أيث-روما 2:9 - ثريفيث 2020

⁹ أَذ يِيڒِي ؤُزِيَّار ذ تَمَارَا خ كُڒ بْنَاذم يتݣَّن سَّيِّئَاث، خ يِنِّي زِي أَيث-إِسْرَائِيل ذ يمزْوُوْرَا عَاذ ذ يِنِّي وَار يدْجِين شَا زِي أَيث-إِسْرَائِيل.

أيث-روما 2:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 16:26

مِينْزِي غَا ينْفع بْنَاذم مڒَا يرْبح دُّنشْت-أَ قَاع وَا يخْسَر ڒَعْمَر نّس؟ مِين غَا يُوْش بْنَاذم ذݣ ومْشَان ن ڒَعْمَر نّس؟

لوقا 24:47

أَذ بشَّرن مَارَّا ڒݣْنُوْس حمَا اَذ تُوْبن اَذ تْوَاغْفَرنْت ڒْمُعْصِيَاث نْسن س يِيسم ن لْمَسِيح. أَذ يبْذَا مَانَايَا ذِي لْقُدْس.

ڒخذايم 11:18

يِنِّي يحْضَارن وَامِي سْڒِين إِ وَاوَاڒ-أَ، سْقَارن حمْذن أَربِّـي نَّان: "خْيَار، ؤُڒَا ذ يِنِّي وَار يدْجِين شَا زِي أَيث-إِسْرَائِيل يُوْشَا-ٱسن أَربِّـي تُّوْبَا اَغَارْسن ثِيڒِي ثُوْذَارْث!"

ڒخذايم 13:26

ينَّا-ٱسن بُوْلُس: "آي اَيثْمَا، آ ثَارْوَا ن بْرَاهِيم، آي يِنِّي يتݣّْوْذن أَربِّـي! قَا ذ نشِّين ؤُمِي د يسّكّ أَربِّـي اَوَاڒ-أَ إِي زِي غَا ننْجم.

ڒخذايم 20:21

عدْجْمغ إِ يسْرَائِيلِيْين ذ ييُوْنَانِيْين بَاش اَذ تُوْبن غَار أَربِّـي اَذ اَمْنن س سِيذِيثْنغ عِيْسَى.

ڒخذايم 26:20

لَّا، تْبشَّارغ ذ اَمزْوَارُو يمزْذَاغ ن ثنْدِينْت ن دِمَشق، عَاذ ذ يمزْذَاغ ن ثتْدِينْت ن لْقُدْس ذ مَارَّا جْوَايه ن ثْمُوْرْث ن يَهُوْذِيَا، ذ اَنݣَّارُو مَارَّا يِنِّي وَار يدْجِين شَا زِي أَيث-إِسْرَائِيل. تْبشَّارغ-ثن اَذ تُوْبن اَذ ذوْڒن غَار أَربِّـي، أَذ خذْمن ڒخْذَايم ن تُّوْبَا يدْجَان ن صَّح.

ڒخذايم 28:17

ثعْذُو ثڒْتِيَّام، يڒَاغَا-د بُوْلُس خ يمقّْرَانن ن أَيث-إِسْرَائِيل. وَامِي د مُوْنن ينَّا-ٱسن: "آي اَيثْمَا، نش وَار ݣِّيغ وَالُو ضد إِ شَّعْب نّغ نِغ ضد إِ لْعَادَاث ن ڒجْذُوْذ نّغ. وَاخَّا اَمنِّي طّْفن-اَيِي ذِي لْقُدْس سلّْمن-اَيِي إِ يفَاسّن ن اَرُّوْمَانُوْس.

ڒخذايم 28:28

إِيوَا يتْخصَّا اَذ تسّْنم ؤُڒَا ذ يِنِّي وَار يدْجِين شَا ذ يسْرَائِيلِيْين أَربِّـي اَثن يسنْجم، نِثْنِي اَذَاس سْڒن."

ڒخذايم 3:26

وَامِي ذَاوم د يُوْشَا أَربِّـي اَخدَّام نّس عِيسَى، ذ اَمزْوَارُو يسّكّ-اَوم-ث-يذ إِ كنِّيو بَاش اَكنِّيو يبَرك، يعْنِي اَذ يسْبعّذ مْكُڒ يجّن زَّايْوم خ شَّرّْ نّس."

أيث-روما 1:16

أَقَا نش وَار تْسذْحِيغ شَا زِي لْإِنْجِيل لِأَنَّا لْإِنْجِيل ذ جّْهذ نِّي إِݣ يسْخدَّام أَربِّـي بَاش اَذ يسنْجم مَارَّا وِي غَا يَامْنن: أَيث-إِسْرَائِيل ذ يمزْوُوْرَا ثُمَّا يِنِّي وَار يدْجِين شَا زِي أَيث-إِسْرَائِيل.

أيث-روما 10:12

لِأَنَّا وَار ذِنِّي بُو ڒْفَارْق جَار يئِسْرَائِيليْين ذ يِنِّي وَار يدْجِين شَا زِي أَيث-إِسْرَائِيل مِينْزِي سِيذِي أَربِّـي ذ يجّن، أَقَاث خَانغ مَارَّا. ئِتنْفيَّاض-د ڒْخِير نّس خ مَارَّا ونِّي خَاس يتْڒَاغَان.

أيث-روما 2:10

وَلَكِن اَذ تِيڒِي لْهِمَّا ذ ؤُوقَّار ذ ڒهْنَا إِ مَارَّا يِنِّي يتݣَّن لْحَسَنَاث، أَيث-إِسْرَائِيل ذ يمزْوُوْرَا عَاذ ذ يِنِّي وَار يدْجِين شَا زِي أَيث-إِسْرَائِيل.

أيث-روما 8:35

وِي ذَانغ غَا يعزْڒن زِي ڒمْحِبّث ن لْمَسِيح؟ ؤُڒَا ذ يجّن! ڒَا ذ اَزيَّار، ڒَا ذ تَمَارَا، ڒَا ذ اَعدّب، ڒَا ذ بُوْهيُّوْف، ڒَا ذ ثُوْعَرْيَانْت، ڒَا ذ لْخَطَر، ؤُڒَا ذ سِّيف.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

2 أيث-سلونيك 1:6

أَربِّـي نتَّا ذ بَاب ن ڒْحَقّ، أَذ يعدّب س ڒمْحَاين يِنِّي إِي كنِّيو يتْمحَّانن،

1 بطرس 4:17

أَقَا ثُوْوض-د ڒْوقْث بَاش اَذ يبْذَا لْحِسَاب جَار اَيثْبَاب ن ثدَّارْث ن أَربِّـي. مڒَا اَذ يبْذَا لْحِسَاب-أَ جَارَانغ مِين غَا يوقْعن إِ يِنِّي وَار يتْطِيعِين شَا إِ لْإِنْجِيل ن أَربِّـي؟