أيث-روما 2:29 - ثريفيث 2020

²⁹ وَلَكِن اَئِسْرَائِيلِي يدْجَان ذ صَّح يتِيڒِي غَارس مَانَايَا غَار ذَاخڒ. أُو ذ طَّهَارث ن صَّح تِيڒِي ذݣ وُوْڒ س أَرُّوح ن أَربِّـي، وَار يدْجِي بُو س شَّرِيعَا. بْنَاذم-أَ وَار ث تْشكَّرن شَا يِوْذَان، ئِتْشكَّر-يث أَربِّـي.

أيث-روما 2:29 ပူးပေါင်းရင်းမြစ်များ

لوقا 11:39

ينَّا-ٱس سِيذِيثْنغ: "كنِّيو يفَرِّيسِيْين ثْسِيرِيذم ڒْكَاس نْوم ذ طّبْسِي نْوم غَار بَارَّا مْلِيح، وَلَكِن غَار ذَاخڒ نْوم ثشُّوْرم س طّْمَع ذ شَّرّْ.

لوقا 17:21

لَّا، أَتَاف يوْذَان وَار قَّارن شَا قَا خْزَرث اَقَاث ذِيهَا نِغ اَقَاث ذَا! مَايمِّي؟ أَتَاف ڒْمُلْك ن أَربِّـي اَقَاث ذَايْوم."

يوحنا 12:43

أَقَا رزُّوْن اَرْضَا ن يِوْذَان كْتَار زِي اَرْضَا ن أَربِّـي.

يوحنا 4:23

وَلَكِن اَذ د تَاس ڒْوقْث اَقَا ڒخُّو ثُوْسَا-د، مَعْلِيك يِنِّي يعبّْذن نِيشَان اَتَاف اَذ عبّْذن بَابَا س لْحَقِيقَا ذ اَرُّوْح. ذ يِيْنَا إِي خف يرزُّو بَابَا.

يوحنا 5:44

مَامّش غَا ثݣّم اَذ تَامْنم؟ إِيوَا كنِّيو تخْسم لْعَظَمَا ن وَايَاوْيَا، وَار ثْرزُّوْم شَا خ لْعَظَمَا ن أَربِّـي اَوحْذَانِي.

أيث-روما 14:17

لِأَنَّا ڒْمُلْك ن أَربِّـي نتَّا وَار يدْجِي شَا س مَشَّا نِغ ذ ثِيسسِّي؛ نتَّا س ؤُمْصْڒَاح اَك أَربِّـي ذ ڒهْنَا ذ ڒفْرَاحث س اَرُّوْح يقدّْسن.

أيث-روما 2:27

يعْنِي ونِّي يخدّْمن س مِين ذَايس ذِي شَّرِيعَا ن مُوْسَى، وَاخَّا وَار يݣِّي شَا طَّهَارث ذِي دَّات، أَخَاش يحْكم شك إِي غَار يدْجَا لْكِتَاب نِّي ذ طَّهَارث. مَايمِّي؟ لِأَنَّا شك ثْعصِّيذ شَّرِيعَا.

أيث-روما 3:1

إِيوَا يسْرَائِيلِيْين، مَا غَارْسن شَان نّْفَع خ يِنِّي وَار يدْجِين شَا زِي أَيث-إِسْرَائِيل؟ عَاوذ طَّهَارث، مَا ذَايس شَان نّْفَع؟

أيث-روما 7:6

وَلَكِن ڒخُّو، نشِّين نتْوَافكّ زِي شَّرِيعَا-يَا إِي ذَانغ يقّْنن، نمُّوْث-اَس إِ مَانَاينِّي. نشِّين نْعبّذ س يِجّن ن وبْرِيذ ذ جْذِيذ ن اَرُّوْح ن أَربِّـي، مَاشِي س نِّظَام نِّي اَقْذِيم إِي يُوْرِين ذِي لْكِتَاب.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

1 أيث-كورينث 7:19

مڒَا يتْطهَّار نِغ وَار يتْطهِّير شَا، مَانَاينِّي يتْوَاحْسَاب ذ وَالُو. مڒَا يتݣّ س ڒُوْصِيَاث ن أَربِّـي ذ مَانَاينِّي إِݣ يتْوَاحْسَابن.

22 أيث-كورينث 10:18

لِأَنَّا مَاشِي ونِّي يتْقدَّامن يخف نّس إِي غَا يتْوَاقبّْڒن؛ لَّا، ونِّي إِي غَا يتْوَاقبّْڒن ذ سِيذِي أَربِّـي إِي ث غَا يقدّْمن.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

أيث-فيليـپـي 3:3

شُوْف، ذ نشِّين إِݣ يدْجَان ذ طَّهَارث نِّي ن صَّح. يعْنِي نْعبّذ س أَرُّوْح ن أَربِّـي، غِير نْتفْتَخَر س عِيْسَى لْمَسِيح، وَار نتْرِيجِي شَا اَڒ لْحَسَانَات نّغ.

1 أيث-سلونيك 2:4

لَّا، ئِضْبع-اَنغ أَربِّـي يكلّف-اَنغ خ وَاوَاڒن-أَ يدْجَان ذِي لْإِنْجِيل. زِي مَانَايَا نسَّاوَاڒ بَاش اَخَانغ يَارْضَا أَربِّـي مَاشِي اَخَانغ اَرْضَان يِوْذَان مِينْزِي ذ نتَّا إِݣ يدْجَان ذ ونِّي يتْميَّازن مِين غَارْنغ ذݣ وُوْڒَاون نّغ.

1 بطرس 3:4

لَّا، زِّين نْكنْت يتْخصَّا اَذ يِيڒِي غَار ذَاخڒ نْكنْت يعْنِي زِّين نِّي يتِيڒِين ينُوْفَّر ذݣ وُوْڒ. زِّين-أَ وَار يفنِّي شَا عمَّارْص، غَارس اَرُّوْح مْهدّن ذَايس تَّوَاضُع ذ يِجّن ن شَّان ذ اَمقّْرَان زَّاث إِ ثِيطَّاوِين ن أَربِّـي.