أيث-روما 3:4 - ثريفيث 2020

⁴ عمَّارْص! ڒَاحقَّاش أَربِّـي يقّار لْحَقِيقَا وَاخَّا يوْذَان مَارَّا سْخرِّيقن. مَامّش يقَّار لْكِتَاب: <أَوَاڒن نّش اَذ يڒِين صحَّان، شك اَذ تْربْحذ خْمِي غَا تْوَاحكْمذ.>

أيث-روما 3:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:19

يُوْسَا-د مِّيس ن بْنَاذم يتتّ يسسّ وَار يتْࢲُوْمِّي شَا، نَّان قَا وَانِيتَا يتتّ يسسّ اَطَّاس، عَاوذ نتَّا ذ اَمدُّوْكڒ ن يعشَّارن ذ يِنِّي يعصَّان. إِنَّمَا، ڒفْهَامث ن أَربِّـي قبّْڒن-تث مَارَّا يِنِّي يفهّْمن."

لوقا 20:16

أَذ د يَاس نتَّا س يِيخف نّس اَذ ينغ يخمَّاسن نِّي مَارَّا، أَذ يجّ اَمَرْجع نِّي وضِيڒ إِ ينّغْنِي." وَامِي سْڒِين إِ مَانَايَا نَّان: "أَربِّـي يسْتَر!"

يوحنا 3:33

ونِّي يقبّْڒن شْهَاذث نّس، أَتَاف يتْحَقّق بلِّي أَربِّـي ذ لْحَقِيقَا إِݣ يدْجَا.

أيث-روما 11:1

إِيوَا تْسقْسِيغ نش، أَربِّـي مَا ينْكَر شَّعْب نّس؟ لَّا، عمَّارْص! نش س يِيخف ينُو ذ اَئِسْرَائِيلِي، زِي دُّوْرِّيث ن بْرَاهِيم زِي أَيث-بنْيَامِين.

أيث-روما 11:11

إِيوَا تْسقْسِيغ، أَيث-إِسْرَائِيل مَا صَافِي نْقڒْظن وضَان؟ لَّا، عمَّارْص! لْعَكْس، س ڒْمُعْصِيّث-أَ ن أَيث-إِسْرَائِيل يسنْجم أَربِّـي يِنِّي وَار يدْجِين شَا زِي أَيث-إِسْرَائِيل بَاش اَذ تكَّر لْغِرَا ذِي أَيث-إِسْرَائِيل.

أيث-روما 3:31

إِذن، مَا أَ نسْبطّڒ شَّرِيعَا س لإِيمَان-أَ؟ عمَّارْص! لَّا، نشِّين نتْحَامَا شَّرِيعَا.

أيث-روما 6:15

إِيوَا نشِّين مَا أَ نعْصَا أَربِّـي خْمِي اَقَانغ سْوَادَّاي ن اَرْضَا نّس وَار ندْجِي شَا سْوَادَّاي ن وفُوْس ن شَّرِيعَا؟ لَّا، عمَّارْص!

أيث-روما 6:2

لَّا، عمَّارْص! نشِّين نمُّوْث-اَس إِ ڒْمُعْصِيّث، ئِخصَّا-يَانغ ڒخُّو وَار نتْسِيغِي شَا أَ نْعِيش ذَايس.

أيث-روما 7:13

إِيوَا، مَا يذْوڒ مِين يصبْحَان ذ سَّبَاب إِي زِي غَا مّْثغ نش؟ لَّا، عمَّارْص! لْعَكْس، ذ ڒْمُعْصِيّث إِي يݣِّين مَانَاينِّي، ثسْخدَّام مِين يصبْحَان حمَا اَذَايِي ثْنغ. مَايمِّي؟ حمَا اَذ تسْمظْهَار يخف نّس نتَّاث ذ ڒْمُعْصِيّث. ثُمَّا س لْفُرْصَا ن ڒُوْصِيّث-أَ ڒْمُعْصِيّث ثسْمظْهَار-د بْڒَا ڒَاحدّ مشْحَاڒ يقْبح شَّرّْ نّس.

