أيث-روما 3:28 - ثريفيث 2020

²⁸ مَايمِّي؟ ڒَاحقَّاش نشِّين غَارْنغ بلِّي بْنَاذم يسمْصْڒَاح-يث أَربِّـي اَكِذس س لإِيمَان نّس بْڒَا لْحَسَانَاث ن شَّرِيعَا.

أيث-روما 3:28 ပူးပေါင်းရင်းမြစ်များ

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

يوحنا 6:40

مِين يخس بَابَا؟ يخس بلِّي كُڒ ونِّي يࢲْرِين مِّيس يُوْمن زَّايس، أَغَارس ثِيڒِي ثُوْذَارْث ن ڒبْدَا نش اَثِيذ سكَّرغ ذِي نْهَار اَنݣَّارُو."

أيث-روما 3:26

حمَا ٱذ د يسْمظْهَار ذِي زْمَان-أَ ڒْحَقّ نّس. لِأَنَّا أَربِّـي نتَّا نِيشَان إِݣ يدْجَا، نتَّا يسمْصْڒَاح اَكِذس ونِّي غَا يَامْنن زِي عِيْسَى.

أيث-روما 4:5

ونِّي وَار يتْوكِّيڒن خ ڒخْذَايم إِݣ يتݣّ، ئِتْوكِّيڒ خ أَربِّـي يتَارَّان لْعَاصِي غَار وبْرِيذ، وَانِيتَا يسمْصْڒَاح-يث أَربِّـي اَكِذس س لإِيمَان إِي ذَايس.

أيث-روما 5:1

إِذن فَا وَامِي ذَانغ يسمْصْڒَاح أَربِّـي اَكِذس س لْإِيمَان نّغ اَقَانغ ذِي ڒهْنَا اَك أَربِّـي خ وفُوْس ن سِيذِيثْنغ عِيْسَى لْمَسِيح.

أيث-روما 8:3

شُوْف، أَربِّـي يݣَّا مِين وَار ثْزمَّر اَذ تݣّ شَّرِيعَا ن مُوْسَى، مَايمِّي؟ عْلَاحْسَاب ضُّعف ن دَّات نّغ إِي ذَاس يكّْسن جّْهذ إِ شَّرِيعَا. أَربِّـي، وَامِي إِي د يسّكّ مِّيس يمثّل-يث-يذ اَم دَّات ن بْنَاذم يعْصَان، ئِسّكّ-يث-يذ ذ لْفِدْيَا خ ڒْمُعْصِيّث نّغ. أَمُّو يحَاسب يعَاقب ڒْمُعْصِيّث إِݣ يدْجَان ذِي دَّات ن بْنَاذم

1 أيث-كورينث 6:11

أَمُّو إِي تُوْغَا تݣّن ڒبْعَاض زَّايْوم، وَلَكِن ڒخُّو تْوَاسِيرْذم، تْوَاسِّيصْفَام، تْوَاسمْصْڒَاحم اَك أَربِّـي س يِيسم ن سِيذِيثْنغ عِيْسَى لْمَسِيح أُو س اَرُّوْح ن أَربِّـي نّغ.

أيث-ݣلاطيا 2:16

إِنَّمَا، نسّن بلِّي بْنَاذم وَار يتْوَاسمْصْڒَاح شَا اَك أَربِّـي يعْنِي مڒَا يطَاع إِ شَّرِيعَا ن مُوْسَى؛ لَّا، مَانَايَا إِلَّا س لْإِيمَان زِي عِيْسَى لْمَسِيح. خ مَانَايَا ؤُڒَا ذ نشِّين نُوْمن زِي عِيْسَى لْمَسِيح بَاش أَ نمْصْڒَاح اَك أَربِّـي س لْإِيمَان نِّي إِي زِي نُوْمن، مَاشِي س طَّاعَا ن شَّرِيعَا ن مُوْسَى. لِأَنَّا ؤُڒَا ذ يجّن ن بْنَاذم وَار يتْوَاسمْصْڒَاح شَا اَك أَربِّـي س طَّاعَا ن شَّرِيعَا نِّي.

أيث-ݣلاطيا 3:24

س مَانَاينِّي شَّرِيعَا ن مُوْسَى تُوْغَا تْربَّا-يَانغ حتَّا ٱڒ وَامِي د يُوْسَا لْمَسِيح أُو سّنِّي إِي غَا نْمصْڒَاح اَك أَربِّـي س لْإِيمَان.

أيث-ݣلاطيا 3:8

زِي قْبڒ يخْبَار-د أَربِّـي ذِي لْكِتَاب اَذ يسْمصْڒَاح اَكِذس س لْإِيمَان يِنِّي وَار يدْجِين شَا زِي أَيث-إِسْرَائِيل. عْلَاحْسَاب مَانَاينِّي يبشَّر زِي قْبڒ بْرَاهِيم س لإِنْجِيل ينَّا-ٱس قَا اَذ تْوَابَرْكن مَارَّا ڒݣْنُوْس خ سَّبَاب نّش.

أيث-ؤفسوس 2:9

مَانَايَا مَاشِي عْلَاحْسَاب لْحَسَنَاث نْوم لَّا، بَاش ؤُڒَا ذ يجّن وَار يتفْتَخَر شَا زݣ يِيخف نّس.

أيث-فيليـپـي 3:9

حمَا اَذَايِي اَفن ذَايس بْڒَا شَا ن صُّلْح اَك أَربِّـي إِي د يتَاسن زَّايِي نش وَاهَا عْلَاحْسَاب شَّرِيعَا. لَّا، صُّلْح نِّي ينُو اَك أَربِّـي يتَاس-د س لْإِيمَان ينُو زِي لْمَسِيح، يعْنِي صُّلْح نِّي يتَاس-د زِي أَربِّـي يتَاس-د س لْإِيمَان.

ثبرات غار تيتوس 3:7

حمَا أَ نْوَارث زَّايس، أَغَارْنغ يِيڒِي يجّن ن لْأَمَال ن ثُوْذَارْث ثنِّي وَار يفنِّين شَا لِأَنَّا نْمصْڒَاح اَك أَربِّـي س اَرْضَا نّس.

ثبرات غار يعقوب 2:18

ئِمْكن شَان يِجّن اَذ يِينِي: "إِيوَا شك ذَايش لْإِيمَان نّش، نش غَارِي ڒخْذَايم ينُو." نش قَّارغ: "شك سْبيّن-اَيِي-د مَامّش يݣَّا لْإِيمَان نّش بْڒَا ڒخْذَايم نّش، نش اَذَاش سْبيّْنغ مَامّش يݣَّا لْإِيمَان ينُو س ڒخْذَايم ينُو."

ثبرات غار يعقوب 2:20

آي اَرْيَاز، شك ثْقفْڒذ! مَا نش اَذَاوم د سْبيّْنغ بلِّي لْإِيمَان بْڒَا ڒخْذَايم وَار ذَايس بُو نّْفَع؟

ثبرات غار يعقوب 2:24

كنِّيو يسْبيّن-اَوم-د أَربِّـي يحسّب بْنَاذم نِيشَان مَاشِي غِير س لْإِيمَان نّس أُو صَافِي، ؤُڒَا س ڒخْذَايم نّس.