أيث-روما 2:19 - ثريفيث 2020

¹⁹ مڒَا شك اَقَاش متْأَكّد ثْزمَّرذ اَذ تْسُوْيُوْرذ يضَرْغَاڒن، شك عَاوذ اَقَاش ذ نُّوْر إِ يِنِّي يدْجَان ذِي ثَادْجسْت،

أيث-روما 2:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 15:14

اجّم-ثن! نِثْنِي ذ يضَرْغَاڒن تْجَرَّان يضَرْغَاڒن. مڒَا اَضَرْغَاڒ يجَرّ اَضَرْغَاڒ، أَتَاف اَذ وْضَان س ثْنَاين إِذْسن ذِي شَان ثسْرَافْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 4:16

شَّعْب-أَ إِي يزدّْغن ذِي ثَادْجسْت، أَذ يࢲر ثْفَاوْث ذ ثَمقّْرَانْت. يِيْنَا يزدّْغن ذِي ثَادْجسْت ن ڒْموْث أَذَاسن د يمظْهَار نُّوْر.>

أَسڒْمذ ن سِيذِيثْنغ عِيْسَى لْكِتَاب ن مَتَّى 5:14

كنِّيو ذ ثْفَاوث ن دُّنشْت. ئِجّن ن ثنْدِينْت إِي يدْجَان خ وذْرَار وَار ثْزمَّر اَذ تقِّيم ثْنُوْفَّر.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:23

وَلَكِن مڒَا ثِيطَّاوِين نّش وَار دْجِينْت شَا مْلِيح، أَتَاف مَارَّا ثُوْذَارْث نّش اَذَايس ثِيڒِي ثَادْجسْت. مڒَا ثْفَاوْث إِي ذَايش ثذْوڒ ذ ثَادْجسْت، شْحَاڒ ذ ثُوْبَّارشنْت إِي تِيڒِي ذ ثَادْجسْت نِّي إِي ذَايش.

مرقس 10:15

أَقَا تسْڒَام ڒْحَقّ: لَابُد إِ بْنَاذم اَذ يَامن س ڒْمُلْك ن أَربِّـي مَامْش زَّايس يتَامن وحنْجِير اَمزْيَان. مڒَا لَّا، أَتَاف بْنَاذم نِّي عمَّارص اَذ يَاذف ذِي ڒْمُلْك ن أَربِّـي."

لوقا 1:79

حمَا اَذ يُوْش ثْفَاوْث إِ يِنِّي يتْعِيشن ذِي ثَادْجسْت ذِي ثِيڒِي ن ڒْموْث، حمَا اَذَانغ يسُوْيُوْر يضَارن نّغ غَار وبْرِيذ ن ڒهْنَا."

يوحنا 9:34

نَّان-ٱس: "شك ذ لْعَاصِي زݣ وَامِي د ثْخڒْقذ، مَا ثْرزُّوْذ اَذَانغ ثسْڒمْذذ نشِّين؟" ڒخْدّنِّي طرْدن-ث زِي ثمْزِيذَا.

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.

أيث-روما 2:18

مڒَا شك ثسّْنذ مِين يخس أَربِّـي، ثسّْنذ عَاوذ اَذ تِيخْضَرذ مِين يدْجَان نِيشَان لِأَنَّا شَّرِيعَا ن مُوْسَى ثسْفهَّام-يش.

أيث-روما 2:20

ثْنصّْحذ يِنِّي وَار يسِّينن، ثْسڒْمَاذذ يمزيَانن، لِأَنَّا غَارك ذِي شَّرِيعَا ن مُوْسَى مَارَّا ثُوْسْنَا ذ لْحَقِيقَا.

1 أيث-كورينث 3:18

ئِتْخصَّا وَار ذِنِّي يتِيڒِي حَدّ يخدّع يخف نّس. مڒَا ذِنِّي شَان يِجّن جَارَاوم يحسّب يخف نّس ذ اَمِيغِيس ذِي زْمَان-أَ، ئِتْخصَّا اَذ يذْوڒ ذ اَبُوْهَاڒِي زَعْمَا بَاش اَذ يِيڒِي ذ اَمِيغِس.

1 أيث-كورينث 4:10

نشِّين ذ يبُوْهَاڒِيْين زَعْمَا عْلَاحْسَاب لْمَسِيح، ئِي كنِّيو مَا ذ يمِيغِيسن ذِي لْمَسِيح؟ نشِّين نضْعف، ئِي كنِّيو مَا ثْجهْذم؟ كَرّْمن-كنِّيو، نشِّين سْبهْدَاڒن-اَنغ.

أيث-فيليـپـي 2:15

أَمُّو اَذ تِيڒِيم بَرِئِن بْڒَا ڒْعِيب ذِي ڒْوسْط ن يِوْذَان ن ڒْوقْث-أَ يعوّْجن يخَروْضن. ذَايْسن إِي ثْرقّم اَم يِيثْرَان ذِي دُّنشْت-أَ خْمِي ذَاسن تْقدَّامم اَوَاڒ ن ثُوْذَارْث. أَمنِّي اَذ فْتَخَرغ ذِي نْهَار نِّي ن لْمَسِيح نش وَار ؤُزِّيڒغ شَا وَار خْذِيمغ شَا ذِي ڒْخَاوِي وَاهَا.