أيث-روما 16:26 - ثريفيث 2020

²⁶ ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 16:26 ပူးပေါင်းရင်းမြစ်များ

مرقس 16:15

ينَّا-ٱسن: "رُوْحم غَار مَارَّا دُّنشْت، بشَّرم مَارَّا ڒݣْنُوْس س لْإِنْجِيل.

ڒخذايم 10:43

مَارَّا لْأَنْبِيَا شهّْذن خَاس نَّان قَا مَارَّا يِنِّي زَّايس غَا يَامْنن اَذ تْوَاغْفَرنْت ڒْمُعْصِيَاث نْسن س يِيسم نّس."

ڒخذايم 6:7

ئِنْتَاشَار وَاوَاڒ ن أَربِّـي، مَارْنِين-د اَطَّاس ن يمحْضَارن ذِي لْقُدْس، ؤُمْنن اَطَّاس ن ڒْفُقَهَا ن أَيث-إِسْرَائِيل زِي لْإِنْجِيل.

أيث-روما 1:2

لْإِنْجِيل-أَ إِي زِي يوْعذ أَربِّـي ذِي زْمَان س يِيڒس ن لْأَنْبِيَا نّس ذِي لْكِتَاب لْمُقدّس.

أيث-روما 1:20

زݣ وَامِي ثدْجَا دُّنشْت-أَ، مِين وَار يتْوَاࢲرّن ن أَربِّـي يعْنِي جّْهذ نّس يتْدُوْمَان ذ طَّبِيعَا نّس يُوْعْڒَان، نْفهّم-يثنْت نْࢲرّ-يثنْت مْلِيح ذِي ثْمسْڒَايِين يتْوَاخڒْقن. عْلَاحْسَاب مَانَايَا يوْذَان وَار غَارْسن بُو لْعُدر.

أيث-روما 1:5

أَقَا زِي عِيْسَى أُو خ سَّبَاب ن يِيسم نّس يݣَّا ذَايِي أَربِّـي لْبَرَكَا حمَا اَذ يڒِيغ ذ اَرَّسُوْل، أَذ بشَّرغ يوْذَان زِي مَارَّا ڒݣْنُوْس اَزَّايس اَمْنن اَذَاس طَاعن.

أيث-روما 15:18

شُوْف، زعْمغ اَذ سِّيوْڒغ غِير خ مِين يخدّم لْمَسِيح خ وفُوْس ينُو حمَا يِنِّي وَار يدْجِين شَا زِي أَيث-إِسْرَائِيل اَذ طَاعن إِ أَربِّـي س وَاوَاڒ ذ ڒخْذَايم ينُو،

أيث-روما 15:4

شُوْف، مَارَّا مِين يُوْرِين ذِي لْكُتُب ذِي زْمَان ؤُرِين-ث بَاش اَزَّايس نڒْمذ نشِّين. أَوَاڒ ن أَربِّـي يتْشجَّاع-اَنغ، ئِتَاوِي-يَانغ-د صّْبَر حمَا اَغَارْنغ يِيڒِي لْأَمَال.

أيث-روما 3:21

فَا ڒخُّو أَربِّـي يسْمظْهَار-اَنغ-د مَامّش غَا نݣّ أَ نْمصْڒَاح اَكِذس بْڒَا شَّرِيعَا. مَانَايَا صَحّن-ث لْكُتُوْب ن لأَنبِيَاء ذ شَّرِيعَا ن مُوْسَى نِثْنِي س يِيخف نْسن.

أيث-ݣلاطيا 3:8

زِي قْبڒ يخْبَار-د أَربِّـي ذِي لْكِتَاب اَذ يسْمصْڒَاح اَكِذس س لْإِيمَان يِنِّي وَار يدْجِين شَا زِي أَيث-إِسْرَائِيل. عْلَاحْسَاب مَانَاينِّي يبشَّر زِي قْبڒ بْرَاهِيم س لإِنْجِيل ينَّا-ٱس قَا اَذ تْوَابَرْكن مَارَّا ڒݣْنُوْس خ سَّبَاب نّش.

أيث-ؤفسوس 1:9

أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

أيث-ؤفسوس 2:20

ثَدَّارْث-أَ نتَّاث ثبْنَا خ دْسَاس ن يِيزْرَا يدْجَان ذ اَرُّسُل ذ لْأَنْبِيَا. أُو لْمَسِيح س يِيخف نّس اَقَاث ذ اَزْرُو نِّي يدْجَان ذݣ ومْشَان اَصبْحَان ذِي ثْغمَّارْث ن دْسَاس نّس.

أيث-كولوس 1:26

أَوَاڒ-أَ نتَّا ذ ڒْمَعْنَا نِّي إِي تُوْغَا ينُوْفَّرن ذِي زْمَانَاث ذ لْجِلَاث يعْذُوْن، ڒخُّو اَرِّين-د خَاس ڒخْبَار صَّالِحِين.

1 تيموتاوس 1:17

اَزدْجِيذ نّغ اَغَارس ثِيڒِي لْعَظَمَا إِ ڒبْدَا ن ڒبْدَاث، ونِّي عمَّارْص اَذ يفْنَا عمَّارْص اَذ يمّث ونِّي وَار ث يتْوِيڒِي حَدّ ونِّي يدْجَان ذ أَربِّـي وَاحْذس. آمِين.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

2 تيموتاوس 1:10

أَرْضَا-يَا قَا يمظْهَار-د ڒخُّو وَامِي د يمظْهَار عِيْسَى لْمَسِيح ونِّي إِي ذَانغ يسنْجَامن ونِّي يسْبطّْڒن ڒْموْث. ڒخُّو س وفُوْس ن لْإِنْجِيل يُوْوِي-د ثُوْذَارْث غَار نُّوْر ذ ثنِّي وَار يفنِّين شَا.

يعيبرانيين 13:8

عِيْسَى لْمَسِيح نتَّا ذ يجّن، أَمشْنَاو إِضنَّاظ اَمشْنَاو نْهَارَا اَمشْنَاو إِ ڒبْدَا.

يعيبرانيين 9:14

مڒَا اَمنِّي، مشْحَاڒ إِي ذَانغ غَا سِّيصْفَان يذَامّن ن لْمَسِيح كْتَار! نتَّا يرُوْح س أَرُّوْح نِّي يتْدُوْمَان إِ ڒبْدَا يقدّم يخف نّس بْڒَا ڒْعِيب إِ أَربِّـي، ئِذَامّن نّس اَذَانغ سِّيصْفَان ضَّمِير نّغ زِي سَّايِأَث بَاش أَ نعْبذ أَربِّـي يدَّرن.

1 يوحنا 5:20

نسّن عَاوذ اَقَا مِّيس ن أَربِّـي يُوْسَا-د يُوْشَا-ٱنغ ڒفْهَامث بَاش أَ نسّن ونِّي يدْجَان ذ صَّح. نشِّين اَقَانغ ذݣ ونِّي يدْجَان ذ صَّح س مِّيس عِيْسَى لْمَسِيح. وَانِيتَا إِݣ يدْجَان ذ أَربِّـي ن صَّح ذ ثُوْذَارْث ن ڒبْدَا ن ڒبْدَاث.

لواحي ن يوحنا 1:17

وَامِي ث ࢲْرِيغ ؤُضِيغ-اَس غَار يضَارن نّس اَخْمِي مُّوْثغ. ئِسرْس-د خَافِي فُوْس نّس اَفُوْسِي ينَّا-ٱيِي: "وَار تݣّْوذ شَا!" ينَّا-ٱيِي: "قَا نش ذ اَمزْوَارُو ذ اَنكَّارُو.

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."