روما 4:10

مڒْمِي إِي ث يسمْصْڒَاح اَكِذس؟ مَا قْبڒ مَا ٱذ يݣّ طَّهَارث نّس نِغ منْبَعْد مَا ت يݣّ؟ لَّا، مَاشِي منْبَعْد إِ طَّهَارث نّس وَلَكِين قْبڒ.

أيث-روما 9:30

إِيوَا، مِين غَا نِينِي؟ يِنِّي وَار يدْجِين شَا زِي أَيث-إِسْرَائِيل تُوْغَا وَار رزُّوْن شَا صُّلْح اَك أَربِّـي، وَلَكِن ؤُفِين-ث وَامِي ؤُمْنن.

أيث-روما 9:33

مَامّش يقَّار لْكِتَاب: <أَقَا ݣِّيغ ذِي ثنْدِينْت ن لْقُدْس يج ن تِّيرْشث إِي ذِي تنْقْڒَاظن يِوْذَان، ذ يِجّن ن وزْرُو إِي ثن يغطّْڒن. ونِّي إِي زَّايس غَا يَامْنن، عمَّارْص اَث خيّْبغ.>

أيث-روما 9:6

وَلَكِن، أَوَاڒ ن أَربِّـي مَا وَار ينْجِيح شَا؟ لَّا، ئِنْجح! فَا مَاشِي أَيث-إِسْرَائِيل قَاع إِݣ يدْجَان ذ يسْرَائِلِيْين ذ صَّح.

أيث-ݣلاطيا 3:22

وَلَكِن لَّا، لْكِتَاب يقَّار بلِّي مَارَّا مِين يدْجَان نتَّا اَمشْنَاو اَمحْبُوْس ن ڒْمُعْصِيّث. مَايمِّي؟ بَاش مِين يوْعذ اَذ يمُّوْش س لْإِيمَان زِي عِيْسَى لْمَسِيح إِ يِنِّي إِي غَا يَامْنن.

أيث-ݣلاطيا 3:29

مڒَا كنِّيو زِي لْمَسِيح اَتَاف كنِّيو ذ ثَارْوَا ن بْرَاهِيم غَارْوم لْوَارث نِّي عْلَاحْسَاب مِينْزِي ث يوْعذ سِيذِي أَربِّـي.

أيث-ݣلاطيا 3:7

فَلِيهَذَا، فهْمث كنِّيو بلِّي يِنِّي يُوْمْنن نِثْنِي ذ ثَارْوَا ن بْرَاهِيم.

أيث-ݣلاطيا 5:5

قَا نشِّين لَّا، نتْرَاجَا أَربِّـي اَذَانغ يسمْصْڒَاح اَكِذس س لْإِيمَان، أُو لْأَمَال-أَ نّغ نتَّا س جّْهذ ن أَرُّوْح يقدّْسن.

أيث-ݣلاطيا 6:16

مَارَّا يِنِّي يݣُّوْرن خ مِين تْوصِّيغ نش ذِي ڒُوْصِيْيث-أَ اَتَاف اَغَارْسن يِيڒِي ڒهْنَا ذ اَرَّحْمث اَك شَّعْب ن أَربِّـي.

أيث-ؤفسوس 1:13

ثُمَّا يسْمُوْن-يكنِّيو-د عَاوذ اَك لْمَسِيح وَامِي ثْصنّْطم إِ وَاوَاڒ ن لْحَقِيقَا يعْنِي لْإِنْجِيل إِي زِي ثْنجْمم. وَامِي ثُوْمْنم يضْبع-يكنِّيو أَربِّـي س طَّبَع نّس يعْنِي س أَرُّوْح يقدّْسن إِي زِي ذَانغ يوْعذ.

أيث-ؤفسوس 4:30

وَار سْخيَّاقم شَا أَرُّوْح يقدّْسن ن أَربِّـي يعْنِي ونِّي إِي زِي ثتْوَاضبْعم إِ نْهَار نِّي إِي غَا ثْنجّْمم.

أيث-فيليـپـي 3:9

حمَا اَذَايِي اَفن ذَايس بْڒَا شَا ن صُّلْح اَك أَربِّـي إِي د يتَاسن زَّايِي نش وَاهَا عْلَاحْسَاب شَّرِيعَا. لَّا، صُّلْح نِّي ينُو اَك أَربِّـي يتَاس-د س لْإِيمَان ينُو زِي لْمَسِيح، يعْنِي صُّلْح نِّي يتَاس-د زِي أَربِّـي يتَاس-د س لْإِيمَان.

يعيبرانيين 11:7

س لْإِيمَان نَّبِي نُوْح وَامِي ذَاس يعْڒم أَربِّـي خ ثْمسْڒَايِين نِّي وَار ثنْت ࢲْرِين يِوْذَان عمَّارْص، ئِكَّر نتَّا س يِجّن ن ثِيݣّْوْذِي ذ يِجّن ن ڒحْيَا يݣَّا اَغَرَّابُو بَاش اَذ يسنْجم أَيثْبَاب ن ثدَّارْث نّس. وَامِي يݣَّا مَانَاينِّي نتَّا يعيّب دُّنشْت، ئِوَارث صُّلْح نِّي إِي د يتَاسن س لْإِيمَان.

2 بطرس 1:1

نش ذ سِمْعَان بُطْرُس ذ يجّن ن ڒْعَبْذ ن عِيْسَى لْمَسِيح ذ اَرَّسُوْل نّس. تْسكِّيغ-د ثَبْرَات-أَ إِ يِنِّي يقبْڒن نّفْس لْإِيمَان اَم ونِّي إِي نقْبڒ نشِّين س صُّلْح نِّي ن أَربِّـي ذ عِيْسَى لْمَسِيح ونِّي إِي ذَانغ يسنْجَامن.

لواحي ن يوحنا 9:4

نَّان-اَسنْت وَار تْضيَّاعنْت اَربِيع ن ثْمُوْرْث ؤُڒَا ذ مِين يدْجَان ذ اَزيْزَا ؤُڒَا ذ ڒْشجُّوْر، غِير يوْذَان نِّي إِي وَار غَار يدْجِي شَا طَّابَع ن أَربِّـي خ ثنْيَارْث نْسن.