أيث-روما 3:20 - ثريفيث 2020

²⁰ فَلِهَذَا، ؤُڒَا ذ يجّن ن بْنَاذم وَار يزمَّر اَذ يمصْڒَاح اَك أَربِّـي س ڒخْذَايم إِي ذَايس ذِي شَّرِيعَا؛ لَّا، شَّرِيعَا ثسْبيَّان-اَنغ-د مِين ثعْنَا ڒْمُعْصِيّث.

أيث-روما 3:20 ပူးပေါင်းရင်းမြစ်များ

أيث-روما 2:13

لِأَنَّا يوْذَان وَار تْمصْڒِيحن شَا اَك أَربِّـي مڒَا تْصنَّاطن وَاهَا إِ وَاوَاڒ ن شَّرِيعَا؛ لَّا، يِنِّي يتݣّن اَرَّاي س مِين ذَايس ذِي شَّرِيعَا، أَتَاف ذ يِنِّي إِي يتْمصْڒَاحن اَك أَربِّـي.

أيث-روما 3:28

مَايمِّي؟ ڒَاحقَّاش نشِّين غَارْنغ بلِّي بْنَاذم يسمْصْڒَاح-يث أَربِّـي اَكِذس س لإِيمَان نّس بْڒَا لْحَسَانَاث ن شَّرِيعَا.

أيث-روما 4:13

ڒْعَهذ إِي زِي يوْعذ أَربِّـي بْرَاهِيم ذ دُّوْرِّيث نّس حمَا اَذ يوَارث نتَّا دُّنّشْت. ڒْعَهذ نِّي وَار د يُوْسِي شَا س شَّرِيعَا، يُوْسَا-د س لإِيمَان نِّي إِݣ يسمْصْڒَاحن يوْذَان اَك أَربِّـي.

أيث-روما 4:15

أَقَا شَّرِيعَا ن مُوْسَى تَاوِي-د لْعِقَاب ن أَربِّـي. وَلَكِن مَانِي وَار تِيڒِي شَا شَّرِيعَا وَار تِيڒِي شَا ذِنِّي ڒْمُعْصِيّث.

أيث-روما 5:13

أَقَا ڒْمُعْصِيّث تُوْغَا ثدْجَا ذِي دُّنشْت قْبڒ مَا ٱذ د ثَاس شَّرِيعَا. وَلَكِن مَانِي وَار ثُوْوِيض شَا شَّرِيعَا، أَربِّـي وَار ذِنِّي يتْحِيسِيب بُو ڒْمُعْصِيّث.

أيث-روما 5:20

أُو شَّرِيعَا نتَّاث ثُوْذف-د حمَا ٱذ كْثَارنْت ڒْمُعْصِيَاث. وَلَكِن شْحَاڒ مَا كْثَارنْت ڒْمُعْصِيَاث، أَرْضَا ن أَربِّـي يكْثَار كْتَار زَّايسنْت.

أيث-روما 7:11

لِأَنَّا ڒْمُعْصِيّث ثُوْفَا ذَايِي لْفُرْصَا س ڒُوْصِيّث-أَ ثشْمث-اَيِي أُو عَاوذ زَّايس زِي ڒُوْصِيّث-أَ ثْنغ-اَيِي.

أيث-روما 9:32

مَايمِّي؟ لِأَنَّا تُوْغَا رزُّوْن صُّلْح نِّي س ڒخْدَايم نْسن وَاهَا بْڒَا مَا ٱذ اَمْنن. نْقڒْظن ذݣ وزْرُو نِّي إِي ذِي تْنقْڒَاظن يِوْذَان.

1 أيث-كورينث 15:56

أَقَا ڒْموْث ثِيقّسْت نّس تَاس-د زِي ڒْمُعْصِيّث. قَا ڒْمُعْصِيّث ثِزمَّار نّس تَاس-د زِي شَّرِيعَا.

أيث-ݣلاطيا 2:16

إِنَّمَا، نسّن بلِّي بْنَاذم وَار يتْوَاسمْصْڒَاح شَا اَك أَربِّـي يعْنِي مڒَا يطَاع إِ شَّرِيعَا ن مُوْسَى؛ لَّا، مَانَايَا إِلَّا س لْإِيمَان زِي عِيْسَى لْمَسِيح. خ مَانَايَا ؤُڒَا ذ نشِّين نُوْمن زِي عِيْسَى لْمَسِيح بَاش أَ نمْصْڒَاح اَك أَربِّـي س لْإِيمَان نِّي إِي زِي نُوْمن، مَاشِي س طَّاعَا ن شَّرِيعَا ن مُوْسَى. لِأَنَّا ؤُڒَا ذ يجّن ن بْنَاذم وَار يتْوَاسمْصْڒَاح شَا اَك أَربِّـي س طَّاعَا ن شَّرِيعَا نِّي.

أيث-ݣلاطيا 2:19

عْلَاحْسَاب شَّرِيعَا ن مُوْسَى نتَّاث س يِيخف نّس، نش مُّوْثغ زَعْمَا إِ ڒحْكَام ن شَّرِيعَا-يَا خَافِي بَاش اَذ دَّرغ إِ أَربِّـي وَاهَا.

أيث-ݣلاطيا 5:4

كنِّيو إِي يرزُّوْن صُّلْح س شَّرِيعَا نِّي اَك أَربِّـي، أَقَا ثتْوَاحَرّْمم زِي لْمَسِيح ثْبعّْذم خ اَرْضَا نّس.

يعيبرانيين 7:19

ئِفّغ-د يجّن لْأَمَال حْسن زِي ڒُوْصِيّث نِّي، زَّايس إِي غَا نْقَارّب غَار أَربِّـي ڒَاحقَّاش شَّرِيعَا ن مُوْسَى وَار د تَارِّي ؤُڒَا ذ يجّن ڒْحَاجث وَار ذَايس بُو ڒْعِيب.