أيث-روما 2:5 - ثريفيث 2020

⁵ وَلَكِن شك س ثْغنَّانْت-أَ إِي ذَايك ذ وُوْڒ نّش وَار يتُوْبن شَا تسْمُوْنِيذ اَغْضَاب إِ يِيخف نّش اَڒ يُوْم لْحِسَاب ذ لْعِقَاب، نْهَار إِي ذِي د غَا يمظْهَار ڒْحُكم ن أَربِّـي س ڒْحَقّ.

أيث-روما 2:5 ပူးပေါင်းရင်းမြစ်များ

أيث-روما 1:18

فَا يمظْهَار-د وغْضَاب ن أَربِّـي زݣ وجنَّا خ مَارَّا شَّرّْ ذ ڒْبَاطڒ إِي تݣّن يِوْذَان يعْنِي يِنِّي يتْبطَّاڒن لْحَقِيقَا س شَّرّْ نْسن.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 9:22

أَمنِّي إِݣ يݣَّا أَربِّـي. وَامِي يخس اَذ د يسْمظْهَار اَغْضَاب نّس اَذ د يسْبيّن جّْهذ إِي غَارس، ئِصبَّار اَطَّاس خ يِنِّي إِي خف يغْضب، يعْنِي يغرَّافن نِّي وجْذن اَذ تْوَارْزن.

22 أيث-كورينث 5:10

لِأَنَّا لَابُد أَ نْبدّ مَارَّا إِذْنغ زَّاث إِ لْعَرْش ن لْمَسِيح مَانِي إِي غَا نتْوَاحْكم. كُڒ يجّن اَث يجَازَا خ مِين يسْذَاهدْج عْلَاحْسَاب ثِمسْڒَايِين نِّي إِݣ يݣَّا وَامِي يزْذغ ذِي دَّات، ذ ثِصبْحَانِين نِغ ذ ثِعفَّانِين.

2 أيث-سلونيك 1:5

مَانَايَا ذ يجّن ن دَّلِيل بلِّي لْحُكم ن أَربِّـي يدْجَا نِيشَان، أُو س دَّلِيل-أَ اَكنِّيو يحْسب ثسْذَاهدْجم ڒْمُلْك نّس إِي خف ثْعدّْبم.

يعيبرانيين 3:13

لَّا، مڒَا نْزمَّر أَ نِيْنِي <نْهَارَا>، أَتَاف اَذ تْشجّْعم اَيَاوْيَا كُڒ نْهَار بَاش وَار ذِنِّي يتِيڒِي حَدّ زَّايْوم اَذ يذْوڒ يقْسح وُوْڒ نّس اَث تخْذع ڒْمُعْصِيْث نّس.

يعيبرانيين 3:15

مَامّش يقَّار لْكِتَاب: <نْهَارَا مڒَا ثسْڒِيم إِ صُّوْت نّس، وَار سقْسِيحث شَا ؤُڒَاون نْوم مَامش إِي ݣِّين أَيث-إِسْرَائِيل وَامِي ث عْصَان.>

يعيبرانيين 4:7

س مَانَايَا تُوْغَا يسجّل أَربِّـي يجّن ن ڒْوقْث نّغْنِي بَاش أَ نَاذف ذِي اَرَّاحث نّس، ڒْوقْث نِّي يسمَّا-يَاس أَربِّـي <نْهَارَا.> منْبَعْد إِ وَاطَّاس ن لْقُرُوْن إِݣ يسِّيوڒ أَربِّـي س نَّبِي دَاود وَامِي ينَّا مَامش ننَّا قْبڒ: <نْهَارَا مڒَا ثسْڒِيم إِ صُّوْت ن أَربِّـي، وَار سقْسِيحث شَا ؤُڒَاون نْوم.>

ثبرات غار يعقوب 5:3

دّْهب نْوم ذ نُّقَارْث نْوم اَرْشَانْت، ثَرْشِيث نِّي اَذ تشْهذ ضد نْوم اَذ تشّ اَيْسُوْم نْوم اَم ثْمسِّي. كنِّيو ثْخزّْنم اَݣْڒَا س وَاطَّاس إِ يِيخف نْوم ذِي ڒْعَهذ-أَ اَنݣَّارُو.

2 بطرس 2:9

أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.

2 بطرس 3:7

ڒخُّو عَاوذ س ڒُوْصِيّث نّس تْوَاخمّْڒن يجنَّاثن ذ ثْمُوْرْث ذِي ڒْوقْث-أَ إِ ثْمسِّي، أَقَا تْوَاسّوْجَاذن إِ يُوْم لْحِسَاب ذ لْعِقَاب اَذ سفْنَان يِنِّي وَار يتْطِيعِين شَا إِ أَربِّـي.

ثبرات زي يهوذا 1:6

أَمُّو عَاوذ يوقْعن إِ لْمَالَائِكَاث نِّي إِي يُوْݣِين اَذ قِّيمنْت ذِي لْمَرْطَابَا نْسنْت ن سُّلْطَا سمْحنْت عَاوذ ذِي ثْزدِّيغْث نْسنْت. مِين ذَاسنْت يݣَّا؟ ئِقّن-يثنْت س سْنَاسڒ نِّي وَار يفنِّين شَا عمَّارْص، ئِبلّع خَاسنْت ذݣ يِجّن ن ثَادْجسْت ذ ثَبرْشَانْت اَڒ لْعِقَاب ن نْهَار نِّي اَمقّْرَان.

لواحي ن يوحنا 2:21

ؤُشِيغ-اَس ڒْوقْث اَذ تْتُوْب زِي لْفَسَاد نّس، وَلَكِن ثُوْݣِي اَذ تْتُوْب.

لواحي ن يوحنا 6:17

أَقَا يُوْسَا-د لْيَوْم اَمقّْرَان ن لْعِقَاب نْسن، ؤُݣ يزمَّرن اَذ يبدّ؟"