أيث-روما 3:2 - ثريفيث 2020

² وَاه، اَطَّاس ن نّْفَع! ذ اَمزْوَارُو، يجَّا-ٱسن-د أَربِّـي اَوَاڒ نّس ذ لْأَمَانَا.

أيث-روما 3:2 ပူးပေါင်းရင်းမြစ်များ

يوحنا 5:39

ثْرزُّوم ذِي لْكُتُب كنِّيو تْغِير-اَوم ذَايْسن ثُوْذَارْث ن ڒبْدَا. إِيوَا ؤُڒَا ذ يِيْنَا شهّْذن خَافِي.

ڒخذايم 7:38

ذ نتَّا مُوْسَى إِي يݣُّوْرن اَك جْمَاعث ن أَيث-إِسْرَائِيل إِݣ يمُوْنن ذِي صَّحْرَا. ذ نتَّا مِيكذ ثسِّيوڒ لْمَلَائِكَا خ وذْرَار ن سِينَا ذ ڒجْذُوْذ نّغ. ذ نتَّا إي خف د هْوَان وَاوَاڒن يدَّرن حمَا اَذَانغ ثن يُوْش.

أيث-روما 1:2

لْإِنْجِيل-أَ إِي زِي يوْعذ أَربِّـي ذِي زْمَان س يِيڒس ن لْأَنْبِيَا نّس ذِي لْكِتَاب لْمُقدّس.

أيث-روما 2:18

مڒَا شك ثسّْنذ مِين يخس أَربِّـي، ثسّْنذ عَاوذ اَذ تِيخْضَرذ مِين يدْجَان نِيشَان لِأَنَّا شَّرِيعَا ن مُوْسَى ثسْفهَّام-يش.

أيث-روما 3:1

إِيوَا يسْرَائِيلِيْين، مَا غَارْسن شَان نّْفَع خ يِنِّي وَار يدْجِين شَا زِي أَيث-إِسْرَائِيل؟ عَاوذ طَّهَارث، مَا ذَايس شَان نّْفَع؟

أيث-روما 3:3

إِيوَا مڒَا ڒبْعَاض زَّايْسن وَار ؤُمِينن شَا، مَا س لْكُفر نْسن إِي زِي غَا يسْبطّڒ أَربِّـي ڒْعَهذ نّس؟

أيث-روما 9:4

نِثْنِي ذ أَيث-إِسْرَائِيل، يتْبنَّا-ثن سِيذِي أَربِّـي. ئِسْمظْهَار-اَسن-د لْعَظَمَا نّس، ئِعَاهذ-يثن، يُوْشَا-اَسن شَّرِيعَا ن مُوْسَى ذ لْعِبَادَا، يوْعذ-يثن.

1 أيث-كورينث 9:17

مڒَا بشَّرغ س ڒْخَاضَر ينُو، أَتَاف اَذَايِي يجَازَا أَربِّـي. مڒَا وَار يدْجِي بُو س ڒْخَاضَر ينُو، يعْنِي اَتَاف تݣّغ يجّن ن لْمسْؤُلِيَا بزّز خَافِي وَاهَا.

22 أيث-كورينث 5:19

يعْنِي أَربِّـي يݣَّا ذِي لْمَسِيح بَاش اَذ يسمْصْڒَاح يوْذَان اَكِذس، وَار خَاسن يحسّب شَا ڒْمُعْصِيَاث نْسن. عَاوذ أَربِّـي يكلّف خَانغ اَوَاڒ-أَ وَانِيتَا ن صُّلْح.

أيث-ݣلاطيا 2:7

وَلَكِن مِين ؤُفِين؟ ؤُفِين يكلّف-اَيِي أَربِّـي بَاش اَذ بشَّرغ إِ ييُوْنَانِيْين مَامّش يكلّف بُطْرُس بَاش اَذ يبشَّر إِ أَيث-إِسْرَائِيل.

1 تيموتاوس 6:20

آ تِيْمُوْتَاوُس، حْضَا مِينْخف تْكلَّافذ قْبڒ. أَوْݣّْوج زِي مِين تْپـرْپِـيرن يِنِّي وَار يُوْمِينن شَا ذ لْأَفْكَار نِّي إِي ذَانغ يتْعَارَّاضن قَّارن-اَس لْعَرْفَانِيَا وَلَكِن مَانَاينِّي ذ يخَرِّيقن وَاهَا.

يعيبرانيين 5:12

شُوْف، وَا لَابُد كنِّيو ڒخُّو اَذ تِيڒِيم ذ يمْسڒْمَاذن وَلَكِن عَاذ يتْخصَّا-يَاوم يجّن اَكنِّيو يسْغَر س ثْغُوْرِي نِّي ثَمزْوَارُوْت زݣ وَاوَاڒ ن أَربِّـي. كنِّيو تحْذَاجَام اَغِي وَاهَا، مَاشِي لْمَكْلَا ذ صَّح.

1 بطرس 4:11

ونِّي ؤُمِي يمُّوْش اَذ يسِّيوڒ يتْخصَّا-يَاس اَذ يسِّيوڒ اَم ونِّي يسَّاوَاڒن اَوَاڒن ن أَربِّـي. ونِّي ؤُمِي يمُّوْش اَذ يخْذم يتْخصَّا-يَاس اَذ يخْذم اَم ونِّي يخدّْمن س جّْهذ إِݣ يتِيشّ أَربِّـي. حمَا س مَارَّا ثِمسْڒَايِين-أَ اَذ يتْوَاحْمذ أَربِّـي س وفُوْس ن عِيْسَى لْمَسِيح. أَغَارس ثِيڒِي لْعَظَمَا ذ ڒحْكَام إِ ڒبْدَا ن ڒبْدَاث. آمِين.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."

لواحي ن يوحنا 22:6

ينَّا-ٱيِي لْمَلَاك ونِّي: "أَوَاڒن-أَ ذَايْسن ڒَامَان ذَايْسن ڒْحَقّ. أَربِّـي نتَّا ذ مَوْلَانَا إِي د يسهْوَان لْوَاحِي خ لْأَنْبِيَا، ئِسّكّ-د لْمَلَاك نّس حمَا اَذ د يسْمظْهَار إِ يِنِّي ث يعبّْذن مِين لَابُد غَا يوقْعن عْڒَاين."