أيث-روما 7:7

إِيوَا مِين غَا نِينِي؟ مَا شَّرِيعَا ن مُوْسَى نتَّاث س يِيخف نّس ذ يجّن ن ڒْمُعْصِيّث؟ لَّا، عمَّارْص! مَعْلِيك شَّرِيعَا وَار ثدْجِي، أَتَاف وَار سِّينغ مِين ثعْنَا ڒْمُعْصِيّث. مَعْلِيك وَار ذَايس ڒُوْصِيّث نِّي <وَار عشّق>، أَتَاف وَار سِّينغ مِين يعْنَا وعشَّاق.

أيث-روما 9:14

مِين غَا نِينِي خ مَانَايَا؟ مَا أَربِّـي يضدْجم؟ لَّا، عمَّارْص!

1 أيث-كورينث 6:15

مَا وَار ثسِّينم شَا بلِّي دَّات نْوم نتَّاث ذ طْرُوْفَاث ن دَّات ن لْمَسِيح؟ إِيوَا طْرُوْفَاث-أَ، مَا ٱثنْت يْسِيغ اَثنْت سْمُوْنغ اَكذ لْفَسْدَاث؟ لَّا، عمَّارْص!

22 أيث-كورينث 1:18

أَم أَربِّـي ذَايس تِّقث نتَّا، نشِّين عَاوذ قَا اَوَاڒ نّغ إِ كنِّيو وَار يدْجِي بُو ذ وَاه اَكذ لَّا.

أيث-ݣلاطيا 2:17

فَا نشِّين نْرزُّو أَ نمْصْڒَاح اَك أَربِّـي س لْإِيمَان زِي لْمَسِيح. مڒَا س مَانَايَا منْبَعْد نُوْفَا يخف نّغ اَم ڒݣْنُوْس يعصَّان زَعْمَا، مَا اَتَاف لْمَسِيح يتْشجَّاع-اَنغ غَار ڒْمُعْصِيّث؟ لَّا، عمَّارْص!

أيث-ݣلاطيا 2:21

نش ؤُݣِيغ اَذ سْبطّْڒغ اَرْضَا ن أَربِّـي. شُوْف، مَعْلِيك بْنَاذم يمصْڒَاح اَك أَربِّـي س شَّرِيعَا ن مُوْسَى، أَتَاف يمُّوْث لْمَسِيح خ ڒْبَاطڒ وَاهَا.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

ثبرات غار تيتوس 1:2

لْإِيمَان-أَ ذ ثُوْسْنَا-يَا ثْبدَّا خ لْأَمَال ن ثُوْذَارْث نِّي وَار يفنِّين عمَّارْص، ثنِّي إِي زِي يوْعذ أَربِّـي يعْنِي ونِّي وَار يسْخرِّيقن شَا. ئِوْعذ س ثُوْذَارْث نِّي قْبڒ مَا ٱذ بْذَان زْمَانَاث قَاع.

يعيبرانيين 6:18

ثْنَاين ن ثْمسْڒَايِين-أَ وَار تْوَابدِّيڒنْت شَا، أَربِّـي وَار يزمَّر اَخَاسنْت يسْخَرّق. زِي ثْنَاين ن ثْمسْڒَايِين-أَ اَزَّايْسنْت إِي غَا نتْوَاشجّع نشِّين إِي نَرْوڒ بَاش اَغَارس نْنُوْفَّر. زَّايْسنْت إِي غَا نطّف س جّْهذ ذِي لْأَمَال إِي ذَانغ يتْوَابشَّرن.

1 يوحنا 5:10

ونِّي غَا يَامْنن زِي مِّيس ن أَربِّـي اَتَاف اَغَارس ثِيڒِي شْهَاذث-أَ ذݣ وُوْڒ نّس. ونِّي وَار يُوْمِينن شَا زِي شْهَاذث-أَ ن أَربِّـي اَتَاف اَث يَارّ ذ بُو-يخَرِّيقن وَاهَا ڒَاحقَّاش نتَّا وَار يُوْمِين شَا زِي شْهَاذث-أَ إِݣ يشْهذ عْلَاحْسَاب مِّيس.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش: