أيث-روما 3:9 - ثريفيث 2020

⁹ إِيوَا نشِّين أَيث-إِسْرَائِيل، مَا لْحَالَا نّغ حْسن زݣ يِوذَان نّغْنِي؟ لَّا، عمَّارْص! ننَّا قْبڒ قَا أَيث-إِسْرَائِيل ذ يِنِّي وَار يدْجِين شَا زِي أَيث-إِسْرَائِيل مَارَّا نݣَّا ڒْمُعْصِيّث.

أيث-روما 3:9 ပူးပေါင်းရင်းမြစ်များ

لوقا 7:39

أَفَرِّسِي نِّي إِي ث يعَرْضن وَامِي يࢲْرَا مَانَايَا ينَّا ذِي نّفْس نّس: وَانِيتَا مَعْلِيك ذ نَّبِي اَتَاف اَذ يسّن مِين ثعْنَا ثمْغَارْث-أَ إِي ث يتْحَاذَان، نتَّاث ثعْصَا أَربِّـي.

أيث-روما 1:18

فَا يمظْهَار-د وغْضَاب ن أَربِّـي زݣ وجنَّا خ مَارَّا شَّرّْ ذ ڒْبَاطڒ إِي تݣّن يِوْذَان يعْنِي يِنِّي يتْبطَّاڒن لْحَقِيقَا س شَّرّْ نْسن.

أيث-روما 11:32

لِأَنَّا نتَّا أَربِّـي يَارَّا يوْذَان مَارَّا ذ يمحْبَاس ن ڒْمُعْصِيّث حمَا اَثن يرْحم مَارَّا إِذْسن.

أيث-روما 11:7

إِذن، مِيخف رزُّوْن أَيث-إِسْرَائِيل وَار ث ؤُفِين شَا، يِنِّي يتْوَاخْضَرن ؤُفِين-ث. يِنِّي يقِّيمن، ؤُڒَاون نْسن تْوَاقْسْحن.

أيث-روما 2:1

إِذن آي اَرْيَاز، شك مڒَا تْعيَّابذ خ يِوْذَان، أَتَاف وَار غَارك بُو ڒْحَقّ مِين مَا ثعْنِيذ. لِأَنَّا خْمِي تْعيَّابذ خ شَان يِجّن، تْعيَّابذ خ يِيخف نّش، مَايمِّي؟ لِأَنَّا شك تݣّذ كِيف-كِيف مَامّش تݣّن نِثْنِي!

أيث-روما 3:1

إِيوَا يسْرَائِيلِيْين، مَا غَارْسن شَان نّْفَع خ يِنِّي وَار يدْجِين شَا زِي أَيث-إِسْرَائِيل؟ عَاوذ طَّهَارث، مَا ذَايس شَان نّْفَع؟

أيث-روما 3:19

فَا نشِّين نسّن بلِّي مَارَّا مِين ذَايس ذِي شَّرِيعَا ن مُوْسَى تْوصَّا يِنِّي غَار ثدْجَا شَّرِيعَا-يَا بَاش ؤُڒَا ذ يجّن وَار غَارس يتِيڒِي بُو لْعُدر. أُو مَارَّا يِنِّي يدْجَان ذِي دُّنشْت-أَ اَذ يڒِين سْوَادَّاي ن لْحِسَاب ن أَربِّـي.

أيث-روما 3:5

فَا مڒَا ڒْبَاطڒ نّغ إِي نْتݣّ يسْمظْهَار-د ڒْحَقّ ن أَربِّـي، مِين غَا نِينِي؟ (نش سَّاوَاڒغ عْلَاحْسَاب لْفِكْرَا ن بْنَاذم.) أَربِّـي، مَا يضدْجم-اَنغ خْمِي ذَانغ يتْعَاقَاب؟

أيث-روما 6:15

إِيوَا نشِّين مَا أَ نعْصَا أَربِّـي خْمِي اَقَانغ سْوَادَّاي ن اَرْضَا نّس وَار ندْجِي شَا سْوَادَّاي ن وفُوْس ن شَّرِيعَا؟ لَّا، عمَّارْص!

أيث-روما 7:14

فَا نشِّين نسّن شَّرِيعَا ن مُوْسَى زِي أَربِّـي، وَلَكِن نش ذ بْنَاذم تْوَامّنْزغ إِ ڒْمُعْصِيّث.

1 أيث-كورينث 10:19

مِين خْسغ نش اَذ ينِيغ؟ مَا قَّارغ بلِّي لْمَكْلَا نِّي يتْقدَّامن إِ لْأَصْنَام نتَّاث ذ شَا ن ڒْحَاجث؟ نِغ قَّارغ بلِّي لْأَصْنَام نِثْنِي ذ شَا ن ڒْحَاجث؟

1 أيث-كورينث 14:15

إِيوَا مِين غَا ݣّغ؟ أَذ ࢲَّادْجغ س اَرُّوْح ينُو، أَذ ࢲَّادْجغ عَاوذ س ڒَعْقڒ ينُو. أَذ غنّْجغ س اَرُّوْح ينُو، أَذ غنّْجغ عَاوذ س ڒَعْقڒ ينُو.

1 أيث-كورينث 4:7

شك، وِي ش يسْشنْعن خ ونّغْنِي؟ كُڒ ڒْحَاجث إِي غَارك ثمُّوْش-اَش نِغ لَّا؟ ئِي شك، وَامِي يمُّوْش-اَش مَانَاينِّي مَايمِّي تفْتَخَرذ اَخْمِي وَار ذَاش يمُّوْش شَا؟

أيث-ݣلاطيا 3:10

شُوْف، مَارَّا يِنِّي يتْعوَّاڒن خ طَّاعَا ن شَّرِيعَا ن مُوْسَى تْوَانَعّْڒن. مَايمِّي؟ ڒَاحقَّاش لْكِتَاب يقَّار: <تْوَانَعّْڒن مَارَّا يِنِّي وَار يخدّْمن شَا زِي مَارَّا ثِمسْڒَايِين إِي يُوْرِين ذِي شَّرِيعَا وَار زَّايْسنْت تݣّن شَا!>

أيث-ݣلاطيا 3:22

وَلَكِن لَّا، لْكِتَاب يقَّار بلِّي مَارَّا مِين يدْجَان نتَّا اَمشْنَاو اَمحْبُوْس ن ڒْمُعْصِيّث. مَايمِّي؟ بَاش مِين يوْعذ اَذ يمُّوْش س لْإِيمَان زِي عِيْسَى لْمَسِيح إِ يِنِّي إِي غَا يَامْنن.

أيث-فيليـپـي 1:18

وَلَكِن مَعْلِيش، س ثْنَاين ن يبْرِيذن-أَ لْمَسِيح يتْوَابشَّار. ذ مَانَاينِّي إِي يدْجَان مُهِم وَاخَّا س وُوْڒ إِي يدْجَان ذ اَغدَّار نِغ س وُوْڒ إِي يدْجَان يصْفَان. أُو س مَانَاينِّي إِي زِي فَرْحغ نش. وَاه، أَذ قِّيمغ نش فَرّْحغ.