أيث-روما 2:25 - ثريفيث 2020

²⁵ شك مڒَا ثْخدّْمذ س مِين ذَايس ذِي شَّرِيعَا، أَتَاف طَّهَارث نّش اَذ تِيڒِي غَارس اَرْبح. وَلَكِن مڒَا ثْعصِّيذ شَّرِيعَا، أَتَاف اَذ تِيڒِيذ اَخْمِي وَار ثݣِّيذ شَا طَّهَارث.

أيث-روما 2:25 ပူးပေါင်းရင်းမြစ်များ

ڒخذايم 7:51

ينَّا-ٱسن سْتِيفَان: آ يِنِّي إِي ذِي ثدْجَا ثْغنَّانْت، قَا ؤُڒَاون نْوم ذ يمجَّان نْوم قّْنن! كنِّيو تݣّم مَامّش إِي ݣِّين ڒجْذُوْذ نْوم، كِيف-كِيف. ڒبْدَا تْعَارَّاضم-اَس إِ أَرُّوْح يقدّْسن.

أيث-روما 2:13

لِأَنَّا يوْذَان وَار تْمصْڒِيحن شَا اَك أَربِّـي مڒَا تْصنَّاطن وَاهَا إِ وَاوَاڒ ن شَّرِيعَا؛ لَّا، يِنِّي يتݣّن اَرَّاي س مِين ذَايس ذِي شَّرِيعَا، أَتَاف ذ يِنِّي إِي يتْمصْڒَاحن اَك أَربِّـي.

أيث-روما 2:23

شك يتفْتَخَارن زِي شَّرِيعَا، مَا وَار تْوقَّرذ شَا أَربِّـي خْمِي ثْعصِّيذ مِين ذَايس ذِي شَّرِيعَا ن مُوْسَى؟

أيث-روما 2:26

إِنَّمَا، مڒَا ذِنِّي شَان يِجّن وَار يݣِّي شَا طَّهَارث، نتَّا يخدّم س مِين ذَايس ذِي شَّرِيعَا ن مُوْسَى، أَتَاف وَانِيتَا يتْوَاحسَاب اَخْمِي يݣَّا طَّهَارث.

أيث-روما 2:27

يعْنِي ونِّي يخدّْمن س مِين ذَايس ذِي شَّرِيعَا ن مُوْسَى، وَاخَّا وَار يݣِّي شَا طَّهَارث ذِي دَّات، أَخَاش يحْكم شك إِي غَار يدْجَا لْكِتَاب نِّي ذ طَّهَارث. مَايمِّي؟ لِأَنَّا شك ثْعصِّيذ شَّرِيعَا.

أيث-روما 2:28

لِأَنَّا ونِّي يدْجَان ذ أَئِسْرَائِيلِي ذ صَّح، وَار يدْجِي اَم ونِّي د يتْبَانن اَم يسْرَائِيلِيْين ذِي دَّات وَاهَا. عَاوذ طَّهَارث ن صَّح وَار ثدْجِي شَا ذ ثنِّي د يتْبَانن غَار بَرَّا وَاهَا خ دَّات.

1 أيث-كورينث 7:19

مڒَا يتْطهَّار نِغ وَار يتْطهِّير شَا، مَانَاينِّي يتْوَاحْسَاب ذ وَالُو. مڒَا يتݣّ س ڒُوْصِيَاث ن أَربِّـي ذ مَانَاينِّي إِݣ يتْوَاحْسَابن.

أيث-ݣلاطيا 6:13

شُوْف، يِنِّي يتݣّن طَّهَارث نِثْنِي س يِيخف نْسن وَار تْطِيعِين شَا إِ شَّرِيعَا نْسن. رزُّوْن كنِّيو اَذ تݣّم طَّهَارث بَاش اَذ فْتَخَارن بلِّي ثݣِّيم لْعَادَا نْسن ذِي دَّات نْوم.

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.