أيث-روما 2:17 - ثريفيث 2020

¹⁷ إِيوَا شك، مڒَا ثْحسّْبذ يخف نّش ذ اَئِسْرَائِيلِي، تْرَاجِيذ زِي شَّرِيعَا، تفْتَخَارذ س لْعَلَاقَا نّش اَك أَربِّـي.

أيث-روما 2:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:9

مَاشِي اَذ تِينِيم ذِي نّفْس نْوم قَا نشِّين ذ ثَارْوَا ن بْرَاهِيم أُو صَافِي. مڒَا يخس أَربِّـي ثَارْوَا ن بْرَاهِيم، أَتَاف اَذ ييْسِي يزْرَا-يَا اَثن يَرّ ذ ثَارْوَا ن بْرَاهِيم!

لوقا 10:28

ينَّا-ٱس عِيْسَى: "غَارك ڒْحَقّ ذِي مِين ثنِّيذ. اݣّ زَّايس حمَا اَغَارش ثِيڒِي ثُوْذَارْث."

يوحنا 5:39

ثْرزُّوم ذِي لْكُتُب كنِّيو تْغِير-اَوم ذَايْسن ثُوْذَارْث ن ڒبْدَا. إِيوَا ؤُڒَا ذ يِيْنَا شهّْذن خَافِي.

يوحنا 5:45

وَار تْفكَّرم شَا أَزَّايوم شثْشِيغ غَار بَابَا؛ لَّا، ونِّي إِي زَّايْوم غَا يشثْشَان نتَّا ذ مُوْسَى ونِّي ذِي ثݣِّيم لْأَمَال نْوم.

يوحنا 7:19

ذ مُوْسَى إِي ذَاوم يُوْشِين شَّرِيعَا، نِغ؟ وَلَكِن ؤُڒَا ذ يجّن زَّايْوم مَا يتݣّ زِي شَّرِيعَا نِّي. إِيوَا، مَايمِّي ثخْسم اَذَايِي ثنْغم؟"

يوحنا 8:33

نَّان-اَس: "نشِّين زِي دُّوْرِّيث ن بْرَاهِيم، عمَّارْص وَار ندْجِي ذ يسمْغَان إِ حَدّ. مَايمِّي ذَانغ ثنِّيذ اَذ تْوَاضڒْقم اَذ تِيڒِيم حُرّ؟"

يوحنا 8:41

لَّا، كنِّيو ثْخذْمم ڒخْذَايم ن بَابَاثْوم." نَّان-اَس: "نشِّين وَار د نخْڒِيق شَا زِي لْفَسَاد. غَارْنغ يجّن ن بَابَاثْنغ نتَّا ذ أَربِّـي."

أيث-روما 2:23

شك يتفْتَخَارن زِي شَّرِيعَا، مَا وَار تْوقَّرذ شَا أَربِّـي خْمِي ثْعصِّيذ مِين ذَايس ذِي شَّرِيعَا ن مُوْسَى؟

أيث-روما 3:27

إِيوَا مَا أَ نفْتَخر س شَان ڒْحَاجث؟ لَّا، ممْنُوْع! مَا ممْنُوْع س شَّرِيعَا، يعْنِي س لْحَسَانَاث؟ لَّا، س لإِيمَان!

أيث-روما 9:32

مَايمِّي؟ لِأَنَّا تُوْغَا رزُّوْن صُّلْح نِّي س ڒخْدَايم نْسن وَاهَا بْڒَا مَا ٱذ اَمْنن. نْقڒْظن ذݣ وزْرُو نِّي إِي ذِي تْنقْڒَاظن يِوْذَان.

22 أيث-كورينث 11:22

مڒَا نِثْنِي ذ يعِيبْرَانِيْين، ؤُڒَا ذ نش ذ اَعِيبْرَانِي. مڒَا نِثْنِي زِي أَيث-إِسْرَائِيل، ؤُڒَا ذ نش ذ اَئِسْرَائِيلِي. مڒَا نِثْنِي ؤُسِين-د زِي ثَارْوَا ن بْرَاهِيم، ؤُڒَا ذ نش ؤُسِيغ-د زِي ثَارْوَا ن بْرَاهِيم.

أيث-ݣلاطيا 2:15

نشِّين ذ يسْرَائِيلِيْين زݣ وَامِي د نخْڒق، نشِّين وَار ندْجِي شَا زِي ڒݣْنُوْس يعصَّان زَعْمَا.

أيث-ؤفسوس 2:11

إِيوَا عقْڒث بلِّي كنِّيو تُوْغَا ثدْجَام زݣ يِنِّي يتْوَاسمَّان ذ لْكُفَّار زَعْمَا، وَار ثݣِّيم شَا طَّهَارث. أَمنِّي إِي قَّارن ينِّي يتݣّن طَّهَارث (يعْنِي غِير مِين تݣّن ذِي دَّات س يفَاسّن ن بْنَاذم وَاهَا).

لواحي ن يوحنا 2:9

نش سّْنغ ڒمْحَاين نّش، شك ذ ڒْمسْكِين، وَلَكِن لَّا شك ذ تَّاجَر! سّْنغ ڒْبَاطڒ إِي خَاوم قَّارن يِنِّي يحسّْبن يخف نْسن زِي أَيث-إِسْرَائِيل. لَّا، نِثْنِي وَار دْجِين شَا زِي جْمَاعث ن أَيث-إِسْرَائِيل؛ نِثْنِي غِير ذ يجّن ن جْمَاعث إِݣ يعبّْذن شِّيطَان.

لواحي ن يوحنا 3:1

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن سَرْدِيس، إِنِي-يَاس قَا ونِّي غَار دْجَان سبْعَا ن اَرُّوْحَاث ن أَربِّـي ذ سبْعَا ن يِيثْرَان، ئِقَّار-اَش: نش سّْنغ ڒخْذَايم نّش. قَّارن قَا شك ثدَّرذ وَلَكِن لَّا شك ثمُّوْثذ.

لواحي ن يوحنا 3:9

أَمَّا يِنِّي زِي جْمَاعث إِي يعبّْذن شِّيطَان حسّْبن يخف نْسن زِي أَيث-إِسْرَائِيل، وَلَكِن نِثْنِي وَار دْجِين شَا زِي أَيث-إِسْرَائِيل سْخرِّيقن وَاهَا. أَثن د اَرّغ س بزّز اَذ د اَسن اَذ سجّْذن غَار يضَارن نّش اَذ سّْنن نش تْحِبِّيغ-شك.